1 Juan 4:4 - Bible in Tzeltal Bachajón

⁴ Cal-jnich'nab, yu'unex Dios te ha'exe soc atsalojiquix te lotil jalwanejetic, como te Mach'a ay ta awo'tanic c'ax hich yu'el a te bin ut'il te mach'a ay ta bahlumilal.

Nuevo Testamento Tzeltal de Amatenango

⁴ Kuntikil, te jaꞌexe jaꞌ yuꞌunex te Diose, y la atsalikix te jloꞌlawanejetik abi. Porke te machꞌa ay ta atojolike, jaꞌ mas bayal spoder ke ta machꞌatik ayik ta skuenta te balmilale.

Bible in Tzeltal de Oxchuc y Tenejapa

⁴ Cal-jnich'nab te ja' yu'unex te Diose, atsalojiquix te lotil j'alwanejetique, yu'un ja' cajal yip te mach'a jun ayex soque. Yan te mach'atic ayic ta swenta te balumilale, alan yip stuquel.

1 Juan 4:4 ပူးပေါင်းရင်းမြစ်များ

San Juan 12:31

La stahix yorahil te ya x'och ta ich'el ta c'op te mach'atic ayic ta bahlumilal; la stahix yorahil te ya yich' loq'uesel te principal yu'un te bahlumilal ini.

San Juan 14:30

Mayuquix bayel c'ahc'al ya jc'oponex, como yaquix ta talel te principal yu'un te bahlumilal. Mayuc bin yochelon a;

San Juan 16:11

soc ya ya'be sna'ic bin ut'il ay sc'oblal schahpanel mulil, como chahpambilix te principal yu'un te bahlumilale.

San Juan 17:23

Jun ayon soc, soc jun ayotic te ho'otic, scuenta yu'un jc'axel jun yo'tan sbahic, scuenta yu'un ya me sna'ic te mach'atic ayic ta bahlumilal te ha'at la aticonon tal, soc te c'uxic ta awo'tan hich te bin ut'il c'uxon ta awo'tan.

Romanos 8:31

¿Bin ya caltiquix yu'un a ini? Teme lec yo'tan Dios ta jtojoltic, ¿mach'a ya xhu' ya scontrahinotic?

Romanos 8:37

Ta spisil ini, ho'otic jc'axel ya ca'iytic tsalaw ta scuenta te Mach'a c'ux la ya'iyotic ta yo'tane

1 Corintios 2:12

Te ho'otic ma ha'uc quich'ojtic te espíritu yu'un bahlumilal, ha quich'ojtic te Espíritu te talem ta stojol Dios, scuenta yu'un hich ya jna'tic a te bin ya'beyejotic te Diose.

1 Corintios 6:13

Te we'elil ha yu'un ch'uhtul soc te ch'uhtul ha yu'un we'elil, pero Dios ya me slajin ta schebal. Pero te jbaq'uetaltic, ma ha'uc stuc yu'un antsiwej o antsinel, ha yu'un Cajwaltic, soc te Cajwaltic ha yu'un te jbaq'uetaltique.

2 Corintios 4:4

ha te mach'atic ma xch'uhunic, te macbibil spensaric yu'un te dios yu'un te bahlumilal ini, scuenta yu'un ma ba ya yilic te sacal q'uinal yu'un te lec yach'il c'op yu'un te yutsilal te Cristo, te ha slop'tayej sba a te Diose.

2 Corintios 6:16

¿Bin ut'il te jun ya schap sc'opic te templo yu'un Dios soc te loc'ombahetique? Ha'ex templohex yu'un te cuxul Dios, hich te bin ut'il yaloj te Diose: Ya xnahinon soc ya xbehenon ta yohlilic; ho'on Dioson yu'unic ya xc'ohon, soc ha pueblo cu'un ya xc'ohtic.

Efesios 2:2

te la apasic te c'alal la at'umbeyic stalel te bahlumilal soc la apasic te bin la sc'an te ajaw te scuentahinej te ic', ha te espíritu te yac ta a'tel ta stojol te al-nich'anetic yu'un c'axun-c'op.

Efesios 3:17

soc te yacuc xnahin ta awo'tanic te Cristo ta scuenta sch'uhunel awo'tanic, scuenta yu'un, te bin ut'il lop'inemex soc awich'oj awipic tey ta c'uxul-o'tanil,

Efesios 6:10

Scuenta slajibal, ich'a me yip awo'tanic ta scuenta te Cajwaltic soc te yu'ele.

1 Juan 2:1

Cal-jnich'nab, hich ya jts'ihbabeyex scuenta yu'un ma ba yac alehix amulic a. Pero teme ay mach'a ya sta smul, ay mach'a ya xc'opoj cu'untic ta stojol te Tatil, ha te Jesucristo te toj yo'tan stuquel.

1 Juan 2:13

Ha'ex tatiletic, ya jts'ihbabeyex como yac ana'beyic sba te Mach'a stalel ay ta shahchibal. Ha'ex ach'ix queremetic, ya jts'ihbabeyex como atsalojiquix te mach'a chopole. Ha'ex alaletic, ya jts'ihbabeyex como ana'beyejiquix sba te Tatile.

1 Juan 3:20

teme ay ya yalbotic te co'tantic te ay bin chopol jpasojtic, ha c'ax muc' te Dios te bin ut'il te co'tantic, soc ha ya sna' spisil stuquel.

1 Juan 3:24

Te mach'a ya sch'uhumbe smandar, jc'axel ayix ta stojol Dios, soc Dios ay ta yo'tan. Hich ya jna'tic a te ay ta co'tantic te Diose: ha ya jna'tic ta scuenta te Espíritu ya'beyejotique.

1 Juan 4:13

Hich ya jna'tic te jc'axel ayotic ta stojol Dios soc te ay ta co'tantic te Diose, ha te la ya'botic te Espíritu yu'une.

1 Juan 4:16

Jna'ojtic soc jch'uhunejtic te c'uxotic ta yo'tan te Diose. Ha jc'uxultaywanej te Diose, soc te mach'a spisil ora ya ya'iy c'uxultaywanej, ay ta stojol Dios soc Dios ay ta yo'tan.

1 Juan 4:6

Yan te ho'otic yu'unotic Dios. Te mach'a ya sna'beyic sba te Diose, ya ya'iybotic jc'optic; te mach'a ma yu'unuc te Diose, ma xya'iybotic te jc'optique. Tey ya jna'betic sba a te espíritu yu'un smelelil c'op soc te espíritu yu'un lotil c'op.

1 Juan 5:19

Jna'ojtic te ho'otic yu'unotic Dios, soc te ay ta sc'ab pucuj swohlol te bahlumilale.

1 Juan 5:4

como spisil mach'a ayinem ta scuenta Dios, ya stsal te bahlumilale. Te bin stsaloj te bahlumilal, ha te sch'uhunel co'tantique.

Apocalipsis 12:11

Ha'ic la stsalic ta scuenta sch'ich'el te Jcolel Tuminchij soc ta scuenta te testigo-c'op la yalique. La sloq'ues sbahic ta yo'tanic, ma ba la xi'ic lajel.