1 Juan 4:17 - Bible in Tzeltal Bachajón

¹⁷ Ts'acal c'ohem ta co'tantic te c'uxul-o'tanil scuenta yu'un ay smuc'ul co'tantic ta yorahil ich'el ta c'op, como li' ta bahlumilal hich ayotic te bin ut'il ay stuquel te Diose.

Nuevo Testamento Tzeltal de Amatenango

¹⁷ Jaꞌ yuꞌun te batsꞌi jich ay te xkꞌuxul koꞌtantike yuꞌun ay me smukꞌul koꞌtantik te tut kaalil te ya yichꞌelotik ta jkuentae. Porke te joꞌotike yipalotik ta aꞌtel ta balmilal jich tutꞌil aꞌtej te Jesucristoe.

Bible in Tzeltal de Oxchuc y Tenejapa

¹⁷ Ta swenta te xc'uxul yo'tan te Diose, ya stojobtesotic swenta yu'un ja' smuc'ul co'tantic te c'alal ya sta sc'aalelal te ich'el ta c'ope. Jichuc me cat'eltic ta q'uinal te bi yilel yat'el te Jesucristoe.

1 Juan 4:17 ပူးပေါင်းရင်းမြစ်များ

San Mateo 10:15

Jamal ya calbeyex, ta yorahil ich'el ta c'op peq'uel xan castigo ya yich' te Sodoma soc Gomorra te bin ut'il ya yich' ha'i pueblo ini.

San Mateo 10:25

Tic'uc a te jnopojel te pajal ya xc'oht soc te maestro yu'un, soc te a'bat te pajal ya xc'oht soc te yajwale. Teme a'bot sbihilin Beelzebú te tatile, ¿ha'uc to balix a te mach'atic ay yu'un ta sna?

San Mateo 11:22

Ha yu'un ya calbeyex te ta yorahil ich'el ta c'op ha peq'uel castigo ya yich' te Tiro soc te Sidón te bin ut'il ya yich' te Corazín soc te Betsaida.

San Mateo 11:24

Ha yu'un ya calbeyex te c'alal ya sta yorahil ich'el ta c'op ha peq'uel xan castigo ya yich' te Sodoma te yac awich' te ha'ate, xchi te Jesús.

San Mateo 12:36

Ya calbeyex te spisil c'op te mayuc stuc te ya yalic te ants-winiquetic ya me xc'ohtic ta ich'el ta c'op yu'un ta yorahil chahpanel.

San Juan 15:20

Na'ahic me te bin la jcalbeyex: Te a'bat ma ha'uc toyol xan ay te bin ut'il te yajwal, te xchihone. Teme ho'on la yuts'inonic, ha nix hich ya me yuts'inex ec. Teme la yich'bonic ta cuenta te jc'ope, ha nix hich ya yich'beyex ta cuenta te ac'opique.

San Juan 17:22

Te cutsilal la awa'bon, ha nix la jca'beyic, scuenta yu'un junax ya xc'ohtic, hich te bin ut'il jun ayotic te ho'otique.

Romanos 8:29

Como te mach'atic nahil la sna'be sba, ha nix la schahpan te pajal yilel ya xc'ohtic soc te Snich'ane, scuenta yu'un muc'ul banquilal ya xc'oht yu'un tsobol ihts'inaletic.

Hebreos 9:27

Jmehl nax ya xchamic ants-winiquetic, patil ay ich'el ta c'op,

Santiago 2:13

como te mach'a ma ba la ya'iy c'uxultaywanej, ma ba ya yich' c'uxultayel te c'alal ya xc'oht ta ich'el ta c'op; te c'uxultaywanej ya stsal te ich'el ta c'op.

Santiago 2:22

¿Ma bal yacuc awil te sch'uhunel yo'tan la snuhp'in sba soc te ya'tel, soc te ts'acal c'oht te sch'uhunel yo'tan ta scuenta te bin la spase?

2 Pedro 2:9

Te Cajwaltic ya sna' scoltayel loq'uel ta sujel te mach'atic jun yo'tanic ta stojol Dios, soc ya sna' sq'uejel te mach'atic ma tojuc bin ya spasic yu'un ya yich'ic castigo c'alal ya sta yorahil ich'el ta c'op;

2 Pedro 3:7

Yan te ch'ulchan soc bahlumilal te ay ta ora ini, ha nix ta scuenta te sc'op Dios quechel te ya xlajic ta c'ahc', ha quechelic yu'un te yorahil ich'el ta c'op soc sjinel te chopol ants-winiquetique.

1 Juan 2:28

Cal-jnich'nab, jc'axel ayinanic me ta stojol, scuenta yu'un te c'alal ya xchicnaj ay me yip co'tantic a, soc ma ba q'uejel ya cac' jbahtic ta stojol yu'un q'uexlal te c'alal ya xtale.

1 Juan 2:5

Yan te mach'a ya sch'uhumbe sc'op, ts'acal c'ohemix ta yo'tan te sc'uxul yo'tan te Dios ta mero melel. Hich ya jna'tic a te jun ayotic soque.

1 Juan 2:6

Te mach'a ya yal sba te spisil ora ay ta stojol te Diose, ya sc'an ya xbehen hich te bin ut'il behen te Jesuse.

1 Juan 3:1

Ilawil bin ut'il bayel c'uxotic ta yo'tan te Tatil, te ha yal-snich'anotic Dios ya jbihilintic. Ha scuentahil te ma sna'botic jbahtic te bahlumilale, como ma sna'beyic sba te Diose.

1 Juan 3:3

Spisil mach'a te hich yac ta smahliyel, ha nix yac slecubtesbel sba, hich te bin ut'il lec stuquel te Cristo.

1 Juan 3:7

Cal-jnich'nab, ma me ayuc mach'a ya slo'loyex; te mach'a ya spas te bin toj, ha toj yo'tan ta winiquil, hich te bin ut'il toj yo'tan stuquel te Jesucristo.

1 Juan 4:12

Mayuc mach'a yiloj te Diose; pero teme talel c'axel c'ux ya ca'iy jbahtic, ay ta co'tantic te Diose soc ts'acal c'oht te sc'uxul yo'tan ta co'tantic.