1 Juan 4:12 - Bible in Tzeltal Bachajón

¹² Mayuc mach'a yiloj te Diose; pero teme talel c'axel c'ux ya ca'iy jbahtic, ay ta co'tantic te Diose soc ts'acal c'oht te sc'uxul yo'tan ta co'tantic.

Nuevo Testamento Tzeltal de Amatenango

¹² Yuꞌun ni jtuluk machꞌa yiloj te Diose. Pero teme talel bael ya jkꞌuxutay jbajtike, Dios me jmel nax ay ta koꞌtantik, sok jich me ay xkꞌuxul koꞌtantik jich tutꞌil te xkꞌuxul yoꞌtane.

Bible in Tzeltal de Oxchuc y Tenejapa

¹² Jtul ma'yuc mach'a yilojbey sit te Diose. Teme talel c'axel c'ux ya caiy jbajtique, yu'un nanix jc'axel ainemix ta co'tantic a te Diose, soc jich me ya cac'tic ta ilel te xc'uxul yo'tan Dios cu'untic.

1 Juan 4:12 ပူးပေါင်းရင်းမြစ်များ

Génesis 32:30

Te Jacob la ya'be sbihilin Peniel te lugar, como la yal: La jquilbe sit yelaw te Diose, pero cuxul hilon, xchi.

Éxodo 33:20

Pero ma xhu' yac awilbon te jsit quelaw, como mayuc mach'a ya xhu' ya yilon te cuxul ya xhil, xchi.

Números 12:8

Ya jsitin jba ta c'op soc, jamal ya jc'opon, ma ha'uc ta scuenta muquen c'op; soc ya yil bin yilel te Jehová. ¿Bin yu'un hiche te ma ba yac axi'ic te yac acontrac'optayic te ca'bat Moisés? xchi.

San Juan 1:18

Mayuc mach'a yiloj te Diose, pero te hip jtuhl Snich'an te jun ay soc te Tatil, ha la yac' ta na'beyel sba.

1 Corintios 13:13

Ha yu'un ay oxeb te bin ma xlaj sc'oblal: ha te sch'uhunel-o'tanil, te smuc'ul-o'tanil soc te sc'uxul-o'tanil; pero ta yoxebal ha muc' sc'oblal te c'uxul-o'tanile.

1 Timoteo 1:17

Ha yu'un ac'a ich'ec ta muc' soc ayuc me yutsil sc'oblal sbahtel q'uinal te Ajwalil te sbahtel q'uinal ay, te stalel cuxul, te ma chicanuc ta ilel, te ha nax Dios stuquel. Hichuc.

1 Timoteo 6:16

te ha nax stuquel ma xcham, te nahinem ta sacal q'uinal te ma xhu' ochel tey a, te mayuc mach'a yiloj soc ma xhu' ya yil. Ha ac'a ich'ec ta muc' soc ayuc yu'el sbahtel q'uinal stuquel. Hichuc.

Hebreos 11:27

Ta scuenta sch'uhunel yo'tan la yihquitay hilel te Egipto, ma ba la xi' te yilimba te ajwalil, como la yich' yip yo'tan yu'un te yac yilbel ya'iyel te Mach'a ma chicanuc ta ilele.

1 Juan 2:5

Yan te mach'a ya sch'uhumbe sc'op, ts'acal c'ohemix ta yo'tan te sc'uxul yo'tan te Dios ta mero melel. Hich ya jna'tic a te jun ayotic soque.

1 Juan 3:24

Te mach'a ya sch'uhumbe smandar, jc'axel ayix ta stojol Dios, soc Dios ay ta yo'tan. Hich ya jna'tic a te ay ta co'tantic te Diose: ha ya jna'tic ta scuenta te Espíritu ya'beyejotique.

1 Juan 4:16

Jna'ojtic soc jch'uhunejtic te c'uxotic ta yo'tan te Diose. Ha jc'uxultaywanej te Diose, soc te mach'a spisil ora ya ya'iy c'uxultaywanej, ay ta stojol Dios soc Dios ay ta yo'tan.

1 Juan 4:20

Teme ay mach'a ya yal: C'ux ta co'tan te Dios, teme xchihe, pero teme ya yil-o'tantay te yermano, yac ta lot abi, como te mach'a ma ba c'ux ta yo'tan te yermano te yilbeyej sit, ¿bin ut'il c'an c'uxuc ta yo'tan te Dios te ma ba yilbeyej sit stuquel?

1 Juan 4:6

Yan te ho'otic yu'unotic Dios. Te mach'a ya sna'beyic sba te Diose, ya ya'iybotic jc'optic; te mach'a ma yu'unuc te Diose, ma xya'iybotic te jc'optique. Tey ya jna'betic sba a te espíritu yu'un smelelil c'op soc te espíritu yu'un lotil c'op.