1 Juan 2:27 - Bible in Tzeltal Bachajón

²⁷ Pero te malel yu'un te Espíritu te awich'ojic ya xhil ta atojolic, ma fuersahuc te ay mach'a ya snohptesex. Te malel yu'un te Espíritu te awich'ojic ya ya'beyex anopic spisil, soc smelelil te malel, ma lotiluc, ha yu'un jc'axel ayinanic ta stojol Cristo, hich te bin ut'il ya'beyejex anopique.

Nuevo Testamento Tzeltal de Amatenango

²⁷ Pero te jaꞌexe awikꞌojik te Chꞌul Espiritue te jaꞌ yakꞌojbeyex te Jesucristoe, y ma puersauk te ay machꞌa ya snopesexe. Porke jaꞌ mismo te Espíritu te ya snojpesex ta spisil te tutik aye. Y te ya snojpeswane, batsꞌi jich y ma lotuk. Jun nax me xꞌanex sok te Cristo ta jmel nax, jich tutꞌil la snojpesex te Espiritue.

Bible in Tzeltal de Oxchuc y Tenejapa

²⁷ Ja'uc me to, te ja'exe malbilix ta awo'tanic te Ch'ul Espíritu te la yac'beyex te Jesucristoe, jich me jc'axel ya x'ain ta awo'tanic. Jich ma puersauc te ay mach'a ya sp'ijubtesexe. Ja' nix ya yac'beyex ana'ic stojol spisil te Espiritue. Yu'un melel spisil te bila ya yac'beyex anopic stuquele; ma lotil c'opuc te bila ya yale. Te bit'il p'ijubtesbilex yu'un te Espiritue, jich me jc'axel jun ya x'ainex soc te Cristoe.

1 Juan 2:27 ပူးပေါင်းရင်းမြစ်များ

Proverbios 28:5

Te mach'atic chopol yo'tanic, ma xc'oht ta yo'tanic stojil chahpanel, yan te mach'atic ya slehic te Jehová ya xc'oht ta yo'tanic spisil.

Levítico 7:35

Hich ay te bin ya yich' Aarón soc te snich'nab yu'un te mahtaniletic te ya yich'ic chiq'uel ta stojol Jehová, c'alal ta bin c'ahc'alil te parte ac'otic ta sacerdotehil yu'un Jehová.

Números 7:43

la yac' te mahtanil yu'un: jun plato pasbil ta plata, lajuneb shucwinic (130) siclo yalal; jun jarra pasbil ta plata, lajuneb schanwinic (70) siclo yalal, ha te siclo te ch'ul awilal, schebal nojelic ta lequil harina wots'bil soc aceite scuenta mahtanil harina;

San Mateo 13:11

Halbotic yu'un te Jesús: Te ha'exe a'bibilex ana'ic te bin muquen ay yu'un te cuentahinel yu'un ch'ulchan, pero te yantique, ma ba a'bibil sna'ic stuquelic,

San Juan 14:16

Ho'on ya jc'ambe te Tatil, hich ya ya'beyex yan Joquinwanej awu'unic te sbahtel q'uinal ya sjoquinex,

San Juan 14:17

ha te Espíritu yu'un smelelil, ha te ma xhu' ya yich' te mach'atic ayic ta scuenta bahlumilal, como ma ba ya yilic soc ma sna'beyic sba; yan te ha'exe, yac ana'beyic sba, como ay ta awo'tanic soc spisil ora ya sjoquinex.

San Juan 14:26

Pero te Joquinwanej, ha te Ch'ul Espíritu, te ya xticonot yu'un te Tatil ta scuenta jbihil, ha ya ya'beyex anopic soc ya ya'beyex ana'ic spisil te bin la jcalbeyexe.

San Juan 16:13

Pero te c'alal ya xtal te Espíritu yu'un te bin smelelil, ha me ya stojobtesex ta sna'el spisil te bin smelelil, como ma stuquel-o'tanuc ya xc'opoj, ha ya yal spisil te bin ya ya'iy soc ya ya'beyex ana'ic te bin ya xc'oht ta pasele.

San Juan 4:14

Yan te mach'a ya yuch' te ha' te ho'on ya ca'be, mayuc bin ora ya xtaquij xan yo'tan. Te ha' te ho'on ya ca'be, hich ya xc'oht te bin ut'il sloq'uib ha' te ya x'oquin scuenta cuxlejal sbahtel q'uinal, xchi.

San Juan 6:45

Hich ts'ihbabil yu'un te jalwanejetic: Spisilic ya me xp'ijubtesotic yu'un Dios, xchihic. Ha yu'un spisil te mach'atic ya ya'iyic te Tatil soc te ya yich'ic p'ijubtesel yu'une, ya me xtalic ta jtojol.

1 Corintios 2:12

Te ho'otic ma ha'uc quich'ojtic te espíritu yu'un bahlumilal, ha quich'ojtic te Espíritu te talem ta stojol Dios, scuenta yu'un hich ya jna'tic a te bin ya'beyejotic te Diose.

1 Corintios 2:13

Ha ya calbecotic sc'oblal ini, ma ha'uc ta scuenta sp'ijil-c'op ants-winiquetic, pero ha te c'opiletic ya yac' ta nopel te Espíritu, te ha ya ca'becotic snopic te mach'atic ayic ta scuenta te Espíritu.

2 Corintios 1:21

Ha nix te Dios te ya yac' te ay yip co'tantic ta stojol Cristo, ho'otcotic soc ha'ex, soc te parte la yac'otic,

Efesios 4:21

teme melel awa'iybeyejic sc'op soc teme la awich'ic p'ijubtesel ta scuenta, hich te bin ut'il ay te smelelil c'op ta stojol Jesús.

Colosenses 2:6

Ha yu'un hich te bin ut'il la awic' ta awo'tanic te Cajwaltic Jesucristo, hich me ya x'ayinex ta stojol,

1 Tesalonicenses 2:13

Ha yu'un spisil ora ya calbecotic wocol Dios, como te c'alal la awich'ic ta muc' te sc'op Dios te la jcalbeyexcotic, ma ba la awich'ic hich te bin ut'il sc'op winiquetic, hich la awich'ic te bin ut'il sc'op Dios, te melel ha nix a, te ha ya x'a'tej ta awo'tanic ha'ex te ach'uhunejique.

1 Tesalonicenses 4:9

Ma fuersahuc ya jts'ihbabeyex sc'oblal bin ut'il c'ux yac awa'iy abahic soc awermanotaquic, como ha'ex nix a'botex anopic yu'un Dios te talel c'axel c'ux yac awa'iy abahique;

1 Timoteo 2:7

Ha scuentahil te la jquich' ca'tel ta yalel sc'op Dios soc ta jpuc-c'op soc ta maestro yu'un te jyanlumetic yu'un ya ca'be sna'ic bin ay ta ch'uhunel soc bin a te smelelil c'ope. Melel te bin ya cal ta stojol Cristo, ma jlotuc.

1 Pedro 1:23

como cha'ayinemexix, ma ha'uc ta scuenta te ts'unubil te ya xlaj, ha ta scuenta te ts'unubil te ma xlaje, ha te sc'op Dios te cuxul soc te ma xlaj sbahtel q'uinal.

1 Juan 2:28

Cal-jnich'nab, jc'axel ayinanic me ta stojol, scuenta yu'un te c'alal ya xchicnaj ay me yip co'tantic a, soc ma ba q'uejel ya cac' jbahtic ta stojol yu'un q'uexlal te c'alal ya xtale.

1 Juan 3:24

Te mach'a ya sch'uhumbe smandar, jc'axel ayix ta stojol Dios, soc Dios ay ta yo'tan. Hich ya jna'tic a te ay ta co'tantic te Diose: ha ya jna'tic ta scuenta te Espíritu ya'beyejotique.

2 Juan 1:2

Ha c'uxex ta co'tancotic ta scaj te smelelil c'op te ay ta co'tantic soc te spisil ora ya sjoquinotic: