1 Juan 3:21 - Bible in Tzeltal Bachajón

²¹ Ha'ex te c'uxex ta co'tan, teme mayuc bin ya yalbotic te co'tantic, hich jun co'tantic ayotic ta stojol a te Diose;

Nuevo Testamento Tzeltal de Amatenango

²¹ Kermanotak te kꞌuxex ta koꞌtane, teme maꞌyuk tut ya yalbotik te koꞌtantike, ay smukꞌul koꞌtantik ta stojol te Diose.

Bible in Tzeltal de Oxchuc y Tenejapa

²¹ Quermanotac te bayal c'uxex ta co'tan, teme ma ba ya yalbotic co'tantic te ay jmultic, jich ay smuc'ul co'tantic ta stojol te Diose.

1 Juan 3:21 ပူးပေါင်းရင်းမြစ်များ

Job 22:26

Hich yac amulan a te Mach'a ya xhu' yu'un soc yac ahach asit ta stojol Dios.

Job 27:6

Ya calulan te toj ayon, ma ba ya jquehchan; ta spisil jcuxlejal ma ba ya yal co'tan te ay jmul.

Salmos 101:2

Ya jc'an te toj ya xbehenon ta lequil be. ¿Bin ora ya xtalat ta jtojol? Toj bin ya jpas te c'alal ayon ta jna.

Romanos 14:22

Te bin ach'uhunej, ch'uhuna atuquel ta stojol Dios. Ha bayel yutsil te mach'a ya sna' te ma teyuc ya sta smul a te bin lec ya ya'iy ya spase.

1 Corintios 4:4

Aunque mayuc bin chopol ya yalbon te co'tan, ma ha'uc yu'un te mayuc jmul; te mach'a ya schahpanon ha te Cajwaltique.

2 Corintios 1:12

Hich ay te bin ya xtohy q'uinal ya ca'iycotic yu'un: Ha te ya yal te co'tancotic te smelelil soc ta scuenta jun-o'tanil te ya yac' te Dios hich a'tejotcotic ta bahlumilal, soc c'ax to xan hich a ta awohlilic. Ma hichuc la jpascotic ta scuenta sp'ijil ch'ich'-baq'uet, ha la jpascotic ta scuenta yutsil yo'tan te Diose.

Efesios 3:12

Ta scuenta Cristo soc ta scuenta sch'uhunel co'tantic ta stojol, jun co'tantic ya xhu' ya xnohpojotic ta stojol Dios.

1 Timoteo 2:8

Ha yu'un ya jc'an te ya sc'oponic Dios ta bayuc te winiquetic, te mayuc ilimba soc mayuc hach-c'op a ya shach sch'ul c'abic.

Hebreos 10:22

Ha yu'un jun co'tantic ac'a nohpojucotic bahel ta stojol Dios soc lec sch'uhunel co'tantic, pocbiluc me loq'uel spisil sbohlil co'tantic soc pocbiluc ta lequil ha' te jbaq'uetaltique.

Hebreos 4:16

Ha yu'un junuc co'tantic ac'a nopojucotic bahel ta stojol te muc'ul-huctajibal yu'un Dios banti ay yutsil-o'tanil, scuenta yu'un ya jtahtic c'uxultayel soc yu'el te ya scoltayotic ta yorahil te jwocoltique.

1 Juan 2:28

Cal-jnich'nab, jc'axel ayinanic me ta stojol, scuenta yu'un te c'alal ya xchicnaj ay me yip co'tantic a, soc ma ba q'uejel ya cac' jbahtic ta stojol yu'un q'uexlal te c'alal ya xtale.

1 Juan 2:7

Quermanotac, ma ba ya jts'ihbabeyex yach'il mandaril, ha nix te antiguo mandaril awa'iyejic ta shahchibal to. Te antiguo mandaril ini ha te c'op te ay nix awa'iyejic ta nahil to.

1 Juan 3:2

Ha'ex te c'uxex ta co'tan, yo'tic yal-snich'anotiquix te Diose, soc ma to chicanuc bin quileltic ya xc'ohotic; pero jna'ojtic te c'alal ya xchicnaj tal te Cristo, pajal quileltic soc Cristo ya xc'ohotic, yu'un ya me quiltic bin mero yilel stuquel.

1 Juan 3:20

teme ay ya yalbotic te co'tantic te ay bin chopol jpasojtic, ha c'ax muc' te Dios te bin ut'il te co'tantic, soc ha ya sna' spisil stuquel.

1 Juan 4:17

Ts'acal c'ohem ta co'tantic te c'uxul-o'tanil scuenta yu'un ay smuc'ul co'tantic ta yorahil ich'el ta c'op, como li' ta bahlumilal hich ayotic te bin ut'il ay stuquel te Diose.

1 Juan 5:14

Ha smuc'ul co'tantic ini ta stojol Dios: teme hich ya jc'ambetic te bin ya sc'an yo'tan stuquel, ya ya'iyotic.