1 Juan 2:29 - Bible in Tzeltal Bachajón

²⁹ Teme ana'ojic te toj yo'tan te Jesucristo, na'ahic me te spisil mach'atic ya spasic te bin toj ha yal-snich'an Dios abi.

Nuevo Testamento Tzeltal de Amatenango

²⁹ Te jaꞌexe anaꞌojikix te Jesucristoe toj stukel, sok ya skꞌan ya anaꞌik euk te jaꞌ yal-xnichꞌan Dios spisil te machꞌatik toj te tutꞌ ya spasike.

Bible in Tzeltal de Oxchuc y Tenejapa

²⁹ Teme ana'ojiquix stojol te bit'il toj yo'tan te Jesucristoe, na'aic me xan stojol jiche: Te mach'a yat'elinej spasel te bila toj ta pasele, ja' yal-snich'an Dios abi.

1 Juan 2:29 ပူးပေါင်းရင်းမြစ်များ

Jeremías 13:23

¿Ya bal xhu' ya sjeltay snuhculel te etíope-winic soc ya bal xhu' ya sjeltay spintohil te c'an bahlam choj? Ha nix hich ¿ya bal xhu' yac apasic te bin lec, te bin ut'il c'ahyemex ta spasel te bin chopol?

Zacarías 9:9

¡Tse'eluc me awo'tan, yantsil-nich'anat Sión! ¡awonanic soc yutsil q'uinal, yantsil-nich'anat Jerusalén! Ilawil, ya xtal ta atojol te ajwalil awu'un, toj yo'tan soc ya xcoltaywan, peq'uel yo'tan, cajal ta burro, ta tut burro te ha yal me' burra.

San Juan 1:13

Ma ha'uc ya x'ayinic ta scuenta ch'ich'-baq'uet, o ta scuenta sc'anojel yo'tan winic, ha ya x'ayinic ta scuenta te Diose.

San Juan 7:18

Te mach'a stuquel-o'tan nax ya xc'opoj, yac ta slehel yutsil sc'oblal, yan te mach'a ya slehbe yutsil sc'oblal te mach'a ticombil tal yu'une, chican te melel bin ya yal soc ma sna' lo'lowanej stuquel.

Hechos 10:35

ta spisil nacionetic lec yo'tan yu'un te mach'a yich'oj ta muc' soc te toj bin ya spas.

Hechos 22:14

La yalbon: Te Dios yu'un te jme'jtatic la stsahat yu'un yac ana' bin ya sc'an yo'tan, te yac awil te Mach'a toj yo'tan soc te yac awa'iybe sc'op ya yal ta ye,

Hechos 3:14

Ha'ex la amuc ta awo'tanic te Mach'a Ch'ultesbil soc te Mach'a Toj Yo'tan, ha la ac'ambeyic scoltayel te jmilawe;

2 Corintios 5:21

Te mach'a mayuc smul, a'bot te ha mulil c'oht ta jcuentatic, scuenta yu'un toj ya yilotic Dios ta scuenta.

Hebreos 7:2

Hich te Abraham la ya'be te Melquisedec jun ta slajunebal ta spisil. Te bin ya sc'an ya yal te sbihile, ha ajwalil yu'un te bin stojil ta pasel, xchi, soc te bin ut'il ajwalil yu'un Salem, ha ajwalil yu'un lamal q'uinal, xchi.

Hebreos 7:26

Ya xtuhun cu'untic te muc'ul sacerdote te ch'ultesbil, te mayuc smul, parte ay yu'un jmulawiletic soc c'ax hich toybot sc'oblal a te bin ut'il te ch'ulchane.

Santiago 1:18

Ta scuenta sc'anojel yo'tan la yac' te ya x'ayinotic ta scuenta te smelelil c'op, scuenta yu'un sba sit ya xc'ohotic yu'un spisil bintic pasbil yu'un.

1 Pedro 1:23

como cha'ayinemexix, ma ha'uc ta scuenta te ts'unubil te ya xlaj, ha ta scuenta te ts'unubil te ma xlaje, ha te sc'op Dios te cuxul soc te ma xlaj sbahtel q'uinal.

1 Pedro 1:3

Wocol yal te Dios te Stat te Cajwaltic Jesucristo, te ta scuenta smuc'ul sc'uxul yo'tan la yac' te cha'ayinotic ta scuenta te cha'cuxaj tal te Jesucristo ta yohlil te mach'atic chamenic, scuenta yu'un ay smuc'ul co'tantic te cuxul,

1 Pedro 3:18

Como ha nix hich te Cristo jmehl nax laj ta scuenta mulil, ha laj te mach'a toj ta scuenta te mach'atic ma tojuquic, yu'un ya yiq'uex bahel ta stojol Dios. Ac'ot ta lajel ta sbaq'uetal, pero cuxaj ta scuenta espíritu,

2 Pedro 1:4

Ha nix ta scuentahic ini te ay bintic yalbeyejotic te Dios te c'ax t'ujbil soc te muc' sc'oblal, scuenta yu'un ta scuenta bintic yaloj, yac awich'beyic stalel te Dios soc ya x'ahnex loq'uel ta stojol te bin ya xjinawan te ay ta bahlumilal ta scaj chijil-o'tanil.

1 Juan 2:1

Cal-jnich'nab, hich ya jts'ihbabeyex scuenta yu'un ma ba yac alehix amulic a. Pero teme ay mach'a ya sta smul, ay mach'a ya xc'opoj cu'untic ta stojol te Tatil, ha te Jesucristo te toj yo'tan stuquel.

1 Juan 3:5

Ana'ojic te ha xtaluc te Cristo yu'un ya sloq'uesbotic jmultic; ha mayuc smul stuquel.

1 Juan 3:7

Cal-jnich'nab, ma me ayuc mach'a ya slo'loyex; te mach'a ya spas te bin toj, ha toj yo'tan ta winiquil, hich te bin ut'il toj yo'tan stuquel te Jesucristo.

1 Juan 4:7

Ha'ex te c'uxex ta co'tan, talel c'axel c'ux ac'a ca'iy jbahtic, como ha yu'un Dios te c'uxul-o'tanil. Spisil te mach'a ya sna' c'uxultaywanej, ayinemix ta stojol Dios soc ya sna'be sba te Diose.

1 Juan 5:1

Spisil mach'a sch'uhunej te ha Cristo te Jesús, ayinemix ta scuenta Dios, soc te mach'a c'ux ta yo'tan te tatil, ha nix hich c'ux ta yo'tan te snich'ane.

1 Juan 5:18

Jna'ojtic te spisil mach'a ayinem ta scuenta Dios ma ba ya slehulan smul, como canantaybil yu'un te Snich'an Dios, ma ba ya xtahot yu'un te pucuje.

1 Juan 5:4

como spisil mach'a ayinem ta scuenta Dios, ya stsal te bahlumilale. Te bin stsaloj te bahlumilal, ha te sch'uhunel co'tantique.

3 Juan 1:11

Hermano te c'uxat ta co'tan, ma me xanop spasel te bin chopol, ha me xanop spasel te bin leque. Te mach'a ya spas te bin lec, ha me yu'un Dios stuquel, yan te mach'a ya spas te bin chopol, ma ba yiloj te Diose.