1 Juan 3:17 - Bible in Tzeltal Bachajón

¹⁷ Te mach'a ay bintic ay yu'un ta bahlumilal, teme ya yil te mayuc bin ay yu'un te yermano, pero teme ma sc'an ya sc'uxultay, ¿bin ut'il ay sc'uxul yo'tan Dios ta yo'tan?

Nuevo Testamento Tzeltal de Amatenango

¹⁷ Yuꞌun teme ay jtuluk te jkꞌuleje y ya yil te yermano te ay tut puersa ya skꞌan koltayele, pero teme makꞌ ya yaꞌbeye, ¿tutꞌil kꞌan ayuk skꞌuxul yoꞌtan Dios ta yoꞌtan?

Bible in Tzeltal de Oxchuc y Tenejapa

¹⁷ Te mach'a ay bila ay yu'un li' ta balumilal to, teme ya yil te yermano te ma'yuc bi ay yu'une, teme ma ba ya xc'uxtaye, yu'un nanix ma c'uxuc ya yaiy ta yo'tan a te Diose.

1 Juan 3:17 ပူးပေါင်းရင်းမြစ်များ

Proverbios 12:10

Te mach'a toj yo'tan ya scanantay te schansbahlam, yan te yo'tan te mach'a chopol, ya x'uts'inwan.

Proverbios 14:31

Te mach'a ya yuts'in te pobre ya yil-o'tantay te Jpaswanej yu'une, yan teme ya sc'uxultay te pobre ya yich' ta muc' te Jpaswanej.

Proverbios 19:17

Te mach'a ay bin ya ya'be te pobre, ha ya ya'be smajan Jehová c'ohem; ha ya suht ta stojol te bin lec spasoje.

Proverbios 21:13

Te mach'a ma xya'iybe yaw te pobre, ha nix hich ma x'a'iybot te c'alal ya x'awone.

Proverbios 28:9

Te mach'a ma sc'an ya ya'iy te ley, ha nix hich ihlaybil te bin ya sc'opon Dios yu'une.

San Lucas 3:11

La sjac' te Juan: Te mach'a ay cha'pahc snahtil-c'u', a'beya jpahcuc te mach'a mayuc yu'une, soc te mach'a ay swe'el ha nix hich ac'a spas, xchi.

2 Corintios 8:9

Ana'ojiquix te yutsil yo'tan te Cajwaltic Jesucristo, aunque jc'uhlej, ha pobre c'oht ta acuentahic, scuenta yu'un ha'ex jc'uhlejex ya xc'ohex ta scuenta spobrehil.

Hebreos 13:16

Soc ma me xch'ay ta awo'tanic spasel te bin lec soc te talel c'axel yac acoltay abahic, como hich yilel milbil mahtaniletic ini te lec yo'tan Dios yu'une.

Santiago 2:15

Ha xan teme ay awermano o awermana te mayuc sc'u' spac' soc mayuc swe'el scuenta jujun c'ahc'al,

Santiago 2:16

teme ay yac awalbe: Bahan, lamaluc me q'uinal xawa'iy, q'uixnaya aba, we'an uch'an, teme yac awute, pero teme ma ba yac awa'be te bin ya xtuhun yu'un ta sbaq'uetal, ¿bin ya xtuhun a?

1 Juan 4:20

Teme ay mach'a ya yal: C'ux ta co'tan te Dios, teme xchihe, pero teme ya yil-o'tantay te yermano, yac ta lot abi, como te mach'a ma ba c'ux ta yo'tan te yermano te yilbeyej sit, ¿bin ut'il c'an c'uxuc ta yo'tan te Dios te ma ba yilbeyej sit stuquel?

1 Juan 5:1

Spisil mach'a sch'uhunej te ha Cristo te Jesús, ayinemix ta scuenta Dios, soc te mach'a c'ux ta yo'tan te tatil, ha nix hich c'ux ta yo'tan te snich'ane.