1 Juan 3:14 - Bible in Tzeltal Bachajón

¹⁴ Jna'ojtic te ma ba ayotiquix ta scuenta lajel, ayotiquix ta scuenta cuxlejal, como c'ux ya ca'iy ta co'tantic te quermanotactique. Te mach'a ma ba c'ux ya ya'iy ta yo'tan te yermano, yu'un ni me ay to ta scuenta lajel a abi.

Nuevo Testamento Tzeltal de Amatenango

¹⁴ Te joꞌotike kꞌaxemotikix a ba ay te lajele, sok ayotikix ta skuenta kuxlejal. Y jnaꞌotik porke kꞌux ya kaꞌitik te kermanotaktike. Te machꞌa ma kꞌuxuk ya yaꞌiy te yermanoe, chamen kꞌoem.

Bible in Tzeltal de Oxchuc y Tenejapa

¹⁴ Te jo'otique jna'ojtic stojol te jilemix cu'untic ta bay te lajele, ayotiquix ta swenta cuxinel. Ja' swentail te c'ux ya caiytic ta co'tantic te quermanotactique. Te mach'a ma c'uxuc ya yaiy ta yo'tan te yermanoe, yu'un nanix jc'axel ay to ta swenta lajel a.

1 Juan 3:14 ပူးပေါင်းရင်းမြစ်များ

Salmos 16:3

Te mach'atic ch'uhltesbilic te ayic ta q'uinal, te mach'atic ay yutsil yo'tanic ha te ya smulan te co'tane.

Proverbios 21:16

Te winic te ya yihquitay hilel te be yu'un p'ijil-o'tanil ya xc'oht sjoquin te mach'atic chamenic.

San Mateo 25:40

Ya me xjac'botic yu'un te Ajwalil: Jamal ya calbeyex, te bin ut'il hich la apasbeyic te jtuhl quermano te peq'uel ay, ho'on me la apasbonic abi, xchi me sc'oblalic.

San Lucas 15:24

como te jnich'an chamenix a, pero cha'cuxajix tal; ch'ayem, pero la jtahix, xchi te state. Hich hahch spasic q'uin yu'un yutsil q'uinal.

San Lucas 15:32

Pero ya sc'an te tse'el co'tantic ya jpastic q'uin, como te awihts'ine chamenix a, pero cha'cuxajix tal; ch'ayem, pero la jtahix, xchi.

San Lucas 7:5

como c'ux ta yo'tan te nación cu'untic soc la spasbotic te sinagoga cu'untique, xchihic.

San Juan 13:35

Hich ya sna'ic spisil ants-winiquetic te ha'ex jnopojelex cu'un teme talel c'axel c'ux yac awa'iy aba ta awo'tanique, xchi.

San Juan 15:12

Ha mandaril cu'un ini: Talel c'axel c'ux me xawa'iy abahic ta awo'tanic hich te bin ut'il c'ux la jca'iyex ta co'tan.

San Juan 15:17

Ya jpasex ta mandar: Talel c'axel c'ux me xawa'iy aba ta awo'tanic.

San Juan 5:24

Tulan sc'oblal ya calbeyex, te mach'a ya ya'iybon jc'op soc ya sch'uhun te mach'a la sticonon tale, ay scuxlejal sbahtel q'uinal soc ma ba ya x'a'bot stoj smul, c'axemix yu'un te lajel, ayix scuxlejal.

2 Corintios 5:1

Jna'ojtic teme ya xlaj te nahilpac' te banti jnahinejtic ta bahlumilal, ay jnatic yu'un Dios ta ch'ulchan te sbahtel q'uinal ay, te ma pasbiluc ta c'abal.

Gálatas 5:22

Yan te sit ya yac' te Espíritu, ha te sc'uxul-o'tanil, tse'el-o'tanil, lamal q'uinal, ya xcuhch yu'un, yutsil-o'tanil, jun-o'tanil, sch'uhunel-o'tanil,

Efesios 1:15

Ha scuentahil ini, te c'alal la jca'iy te ay sch'uhunel awo'tanic ta stojol te Cajwaltic Jesús soc te c'ux ta awo'tanic spisil te mach'atic ch'uhltesbilic,

Efesios 2:1

Ta nahilal chamenex ta scaj ac'axun-mandaric soc amulic,

Efesios 2:5

pajal la ya'botic cuxlejal soc Cristo te c'alal ayotic to ta mulil a (ha ta scuenta yutsil-o'tanil te colemex).

Colosenses 1:4

yu'un ca'iyejcotic te ay sch'uhunel awo'tanic ta stojol te Cristo Jesús soc te c'ux yac awa'iy ta awo'tanic spisil mach'atic ch'ultesbilic.

1 Tesalonicenses 4:9

Ma fuersahuc ya jts'ihbabeyex sc'oblal bin ut'il c'ux yac awa'iy abahic soc awermanotaquic, como ha'ex nix a'botex anopic yu'un Dios te talel c'axel c'ux yac awa'iy abahique;

Hebreos 13:1

Spisiluc me ora talel c'axel c'ux yac awa'iy abahic te bin ut'il awermanohix abahique.

1 Pedro 1:22

Te bin ut'il la alecubtesbeyex ach'uhlelic ta scuenta te la ach'uhunic te smelelil c'op, ta scuenta te Espíritu, te hich c'ux yac awa'iy abahic ta awo'tanic ta melel, talel c'axel c'ux me xawa'iy abahic ta spisil awo'tanic,

1 Pedro 3:8

Ta scuenta slajibal, junuc me awo'tan abahic ta apisilic, na'a yo'bolil abahic, c'ux me xawa'iy abahic te bin ut'il awermano abahic, a'iyahic c'uxultaywanej soc peq'uel me xawac' abahic.

2 Pedro 1:7

teme la ach'uhunic ta lec, ya sc'an te jun awo'tanic soc awermanotac; teme jun awo'tanic soc awermanotac, ya sc'an te ay sc'uxul awo'tanic.

1 Juan 2:3

Teme ya jch'uhumbetic smandar, hich ya jna'tic a te ya jna'betic sba.

1 Juan 3:23

Soc ha smandar ini: ha te ya jch'uhumbetic te sbihil te Snich'an, ha te Jesucristo, soc te talel c'axel c'ux ya ca'iy jbahtic, hich te bin ut'il la spasotic hilel ta mandar.

1 Juan 4:12

Mayuc mach'a yiloj te Diose; pero teme talel c'axel c'ux ya ca'iy jbahtic, ay ta co'tantic te Diose soc ts'acal c'oht te sc'uxul yo'tan ta co'tantic.

1 Juan 5:13

La jts'ihbabeyex ini, ha'ex te ach'uhunejic te sbihil te Snich'an Dios, scuenta yu'un yac ana'ic te ay acuxlejalic sbahtel q'uinal.

1 Juan 5:2

Hich ya jna'tic a te c'ux ta co'tantic te al-nich'anetic yu'un Dios: teme c'ux ta co'tantic te Dios soc teme ya jch'uhumbetic te mandariletic yu'une,