1 Juan 4:1 - Bible in Tzeltal Bachajón

¹ Ha'ex te c'uxex ta co'tan, ma me xach'uhunic spisil espírituhetic, nahil me xatsahtayic teme ha yu'un Dios, como ay bayel lotil jalwanejetic te puhquemic bahel ta bahlumilal.

Nuevo Testamento Tzeltal de Amatenango

¹ Kermanotak te kꞌuxex ta koꞌtane, ma me achꞌuunik ta spisil te machꞌatik ya yalik te yikꞌojik te Espíritu yuꞌun te Diose. Aꞌiya awaꞌiyik nailuk teme jaꞌ te Espíritu yuꞌun Dios te ay ta stojolike o ma jaꞌuk. Porke nojel te balmilale te jloꞌlawanejetik te ya yalik te jaꞌ ta skuenta Dios te tut ya yalike.

Bible in Tzeltal de Oxchuc y Tenejapa

¹ Quermanotac te c'uxex ta co'tane, ma me xach'uunic te mach'atic scuyojic ta swenta Espíritu te c'op ya yalique. Tsajtaya me awilic neeluc teme ja' nix Espíritu yu'un Dios te yic'ojique, o teme ma ja'uque. Te melel pujq'uemiquix ta balumilal tsobol lotil j'alwanejetic.

1 Juan 4:1 ပူးပေါင်းရင်းမြစ်များ

1 Reyes 13:18

Pero la sjac' te yane: Ha nix hichon jalwanejon yu'un Dios, hich te bin ut'il ha'at. Ay ch'ul a'bat te hich la yalbon ta scuenta smandar Jehová: Ic'a bahel ta we'el uch'el ta ana, xchi ta lot.

Proverbios 14:15

Te mach'a ma sna' q'uinal spisil ya sch'uhun, yan te mach'a p'ij yo'tan ya stsahtay te banti ya xbehene.

Jeremías 14:14

Ha yu'un hich la yalbon te Jehová: Lotil te bin ya yalic te jalwanejetique. Ma ba jticonej, ma ba calbeyej mandar, soc ma ba jc'oponej. Ha ya yalbeyex lotil nahalsitil, na'ojel, tojol c'op soc lo'loywanej te ay ta yo'tanique.

Jeremías 23:16

Hich yaloj te Jehová te scuentahinej spisil: Ma xawa'iybeyic sc'op te jalwanejetic te ya yalbeyex sc'op-jalwanej; ya ya'beyex smuc'ul awo'tanic te toyol ay. Ya yalbeyic sc'oblal snahalsitic te talem ta yo'tanic, ma ha'uc te bin halbotic yu'un te Jehová.

Jeremías 5:31

Te jalwanejetic ya yalic lot, te sacerdotehetic ya xcuentahinwanic ha chican bin ya sc'an yo'tanic. ¡Hich ya sc'an te pueblo cu'une! Pero ¿bin yac apasic c'alal ya xtal slajibal? xchi te Jehová.

San Marcos 13:21

Ha yu'un teme ay mach'a ya yalbeyex: Ilawil, li' ayix te Cristo, o: Ilawil, lum aye, teme xchihe, ma me xach'uhunic.

San Lucas 12:57

¿Bin yu'un ma ha'uquex nix yac anopic te bin toj ta pasele?

San Lucas 21:8

Halbotic yu'un Jesús: Tsahtaya me abahic te manchuc yac awich'ic lo'loyel, como ay tsobol mach'atic ya xtalic ta scuenta jbihil, te hich ya yalic: Ho'on Cristohon, xchihic, soc: Nopolix yorahil, xchihic. Pero ma me xat'unic.

Hechos 17:11

Te mach'atic ayic ta Berea ha lec xan stalelic a te bin ut'il te mach'atic ayic ta Tesalónica, yu'un spisil yo'tanic la sch'uhunic te sc'op Diose. Jujun c'ahc'al la yo'tantayic yilel te bin ts'ihbabil ta Shun Dios teme hich nix ya yal a.

Hechos 20:29

yu'un jna'oj te c'alal ya xloc'on bahel ya me x'och tal ta awohlilic ti'awal chojetic te ya slajin te tuminchijetique.

1 Corintios 12:10

ay yan ya x'a'bot spas jchahp a'teliletic; ay yan ya x'ac'ot ta yalel sc'op-jalwanej; ay yan ya x'a'bot stsahtay espírituhetic; ay yan ya x'ac'ot ta c'op ta yan c'opiletic; ay yan ya x'a'bot sna' sc'asesel yan c'opiletic.

1 Corintios 14:29

Ha nix hich te mach'a ya yal te sc'op-jalwanej, ac'a c'opojuc cha'oxtuhl, te yantic ac'a stsahtayic te bin ya yalique.

1 Tesalonicenses 5:20

Ma me xap'ajic te sc'op-jalwanej.

1 Tesalonicenses 5:21

Tsahtayahic spisil, ich'ahic te bin leque.

2 Tesalonicenses 2:2

te ma me xyanij ta ora te snopojibal awu'unic soc ma me xiw awo'tanic yu'un sc'op-jalwanej o yan c'op o carta te sjel ta cu'uncotic te ya yal te c'ohtix sc'ahc'alel te Cajwaltique.

1 Timoteo 4:1

Pero jamal ya yal te Espíritu te ta nopol slajibal c'ahc'al ay mach'atic ya yihquitayic sch'uhunel Dios, ya me st'unic jlo'loywanej espírituhetic soc te bintic ya yaq'uic ta nopel pucujetic.

2 Timoteo 3:13

Yan te mach'atic chopolic soc te jlo'loywanejetic behbe bohlobelic stuquel, ya xlo'loywanic soc ha nix lo'loybilic.

2 Pedro 2:1

Ta namey ay lotil jalwanejetic ta yohlil te pueblo Israel, hich te bin ut'il ya me xchicnaj lotil jp'ijubteswanejetic ta awohlilic te muquen ya yotsesic bin ay ta nopel te ya xjinawan, soc ya smuc ta yo'tanic te Cajwaltic te mambil scolelic yu'une. Ha nix yac yich'belic tal castigo te ora ya xtal ta stojolic.

1 Juan 2:18

Cal-jnich'nab, slajibalix c'ahc'al ayotic. Hich te bin ut'il awa'iyejic te ya xtal te anticristo, chicnajemix tsobol anticristohetic. Hich ya jna'tic a te slajibalix ora ayotique.

1 Juan 2:7

Quermanotac, ma ba ya jts'ihbabeyex yach'il mandaril, ha nix te antiguo mandaril awa'iyejic ta shahchibal to. Te antiguo mandaril ini ha te c'op te ay nix awa'iyejic ta nahil to.

2 Juan 1:7

Tsobol jlo'loywanejetic hahchemic ta behel ta bahlumilal te ma ba ya yalic te tal soc sbaq'uetal te Jesucristo. Te mach'a hich ya yal, ha me jlo'loywanej soc ha te anticristo.

3 Juan 1:11

Hermano te c'uxat ta co'tan, ma me xanop spasel te bin chopol, ha me xanop spasel te bin leque. Te mach'a ya spas te bin lec, ha me yu'un Dios stuquel, yan te mach'a ya spas te bin chopol, ma ba yiloj te Diose.

Apocalipsis 2:2

Ya jna' bin yilel awa'tel, te tulan ayat ta a'tel soc te ya xcuhch awu'un; soc ya jna' te ma xcuhch awu'un te mach'atic chopolic, te atsajoj te mach'atic ya scuy sbahic ta jpuc-c'opetic pero ma ha'uc, soc la atsaquix ta slotic.