1 Juan 2:9 - Bible in Tzeltal Bachajón

⁹ Te mach'a ya yal te ay ta sacal q'uinal pero teme ya sp'aj te yermano, ay to ta yihc'al q'uinal abi.

Nuevo Testamento Tzeltal de Amatenango

⁹ Teme ay machꞌa ya yal te ayix ta sakil kꞌinale, pero teme ya spꞌaj te yermanoe, yuꞌun nanix ay to ta ijkꞌal kꞌinal a.

Bible in Tzeltal de Oxchuc y Tenejapa

⁹ Te mach'a ya yal te ayix ta bay te saquil q'uinale, teme yilintayej te yermanoe, yu'un nanix ay to ta ijc' q'uinal abi.

1 Juan 2:9 ပူးပေါင်းရင်းမြစ်များ

2 Samuel 13:22

Pero te Absalón mayuc bin lec o mayuc bin chopol la yalbe te Amnón, aunque la yihlay te Amnón yu'un te la stsac te Tamar te yihts'ine.

Salmos 82:5

Ma sna'ic, ma xc'oht ta yo'tanic, ya xbehenic ta yihc'al q'uinal; ya xnihquic spisil te yich'o-ip te lumq'uinale.

Levítico 19:17

Ma xawil-o'tantay te awermano. Ya me atsits apat-axuhc scuenta yu'un ma pajaluc yac ata amul soc.

San Juan 9:41

La sjac' te Jesús: Te ts'o'situquex, mayuc amulic te hichuque, pero yo'tic, te bin ut'il yac awalic: Ya quilcotic q'uinal, te xchihex, ay amulic ya xhil.

Hechos 1:15

Ha yorahil a te Pedro la stehc'an sba ta yohlil te yermanotac (ay wan wacwinic (120) ta tuhl te stsoboj sbahic), hich la yal:

2 Pedro 1:9

Yan te mach'a mayuc yu'un ini, ma ba lec te site, ma xyil q'uinal, ch'ayem ta yo'tan te pocbotix loq'uel te smul la sta ta nahil to.

1 Juan 1:6

Teme ya caltic te ha jun co'tan jbahtic soc te Diose, pero teme yacotic ta behel ta yihc'al q'uinal, ya ca'iytic lot soc ma ba yacotic ta spasel te bin ya yal te smelelil c'ope.

1 Juan 2:11

Yan te mach'a ya sp'aj te yermano, ay ta yihc'al q'uinal, soc yac ta behel ta yihc'al q'uinal, ma sna' banti ya xbaht, como ha macbibil sit yu'un te yihc'al q'uinale.

1 Juan 2:4

Te mach'a hich ya yal: Ya jna'be sba te Diose, teme xchihe, pero teme ma ba ya sch'uhumbe smandar, yac ta lot, soc ma ba ay ta yo'tan te smelelil c'ope.

1 Juan 3:10

Hich ya xchicnaj mach'atic a te yal-snich'nab Dios soc mach'atic a te yal-snich'nab te pucuje: Spisil mach'a ma ba ya spas te bin toj ta pasel soc te ma c'uxuc ya ya'iy ta yo'tan te yermano, ma yu'unuc Dios stuquel.

1 Juan 4:20

Teme ay mach'a ya yal: C'ux ta co'tan te Dios, teme xchihe, pero teme ya yil-o'tantay te yermano, yac ta lot abi, como te mach'a ma ba c'ux ta yo'tan te yermano te yilbeyej sit, ¿bin ut'il c'an c'uxuc ta yo'tan te Dios te ma ba yilbeyej sit stuquel?