1 Juan 3:4 - Bible in Tzeltal Bachajón

⁴ Spisil mach'a ya sta smul, ya sc'axuntay te Ley; como ha mulil te sc'axuntayel te Ley.

Nuevo Testamento Tzeltal de Amatenango

⁴ Pero spisil te machꞌa ya sle smule, jaꞌ ya skꞌaxintaybe smantal te Diose, yuꞌun te le-mulile jaꞌ te ya yichꞌ kꞌaxintayel te smantale.

Bible in Tzeltal de Oxchuc y Tenejapa

⁴ Spisil mach'a yat'elinej sleel te smule, ja' ya xc'axintaybey smandal te Diose, melel ja' mulil te ya yich' c'axintayel te smandale.

1 Juan 3:4 ပူးပေါင်းရင်းမြစ်များ

1 Reyes 8:47

teme tey ta q'uinal ta banti ayic ta chuquel ya suhtes yo'tanic, ya suhtic tal ta atojol soc ya sc'oponat tey ta sq'uinal te mach'atic ic'otic bahel ta chuquel yu'un, teme hich ya yalic: La jta jmulcotic, la jpascotic te bin chopol, ma lecuc te bin la jpascotic, teme xchihique,

1 Crónicas 10:13

Hich laj te Saúl ta scaj te ma ba jun yo'tan ta stojol Jehová, ma ba la scanantaybe sc'op te Jehová soc baht sjoc'obe jtuhl jna'ojel ants,

2 Crónicas 24:20

Ha yu'un te Espíritu yu'un Dios hul ta stojol te Zacarías snich'an te sacerdote Joiada, la stehc'an sba ta banti toyol, hich la yalbe te pueblo: Hich ya yal te Diose: ¿Bin yu'un yac ac'axuntaybeyic te mandariletic yu'un Jehová? Ma ba lec ya xc'ohex yu'un, como te bin ut'il la awihquitayic te Jehová, ha nix hich ya yihquitayex, xchi.

Isaías 53:8

Ta scuenta uts'inel soc chahpanel te ic'ot bahele. ¿Mach'a ya xhu' ya yalbe sc'oblal te sts'umbale? Como la yich' loq'uesel ta yohlil mach'atic cuxulic, ehchentesot ta scaj te c'axun-mandar yu'un te pueblo cu'une.

Daniel 9:11

Spisil Israel la sc'axuntaybat te Ley awu'un, la yihquitayic sch'uhunel ac'op. Ha yu'un tal ta jtojolcotic te bin ma lecuc sc'oblal soc te bin halbil ta jamal te ts'ihbabil ta ley yu'un Moisés, te a'bat yu'un Dios, como la jta jmulcotic ta stojol Dios.

Números 15:31

Te bin ut'il mayuc sc'oblal ta yo'tan te sc'op Jehová soc la sc'axuntaybe smandar, jc'axel me ya yich' loq'uesel soc scuchoj smul ya xhil, xchi.

San Mateo 5:19

Ha yu'un mach'ayuc a te ya sc'axuntay junuc te tut mandariletic ini soc teme hich ya ya'be snop spasel te yantique, peq'uel sc'oblal ya xc'oht te banti ay te cuentahinel yu'un te ch'ulchane. Yan te mach'a ya spas soc hich ya ya'be snop, ha me toyol sc'oblal ya xc'oht stuquel te banti ay te cuentahinel yu'un te ch'ulchane.

Hechos 23:3

Ha yu'un la yal te Pablo: ¡Dios me ya smajat, ha'at bombil saquil pahc'! ¿Ha'at bal huculat yu'un yac achahpanon ta scuenta te Ley, pero ha'at yac ac'axuntay te Ley yu'un te yac awac'on ta majel? la yut.

Romanos 3:20

como mayuc jtuhluc ya xhalbot te toj ta stojol Dios ta scuenta spasel te bin ya yal te Ley, como ta scuenta te Ley ya yac' ta na'el te ay mulil.

Romanos 4:15

Como te Ley ya yac' ilimba; pero te banti mayuc Ley, mayuc bin ya yich' c'axuntayel.

2 Corintios 12:21

C'alal ya xcha'talon, ya jxi' te ya spehc'anon ta atojolic te Diose, soc te ya x'oc'on yu'un tsobol te stahojic smulic pero ma ba suhtem yo'tanic yu'un te bin bohlobtesbil sc'oblal, yu'un antsiwej soc antsinel, soc te bintic chopol ya smulan sbaq'uetal te spasojique.

Santiago 5:15

Teme ay sch'uhunel yo'tanic te ya sc'oponic Dios, ya xlecub te jchamel yu'un; ya xhahchot yu'un te Cajwaltique. Soc teme ay stahoj smul, ya xpasbot perdón yu'un.

1 Juan 5:17

Ha mulil spisil te bintic ma tojuc ta pasel, pero ay mulil te ma ba scuenta lajel.

1 Samuel 15:24

Te Saúl la yalbe te Samuel: La jta jmul, como la jc'axuntaybe smandar te Jehová soc te ac'ope, ta scaj te la jxi' te pueblo soc la jquich'be ta cuenta te sc'opique.