1 Juan 3:12 - Bible in Tzeltal Bachajón

¹² Ma me hichucotic te bin ut'il Caín, te ha yu'un te pucuj, te la smil te yihts'ine. ¿Bin yu'un te la smile? Yu'un chopol te ya'tel te Caín, yan te yihts'in toj ya'tel stuquel.

Nuevo Testamento Tzeltal de Amatenango

¹² Ma me jachikukotik tutꞌil te jCaine, te jaꞌ yuꞌun te pukuje y la smil te yijtsꞌine. ¿Y tuꞌun te la smile? Porke ma lekuk te tut a te la spas te jCaine, y puru lek ay te tut la spas te yijtsꞌine.

Bible in Tzeltal de Oxchuc y Tenejapa

¹² Ma me jichucotic te bit'il te Caine. Melel te bit'il u'uninot yu'un te pucuje, jich la smil te yijts'ine. ¿Bi yu'un te la smile? Yu'un lec yat'el la yil te yijts'ine. Yan stuquel, amen te yat'ele.

1 Juan 3:12 ပူးပေါင်းရင်းမြစ်များ

Génesis 4:25

Te Adán la sjoquin xan ta wayel te yihnam, ayin yal te Eva, la ya'be sbihilin Set, yu'un hich la yal: Dios la ya'bon yan cal scuenta sjelol te Abel te milot yu'un Caín, xchi.

2 Samuel 13:22

Pero te Absalón mayuc bin lec o mayuc bin chopol la yalbe te Amnón, aunque la yihlay te Amnón yu'un te la stsac te Tamar te yihts'ine.

Salmos 37:12

Te mach'a chopol yo'tan ya snop bin ut'il ya yuts'in te mach'a toj yo'tan, soc ya sc'ux ye ta stojol.

Salmos 38:20

Te mach'atic ya sutic ta bin chopol te bin lec, ya scontrahinonic ta scaj te ha jt'unoj te bin leque.

Proverbios 27:4

Te ilimba ya x'uts'inwan, te sc'ahc'al-o'tanil ya xjinawan, pero ¿mach'a ya xcuhch yu'un te ti'ti'o'tantayele?

Proverbios 29:10

Te jmilawaletic ya yihlayic te mach'a jun yo'tan, pero te mach'atic toj yo'tanic ya slehbeyic yutsil sch'uhlelic.

Proverbios 29:27

Te mach'a toj yo'tan ya yihlay te mach'a ma ba toj yo'tan, te mach'a chopol yo'tan ya yihlay te mach'a toj yo'tan.

San Mateo 13:19

Teme ay mach'a ya ya'iybe sc'oblal te cuentahinel yu'un Dios, pero ma ba ya sna'be scuentahil, ya xtal te mach'a chopol, ya sloq'uesbe te bin ts'umbil ta yo'tan. Ha sc'oblal te ts'unubil te c'oht ta ti'be.

San Mateo 13:38

Te q'uinal, ha te bahlumilal; te lequil ts'unubil, ha te al-nich'anetic yu'un te cuentahinel yu'un te ch'ulchan, soc te ac, ha te yal-snich'nab te mach'a chopol.

San Mateo 23:35

Hich yac amulimbeyic smalbeyel sch'ich'el spisil te mach'atic toj yo'tanic te lajic ta milel ta bahlumilal, c'alal ta sch'ich'el Abel te toj yo'tan ha to ta sch'ich'el Zacarías te snich'an Berequías te la amilic ta ohlil yu'un te Templo soc te scajtajib ta chiq'uel mahtanil.

San Mateo 27:23

La yal te gobernador: ¿Bin smul stahoj? xchi. Pero tulan xan hahchic ta aw: ¡Ac'a yich' milel ta cruz! xchihic.

San Mateo 5:37

Pero hich me ya xc'opojex: Hich, teme hiche, o: Ma'uc, teme ma'uque, como teme c'ax hich ya xc'opojat ini, ma lecuc banti ya xloc' tal te c'ope.

San Lucas 11:51

c'alal ta sch'ich'el Abel ha to c'alal ta sch'ich'el te Zacarías te la yich' milel ta ohlil yu'un te scajtajib smahtan Dios soc te Templo. Ya calbeyex te ha me ya x'a'bot scuch te jcaj ts'umbalil ini.

San Juan 10:32

pero la yal te Jesús: La jca'beyex awilic bayel lequil a'teliletic yu'un te Jtate. ¿Bin a'telil te yac ach'ojonic ta ton yu'une? xchi.

San Juan 8:40

Pero yo'tic yac awalbelonic jmilel, ha te mach'a la yalbeyex te smelelil c'op te yalbeyejon ca'iy te Diose. Ma hichuc la spas te Abraham.

San Juan 8:41

Te ha'exe ha yac apasbelic ya'tel te atatique, xchi. La yalbeyic: ¡Te ho'otcotic ma ba yalotcotic j'antsinel-ants! ¡Junax te jtatcotic, ha te Diose! xchihic.

Hechos 7:52

¿Ay bal jtuhluc jalwanej te ma ba la yich' uts'inel yu'un ame'atatic? La smilic te mach'atic nahil la yalbeyic sc'oblal te Mach'a toj yo'tan, te ha nix la awaq'uiquix ta c'abal soc la amiliquix,

1 Tesalonicenses 2:14

Ha'ex, quermanotac, la anopbeyic yo'tanic te iglesiahetic yu'un Dios te ayic ta Judea, te ayic ta scuenta Cristo; c'ax awocolic ta uts'inel yu'un alumalic hich te bin ut'il c'ax swocolic ta uts'inel yu'un te judíohetic,

Hebreos 11:4

Ta scuenta sch'uhunel yo'tan te Abel c'ax hich yutsil a te milbil mahtanil la yac' te bin ut'il la yac' te Caín. Hich halbot sc'oblal te toj yo'tan, te bin ut'il Dios la yal te lec yo'tan yu'un te smahtan la yaq'ue. Aunque chamenix te Abel, ya to xc'opoj ta scuenta te sch'uhunel yo'tan.

Hebreos 12:24

ta stojol Jesús, te Jc'asesej-c'op yu'un te yach'il chapbil-c'op, soc ta stojol te ch'ich' te tsihtsimbil, te c'ax lec xan bin ya yal a te bin ut'il bin ya yal te sch'ich'el Abel.

1 Pedro 4:4

Jchahp ya ya'iyic a te ma ba yac ajoquinic ta spasel te biluc nax mulil ya smulanic spasele, ya slabanex yu'un.

1 Juan 3:8

Te mach'a ya'telinej spasel mulil, ha me yu'un pucuj stuquel, como te pucuj stalel la sle mulil ta shahchibal to tal. Ha scuentahil te chicnaj te Snich'an Dios, yu'un ya slajimbe ya'tel te pucuje.

Judas 1:11

¡Ay me swocolic! como st'unojic te be yu'un Caín, howiyemic hich te bin ut'il Balaam ta slehel taq'uin te ma stojiluc; pajal lajic soc te toybahil yu'un Coré.

Apocalipsis 17:6

La jquil te ants yacuben yu'un te sch'ich'el te mach'atic ch'uhltesbilic soc te sch'ich'el te mach'atic lajemic ta milel ta scuenta Jesús. Mero xcham co'tan yu'un te c'alal la jquil te antse.