1 Juan 3:9 - Bible in Tzeltal Bachajón

⁹ Spisil mach'a ayinem ta stojol Dios, ma ba ya slehulanix smul, como yich'beyej stalel te Diose. Ma xhu' ya slehulanix smul, como ha yal-snich'an te Diose.

Nuevo Testamento Tzeltal de Amatenango

⁹ Ni jtuluk te machꞌa xnichꞌan Dios ya yaꞌtelin sleel smule, porke jaꞌ yichꞌoj te kuxlejal yuꞌun Dios te jaꞌ aꞌbil yuꞌune. Jich ma spas ya sle smul porke jaꞌ xnichꞌan te Diose.

Bible in Tzeltal de Oxchuc y Tenejapa

⁹ Spisil mach'a ayinem ta stojol te Diose, ma ba ya yat'elin sleel smul, melel jc'axel ja' sts'umbalinej te Diose. Jich ma xju' ya sleulay smul, yu'un ayinemix ta swenta te Diose.

1 Juan 3:9 ပူးပေါင်းရင်းမြစ်များ

Job 19:28

Teme hich yac awalic: ¿Bin ut'il ya jnutstic, como tey nix ta scuenta te hahchem tal te swocole? teme xchihexe,

Salmos 119:3

mayuc bin chopol ya spasic, ya st'unic te behetic yu'une.

Levítico 11:37

Te chamen chambahlametic ini, teme ay ya xch'ay cohel te schamen baq'uet ta sba sbac' ts'unubil te quechel ya yich' ts'unel, stalel me lec sc'oblal ya xhil;

San Mateo 7:18

Te lequil te', ma xhu' ya yac' sit te ma lecuc; ha nix hich te te' te ma lecuc, ma xhu' ya yac' lec sit.

San Juan 1:13

Ma ha'uc ya x'ayinic ta scuenta ch'ich'-baq'uet, o ta scuenta sc'anojel yo'tan winic, ha ya x'ayinic ta scuenta te Diose.

San Juan 3:3

Hich halbot yu'un te Jesús: Tulan sc'oblal ya calbat, te mach'a ma ba ya xcha'ayin xan, ma xhu' ya yil te cuentahinel yu'un te Diose, xchi.

Hechos 4:20

como ma xhu' ya quihquitaycotic yalel te bintic quilojcotic soc te bintic ca'iyejcotic, xchihic.

Romanos 6:2

¡Ban c'an hichuc! Como te ho'otic chamenotiquix ta stojol mulil, ¿bin ut'il c'an cuxajucotic xan tey a?

Gálatas 5:17

como te bin ya sc'an te jpoco'-taleltic ha scontrahinej te Espíritu, soc te bin ya sc'an te Espíritu ha scontrahinej te jpoco'-taleltique. Scontrahinej sbahic ta schebalic, hich ma xhu' awu'unic spasel te bin yac ac'an yac apasique.

Tito 1:2

te ha ya yac' smuc'ul co'tantic ta smahliyel te cuxlejal scuenta sbahtel q'uinal. Te Dios, te ma xya'iy lot, te c'alal ma to ayuc bintic ay a la yal ta jamal te ya me xchicnaj te cuxlejal ini,

1 Pedro 1:23

como cha'ayinemexix, ma ha'uc ta scuenta te ts'unubil te ya xlaj, ha ta scuenta te ts'unubil te ma xlaje, ha te sc'op Dios te cuxul soc te ma xlaj sbahtel q'uinal.

1 Juan 2:29

Teme ana'ojic te toj yo'tan te Jesucristo, na'ahic me te spisil mach'atic ya spasic te bin toj ha yal-snich'an Dios abi.

1 Juan 3:6

Spisil te mach'a jc'axel ya x'ayin ta stojol ma ba ya slehulan smul. Spisil te mach'a ya slehulan smul, ma ba yiloj soc ma ba sna'beyej sba.

1 Juan 4:7

Ha'ex te c'uxex ta co'tan, talel c'axel c'ux ac'a ca'iy jbahtic, como ha yu'un Dios te c'uxul-o'tanil. Spisil te mach'a ya sna' c'uxultaywanej, ayinemix ta stojol Dios soc ya sna'be sba te Diose.

1 Juan 5:1

Spisil mach'a sch'uhunej te ha Cristo te Jesús, ayinemix ta scuenta Dios, soc te mach'a c'ux ta yo'tan te tatil, ha nix hich c'ux ta yo'tan te snich'ane.

1 Juan 5:18

Jna'ojtic te spisil mach'a ayinem ta scuenta Dios ma ba ya slehulan smul, como canantaybil yu'un te Snich'an Dios, ma ba ya xtahot yu'un te pucuje.

1 Juan 5:4

como spisil mach'a ayinem ta scuenta Dios, ya stsal te bahlumilale. Te bin stsaloj te bahlumilal, ha te sch'uhunel co'tantique.

3 Juan 1:11

Hermano te c'uxat ta co'tan, ma me xanop spasel te bin chopol, ha me xanop spasel te bin leque. Te mach'a ya spas te bin lec, ha me yu'un Dios stuquel, yan te mach'a ya spas te bin chopol, ma ba yiloj te Diose.