1 Juan 2:5 - Bible in Tzeltal Bachajón

⁵ Yan te mach'a ya sch'uhumbe sc'op, ts'acal c'ohemix ta yo'tan te sc'uxul yo'tan te Dios ta mero melel. Hich ya jna'tic a te jun ayotic soque.

Nuevo Testamento Tzeltal de Amatenango

⁵ Yan te machꞌa ya yakꞌ ta jkuenta te skꞌope, yuꞌun nanix kꞌuxix ta yoꞌtan abi. Y teme jich aye, jnaꞌojtik te jun nax ayotik sok te Diose.

Bible in Tzeltal de Oxchuc y Tenejapa

⁵ Yan teme ay mach'a xch'uunej te bila la yal te Diose, yu'un nanix ayix xc'uxul yo'tan ta melel. Jich ya jna'tic stojol te jun c'oemotiquix soc te Diose.

1 Juan 2:5 ပူးပေါင်းရင်းမြစ်များ

Salmos 105:45

scuenta yu'un ya sch'uhumbeyic spasel te chapbil mandariletic yu'un soc ya sc'ohtesic ta pasel te leyetic yu'une. ¡Aleluya!

Salmos 106:3

Bayel yutsilic te mach'atic ya spasic te bin toj, te spisil ora ya spasulanic te bin toj ta pasele.

Salmos 119:146

Ya cawtayat, ¡coltayawon! hich ya jch'uhun spasel te testigo-c'op awu'une.

Salmos 119:2

Bayel me yutsil te mach'atic ya sch'uhunic spasel te testigo-c'op yu'un soc te spisil yo'tanic ya slehic;

Salmos 119:4

Ha'at awaloj te ts'acal ya me yich' ch'uhunel te mandariletic awu'une.

Proverbios 28:7

Te mach'a ya sch'uhun spasel te ley, ha al-nich'an te ay sp'ijil yo'tan, yan te mach'a ya sjoquin te mach'atic bayel ya xwe'ic, ya yac' ta q'uexlal te state.

Proverbios 8:32

Yo'tic, calatac, a'iybon awa'iyic jc'op; ¡bayel me yutsilic te mach'atic ya scanantaybon te behetic cu'un!

Eclesiastés 8:5

Te mach'a ya sch'uhun spasel te smandar mayuc bin chopol ya xc'oht ta scuenta; soc te mach'a ay sp'ijil yo'tan ya sna' bin ora soc bin ya yut ya yac' c'ohtuc ta pasel stuquel.

Ezequiel 36:27

Ya ca'beyex ta awo'tanic te espíritu cu'un, ya cac' te yac at'unic te chahpambil mandariletic cu'un, soc te yac ach'uhunic spasel te mandariletic cu'une.

San Lucas 11:28

La sjac' te Jesús: Ha bayel yutsil te mach'atic ya ya'iyic te sc'op Dios soc te ya spasique, xchi.

San Juan 14:21

Te mach'a yich'oj te mandariletic cu'un soc te ya sch'uhun spasel, ha me te c'uxon ta yo'tan abi. Te mach'a c'uxon ta yo'tan, c'ux me ya x'a'iyot yu'un te Jtate, soc ha nix hichon, c'ux me ya ca'iy ta co'tan soc ya cac' jba ta na'el yu'un, xchi.

San Juan 14:23

La sjac' te Jesús: Te mach'a c'uxon ta yo'tan, ya sch'uhumbon jc'op; c'ux ya x'a'iyot yu'un te Jtate, soc ya xtal cac' jbahcotic ta yo'tan soc ya jnahimbecotic yo'tan.

San Juan 15:5

Ho'on te sch'oxalon ts'usub, ha'ex te sc'abex; te mach'a jc'axel ya yac' sba ta jtojol soc te ho'on jc'axel ya cac' jba ta stojol, ya me yac' bayel sit, yan teme parte yac awac' abahic, mayuc bin ya xhu' awu'unic spasel.

San Juan 6:56

Te mach'a ya swe'bon te jbaq'uetal soc te ya yuch'bon te jch'ich'el, ya x'ayin ta jtojol soc ho'on ya x'ayinon ta stojol.

Romanos 8:1

Ha yu'un te mach'atic ayic ta stojol te Cristo Jesús, ma ba quechelix ta stojel te smulique, ha te mach'atic ma ba ya'telinejic spasel te bin ya sc'an te sbaq'uetalic, ha ya'telinejic spasel te bin ya sc'an te Espíritu,

1 Corintios 1:30

Ha nix ta scuenta Dios te jun ayex soc Cristo Jesús, te ha sp'ijil co'tantic c'oht yu'un Dios soc te ha ta scuenta te halbotic te toj ayotic, te ch'ultesbilotic soc te colemotic ta libre yu'une,

2 Corintios 5:17

Ha yu'un teme ay mach'a junax c'ohemix soc Cristo, ha yach'il ants-winic: hilix te bin poco', spisil pasbilix ta yach'il.

2 Corintios 5:21

Te mach'a mayuc smul, a'bot te ha mulil c'oht ta jcuentatic, scuenta yu'un toj ya yilotic Dios ta scuenta.

Santiago 2:22

¿Ma bal yacuc awil te sch'uhunel yo'tan la snuhp'in sba soc te ya'tel, soc te ts'acal c'oht te sch'uhunel yo'tan ta scuenta te bin la spase?

1 Juan 3:24

Te mach'a ya sch'uhumbe smandar, jc'axel ayix ta stojol Dios, soc Dios ay ta yo'tan. Hich ya jna'tic a te ay ta co'tantic te Diose: ha ya jna'tic ta scuenta te Espíritu ya'beyejotique.

1 Juan 4:17

Ts'acal c'ohem ta co'tantic te c'uxul-o'tanil scuenta yu'un ay smuc'ul co'tantic ta yorahil ich'el ta c'op, como li' ta bahlumilal hich ayotic te bin ut'il ay stuquel te Diose.

1 Juan 4:18

Mayuc xiwel te banti ay c'uxul-o'tanil. Te c'uxul-o'tanil te ts'acal ay, ya sloq'ues te xiwele; como te xiwel ya xi' te castigo. Te mach'a ya xiw ma ba ts'acal c'ohem ta yo'tan te c'uxul-o'tanile.

1 Juan 5:2

Hich ya jna'tic a te c'ux ta co'tantic te al-nich'anetic yu'un Dios: teme c'ux ta co'tantic te Dios soc teme ya jch'uhumbetic te mandariletic yu'une,

1 Juan 5:20

Jna'ojtic te xtaluquix te Snich'an Dios soc te la yac' jna'tic q'uinal yu'un ya jna'betic sba te mach'a smelelil; soc ayotic ta stojol te mach'a smelelil, ha te Jesucristo. Ha me te mero Dios soc ha me te cuxlejal scuenta sbahtel q'uinal.

2 Juan 1:6

Ha c'uxul-o'tanil ini: ha te hich ya xbehenotic te bin ut'il yaloj te mandariletic yu'une. Ha te mandar ini: te yac awa'iyic c'uxultaywanej hich te bin ut'il awa'iyejic ta shahchibal.

Apocalipsis 12:17

Te dragón bayel ilin yu'un ta stojol te antse, hich baht ya'be guerra te jayeb xan sts'umbal te antse, ha te mach'atic ya sch'uhumbeyic te smandar Dios soc te yich'ojic te testigo-c'op yu'un te Jesucristo.

Apocalipsis 14:12

Ha ya sc'an te ay yip yo'tanic te mach'atic ch'uhltesbilic, ha te mach'atic ya sch'uhunic spasel te smandar Dios soc te jun yo'tanic ta stojol te Jesús.