1 Juan 3:10 - Bible in Tzeltal Bachajón

¹⁰ Hich ya xchicnaj mach'atic a te yal-snich'nab Dios soc mach'atic a te yal-snich'nab te pucuje: Spisil mach'a ma ba ya spas te bin toj ta pasel soc te ma c'uxuc ya ya'iy ta yo'tan te yermano, ma yu'unuc Dios stuquel.

Nuevo Testamento Tzeltal de Amatenango

¹⁰ Chikan ta ilel machꞌatik te yuntikil te Diose y te machꞌatik yuntikil te pukuje. Porke machꞌauk te ma jaꞌuk ya spas te tut leke o teme ma kꞌuxuk ta yoꞌtan te yermanoe, ma jaꞌuk yuꞌun Dios abi.

Bible in Tzeltal de Oxchuc y Tenejapa

¹⁰ Chican ta ilel te mach'atic yal-snich'an te Diose, soc chican ta ilel te mach'atic yal-snich'an te pucuje. Melel te mach'a ma ja'uc yat'elinej spasel te bila leque soc te ma c'uxuc ya yaiy ta yo'tan te yermanoe, ma ja'uc yu'un Dios abi.

1 Juan 3:10 ပူးပေါင်းရင်းမြစ်များ

2 Samuel 13:22

Pero te Absalón mayuc bin lec o mayuc bin chopol la yalbe te Amnón, aunque la yihlay te Amnón yu'un te la stsac te Tamar te yihts'ine.

San Mateo 13:38

Te q'uinal, ha te bahlumilal; te lequil ts'unubil, ha te al-nich'anetic yu'un te cuentahinel yu'un te ch'ulchan, soc te ac, ha te yal-snich'nab te mach'a chopol.

San Lucas 6:35

Ha yu'un c'ux me xawa'iy ta awo'tan te acontratac, pasbeyahic te bin lec, a'beyahic ta majanel, ma me xamahliyic te ay bin ya ya'beyex a. Hich muc' mahtanil yac awich'ic, soc hich yal-snich'anex te Mach'a toyol ay ya xc'ohex, como ay yutsil yo'tan ta stojol mach'atic ma sna'ic yalel wocol soc mach'atic chopol yo'tanic.

San Juan 1:12

Pero spisil te mach'atic la yich'ic ta cuenta, te la sch'uhumbeyic te sbihile, la yac' te ha yal-snich'nab Dios ya xhu' ya xc'ohtic.

San Juan 11:52

Soc ma ha'uc nax ta scuenta te nación, ha nix yu'un te ya stsob ta junax te yal-snich'nab Dios te puhquemique.

San Juan 8:44

Te ha'exe, ha yu'unex te atatic, ha te pucuje, soc yac apasbeyic te bin ya sc'an yo'tan te atatique. Stalel jmilaw c'alal shahchibal, mayuc bin ora melel te sc'ope, como stalel mayuc smelelil c'op yu'un. C'alal ya ya'iy lot, ha nix sc'op ya yal, como mero jlot stuquel soc ha tatil yu'un lot.

San Juan 8:47

Te mach'a yu'un Dios, ha ya ya'iybe sc'op te Diose; ha scuentahil te ma ba yac awa'iyic, como ma ba yu'unex te Diose, xchi.

Hechos 13:10

hich la yalbe: ¡Nojel ta awo'tan lo'loywanej soc spisil bintic chopol, yal-snich'anat pucuj, acontrahinej spisil te bintic stojil ta pasel! ¿Jc'axel bal ma xacom aba ta sjimbeyel te toj be yu'un te Cajwaltique?

Romanos 13:8

Ma me ayuc mach'a ay abetic yu'un, ha nax me abetic te c'ux yac awa'iy abahique, como te mach'a c'ux ya ya'iy ta yo'tan te spat-xuhc, hich hu'em yu'un spasel te bin ya yal te Ley,

Efesios 5:1

Ha yu'un nopbeyahic yo'tan te Diose, te bin ut'il yal-snich'anex te bayel c'uxex ta yo'tane.

Colosenses 3:14

Ta sba spisil ini, lapahic te c'uxul-o'tanil, te ha ya xchuc spisil te jun ya xc'ohtic ta mero smelelil.

1 Timoteo 1:5

Te bin scuentahil te mandar ini ha te c'uxul-o'tanil te hahchem tal ta o'tanil te mayuc yabacul, ta o'tanil te mayuc bin ya yal yu'un, soc ta sch'uhunel-o'tanil te melel ay.

1 Juan 2:29

Teme ana'ojic te toj yo'tan te Jesucristo, na'ahic me te spisil mach'atic ya spasic te bin toj ha yal-snich'an Dios abi.

1 Juan 3:1

Ilawil bin ut'il bayel c'uxotic ta yo'tan te Tatil, te ha yal-snich'anotic Dios ya jbihilintic. Ha scuentahil te ma sna'botic jbahtic te bahlumilale, como ma sna'beyic sba te Diose.

1 Juan 3:2

Ha'ex te c'uxex ta co'tan, yo'tic yal-snich'anotiquix te Diose, soc ma to chicanuc bin quileltic ya xc'ohotic; pero jna'ojtic te c'alal ya xchicnaj tal te Cristo, pajal quileltic soc Cristo ya xc'ohotic, yu'un ya me quiltic bin mero yilel stuquel.

1 Juan 4:21

Hich pasbilotic ta mandar yu'un te Diose: Te mach'a c'ux ta yo'tan te Dios, ha nix hich c'uxuc me ac'a ya'iy ta yo'tan te yermano, xchi.

1 Juan 4:6

Yan te ho'otic yu'unotic Dios. Te mach'a ya sna'beyic sba te Diose, ya ya'iybotic jc'optic; te mach'a ma yu'unuc te Diose, ma xya'iybotic te jc'optique. Tey ya jna'betic sba a te espíritu yu'un smelelil c'op soc te espíritu yu'un lotil c'op.

1 Juan 4:8

Yan te mach'a ma sna' c'uxultaywanej, ma sna'be sba te Diose, como jc'uxultaywanej stuquel te Diose.

1 Juan 5:19

Jna'ojtic te ho'otic yu'unotic Dios, soc te ay ta sc'ab pucuj swohlol te bahlumilale.

1 Juan 5:2

Hich ya jna'tic a te c'ux ta co'tantic te al-nich'anetic yu'un Dios: teme c'ux ta co'tantic te Dios soc teme ya jch'uhumbetic te mandariletic yu'une,

3 Juan 1:11

Hermano te c'uxat ta co'tan, ma me xanop spasel te bin chopol, ha me xanop spasel te bin leque. Te mach'a ya spas te bin lec, ha me yu'un Dios stuquel, yan te mach'a ya spas te bin chopol, ma ba yiloj te Diose.