1 Juan 2:8 - Bible in Tzeltal Bachajón

⁸ Pero ya jts'ihbabeyex yach'il mandaril, te chican ta stojol Cristo soc ta atojolic te ha smelelil, como yac ta c'axel bahel te yihc'al q'uinal soc chicanix te smelelil sacal q'uinale.

Nuevo Testamento Tzeltal de Amatenango

⁸ Pero, jaꞌ to te ya jtsꞌibabeyexe, jaꞌ te jun mantal te yachꞌile, te batsꞌi jich a kꞌot yuꞌun te Cristo sok jachik tutꞌil te jaꞌexe. Porke te ijkꞌal kꞌinale ya xkꞌaxix bael, y ya xtilix te sakil kꞌinal te batsꞌi jiche.

Bible in Tzeltal de Oxchuc y Tenejapa

⁸ Ja'uc me to, yu'un nanix ach' mandalil c'oem te ya jts'ibubeyexe, te melel yach'il c'ot yu'un te Cristoe soc yach'il yaquix ta c'oel awu'unic uuc. Jich yaquix ta ch'ayel bael te ijc' q'uinale; ja' yaquix ta xojobajel te mero saquil q'uinale.

1 Juan 2:8 ပူးပေါင်းရင်းမြစ်များ

Salmos 27:1

Ha sacal q'uinal cu'un soc ha jcolel te Jehová, ¿mach'a ya jxi'? Te Jehová ha ahnibal yu'un te jcuxlejal, ¿mach'a a te ya ya'bon xiwel?

Salmos 36:9

Como ha'at ay ta acuenta te sloq'uib-ha' yu'un cuxlejal; ta sacal q'uinal awu'un ya quilcotic sacal q'uinal.

Salmos 84:11

Como ha c'ahc'al soc mahquilal te Jehová Dios; ha ya yac' yutsil-o'tanil soc utsilal. Ma ba ya sloq'uesbe te bin lec te mach'atic mayuc bin smulinejic.

Isaías 9:2

Te pueblo te behen ta yihc'al q'uinal la yiliquix muc'ul sacal q'uinal; te mach'atic nahinemic ta q'uinal yu'un yaxinal lajel, tihl sacal q'uinal ta stojolic.

Malaquías 4:2

Yan te ha'ex te awich'ojic ta muc' te jbihile, ya me xtihl ta atojolic te bin stojil ta pasel hich te bin ut'il sts'anabul te c'ahc'ale, soc ya yich' talel ta xic' te colele. Ya me xloq'uex bahel soc ya me xwihlawetex hich te bin ut'il tut wacaxetic te ya xloq'uic bahel ta snahic.

San Mateo 4:16

Te mach'atic ayic ta yihc'al q'uinal la yilic muc'ul sacal q'uinal, te mach'atic ayic ta yaxinal lajel, sacub q'uinal ta stojolic, te xchihe.

San Lucas 1:79

yu'un ya sacubtes q'uinal ta stojol te mach'atic ayic ta yihc'al q'uinal soc ta yaxinal lajel; yu'un ya stojobtesotic bahel ta sbehlal lamal q'uinal, xchi te Zacarías.

San Juan 1:9

Te smelelil sacal q'uinal te ya sacubtes q'uinal ta stojol spisil ants-winiquetic yac ta talel ta bahlumilal.

San Juan 12:35

Halbotic yu'un te Jesús: Ma haluquix c'ahc'al te ay sacal q'uinal ta atojolic, ha yu'un behenanic te jayeb xan ora ay sacal q'uinal scuenta yu'un ma ch'ayaluc awo'tanic a ya stahex te yihc'al q'uinale, como te mach'a ya xbehen ta yihc'al q'uinal, ma sna' banti ya xbaht.

San Juan 12:46

Ho'on te sacal q'uinalon te talemon ta bahlumilal scuenta yu'un spisil te mach'a ya sch'uhunon, ma ba ya x'ayin ta yihc'al q'uinal.

San Juan 13:34

Ay jun yach'il mandaril ya calbeyex: Talel c'axel c'ux xawa'iy aba ta awo'tanic; hich te bin ut'il c'ux la jca'iyex ta co'tan, ha nix hich talel c'axel c'ux xawa'iy abahic ta awo'tanic.

San Juan 8:12

Cha'c'oponotic xan yu'un Jesús te ants-winiquetic, hich la yal: Ho'on te sacal q'uinalon yu'un te bahlumilal; te mach'a ya st'unon ma ba ya xbehen ta yihc'al q'uinal, ha ya yich' te sacal q'uinal scuenta cuxlejal, xchi.

Hechos 17:30

Ta namey mayuc ta cuenta yu'un Dios te bin ut'il ma ba la sna'ic q'uinal, pero yo'tic yaquix spasbel ta mandar spisil ants-winiquetic ta bayuc te ac'a suhtes yo'tanic;

Hechos 26:18

yu'un yac ajambe sitic scuenta yu'un ya xloq'uic ta yihc'al q'uinal, ya x'ochic ta sacal q'uinal, soc te ma ba ya x'ayiniquix ta scuenta yu'el te Satanás, te ha ya xtalic ta stojol Dios; scuenta yu'un ya xpasbotic perdón yu'un smulic ta scuenta sch'uhunel yo'tanic ta jtojol soc pajal ay bin ya yich'ic soc te mach'atic ch'ultesbilique, xchi jc'oblal.

Romanos 13:12

C'uhbenix ahc'abal, nopol ya sacub te q'uinale. Ha yu'un ac'a jch'aytic hilel te bin scuenta te yihc'al q'uinal, ha ac'a jchahpan jbahtic soc te a'tejibaletic yu'un te sacal q'uinale.

2 Corintios 8:9

Ana'ojiquix te yutsil yo'tan te Cajwaltic Jesucristo, aunque jc'uhlej, ha pobre c'oht ta acuentahic, scuenta yu'un ha'ex jc'uhlejex ya xc'ohex ta scuenta spobrehil.

Efesios 5:8

Como ta nahil to ha'ex yihc'al q'uinalex, pero ta ora ini ha'ex sacal q'uinalex ta scuenta Cajwaltic; hich me ac'a ayinuquex te bin ut'il yal-snich'nab te sacal q'uinale,

2 Timoteo 1:10

pero ta ora ini ac'bilix ta na'el te bin ut'il chicnaj te Jcoltaywanej cu'untic, ha te Jesucristo, te ta scuenta te lec yach'il c'op la slajin te lajel soc la yac' ta sacal q'uinal te cuxlejal te ma xlaje.

1 Pedro 1:21

Ha nix ta scuenta te yac ach'uhunic Dios, ha te mach'a la scha'cuxajtes ta yohlil mach'atic chamenic soc la ya'be yutsilal, ha scuentahil te awac'oj sch'uhunel awo'tanic soc smuc'ul awo'tanic ta stojol te Diose.

1 Juan 3:23

Soc ha smandar ini: ha te ya jch'uhumbetic te sbihil te Snich'an, ha te Jesucristo, soc te talel c'axel c'ux ya ca'iy jbahtic, hich te bin ut'il la spasotic hilel ta mandar.

1 Juan 4:11

Ha'ex te c'uxex ta co'tan, teme hich la sc'uxultayotic te Diose, ya sc'an te ha nix hich talel c'axel c'ux ya ca'iy jbahtique.

1 Juan 4:21

Hich pasbilotic ta mandar yu'un te Diose: Te mach'a c'ux ta yo'tan te Dios, ha nix hich c'uxuc me ac'a ya'iy ta yo'tan te yermano, xchi.