1 Juan 2:24 - Bible in Tzeltal Bachajón

²⁴ Te bin awa'iyejic ta shahchibal, jc'axel ayinuc ta awo'tanic. Teme jc'axel ya x'ayin ta awo'tanic te bin la awa'iyic ta shahchibal, ha nix hich jc'axel ya x'ayinex ta stojol te Nich'anil soc ta stojol te Tatile.

Nuevo Testamento Tzeltal de Amatenango

²⁴ Jaꞌ yuꞌun, te jaꞌexe kꞌeja ta awoꞌtanik te skꞌoplal la awaꞌiyik desde ta slijkibal to tale. Teme ayix jilel ta awoꞌtanik te tut la awaꞌiyik desde ta slijkibal to tale, jun nax ayex sok te Nichꞌanile y sok te Tatile ta jmel nax.

Bible in Tzeltal de Oxchuc y Tenejapa

²⁴ Te bila awaiyojic stojol ta xjajch'ibal tele, jc'axel ainuc me ta awo'tanic. Teme jc'axel ya awac' ta awo'tanic te bila la awaiyiquix stojol ta xjajch'ibale, jich me jc'axel jun ayex soc te Nich'anile soc te Tatile.

1 Juan 2:24 ပူးပေါင်းရင်းမြစ်များ

Salmos 119:11

Cac'oj ta co'tan te ac'op scuenta yu'un ma ba ya jta jmul ta atojol a.

Proverbios 23:23

Mana te bin smelelil, ma me xachon; mana p'ijil-o'tanil, nohptesel soc sna'beyel scuentahil.

San Lucas 1:2

hich te bin ut'il la ya'botic jnoptic te mach'atic ta shahchibal to la yil ta sitic te bintic c'oht ta pasel soc te a'tejic ta yalel te c'ope.

San Lucas 9:44

A'iya me awa'iyic ta lec te bin ya calbeyex: Ya me sta yorahil te ya x'ac'ot ta sc'ab winiquetic te Nich'anil ay ta scuenta winic, xchi.

San Juan 14:23

La sjac' te Jesús: Te mach'a c'uxon ta yo'tan, ya sch'uhumbon jc'op; c'ux ya x'a'iyot yu'un te Jtate, soc ya xtal cac' jbahcotic ta yo'tan soc ya jnahimbecotic yo'tan.

San Juan 15:7

Teme jc'axel yac awac' abahic ta jtojol soc teme ya x'ayin ta awo'tanic te jc'ope, c'anahic spisil bin ya sc'an awo'tanic, ya me x'a'botex.

San Juan 6:56

Te mach'a ya swe'bon te jbaq'uetal soc te ya yuch'bon te jch'ich'el, ya x'ayin ta jtojol soc ho'on ya x'ayinon ta stojol.

San Juan 8:25

La yalbeyic te Jesús: ¿Mach'ayat a hiche? xchihic. Halbotic yu'un te Jesús: Ha te bin la jcalbeyex c'alal ta shahchibal.

Filipenses 4:15

Ana'ojic, ha'ex te ayex ta Filipos, te c'alal hahch ta halel te lec yach'il c'op, te c'alal loc'on tal ta Macedonia, mayuc junuc iglesia te la scoltayon a te bintic tuhun cu'un, ha nax te ha'exe.

Colosenses 3:16

Ac'a nahinuc bayel te sc'op te Cristo ta awo'tanic. Ta scuenta p'ijil-o'tanil talel c'axel me xanohptes abahic soc xatsits abahic. Soc bayeluc yutsil awo'tanic xac'ayojtayic te Cajwaltic ta scuenta salmohetic, c'ayojetic yu'un Dios soc ch'ul c'ayojetic.

Hebreos 2:1

Ha yu'un ya me sc'an te spisil co'tantic ya quich'tic ta cuenta te bintic ca'iyejtic, te manchuc ya xhowiyotic bahel.

Hebreos 3:14

como jun c'ohemotic soc Cristo teme quich'ojtic c'alal ta slajibal c'ahc'al te smuc'ul co'tantic te ay cu'untic ta shahchibal.

1 Juan 1:3

Te bin quilojcotic soc te ca'iyejcotic, ha ya calbeyexcotic sc'oblal, scuenta yu'un junuc co'tan jbahtic; soc junuc co'tan jbahtic soc te Tatil soc te Snich'an, ha te Jesucristo.

1 Juan 1:7

Yan teme yacotic ta behel ta sacal q'uinal, hich te bin ut'il ay ta sacal q'uinal stuquel te Diose, talel c'axel jun co'tan jbahtic, soc ha ya spocbotic loq'uel spisil jmultic te sch'ich'el Jesús, te Snich'ane.

1 Juan 2:7

Quermanotac, ma ba ya jts'ihbabeyex yach'il mandaril, ha nix te antiguo mandaril awa'iyejic ta shahchibal to. Te antiguo mandaril ini ha te c'op te ay nix awa'iyejic ta nahil to.

1 Juan 3:24

Te mach'a ya sch'uhumbe smandar, jc'axel ayix ta stojol Dios, soc Dios ay ta yo'tan. Hich ya jna'tic a te ay ta co'tantic te Diose: ha ya jna'tic ta scuenta te Espíritu ya'beyejotique.

1 Juan 4:13

Hich ya jna'tic te jc'axel ayotic ta stojol Dios soc te ay ta co'tantic te Diose, ha te la ya'botic te Espíritu yu'une.

1 Juan 4:15

Spisil mach'a ya yal ta jamal te ha Snich'an Dios te Jesús, Dios ay ta yo'tan soc ha ay ta stojol Dios.

1 Juan 4:16

Jna'ojtic soc jch'uhunejtic te c'uxotic ta yo'tan te Diose. Ha jc'uxultaywanej te Diose, soc te mach'a spisil ora ya ya'iy c'uxultaywanej, ay ta stojol Dios soc Dios ay ta yo'tan.

2 Juan 1:2

Ha c'uxex ta co'tancotic ta scaj te smelelil c'op te ay ta co'tantic soc te spisil ora ya sjoquinotic:

2 Juan 1:9

Mach'ayuc a te ya xhowiy, te ma ba ya x'ayin ta stojol te bintic ay ta nopel yu'un Cristo, ma ba ay ta yo'tan te Diose; yan te mach'a ya x'ayin ta stojol te bintic ay ta nopel yu'un Cristo, ay ta yo'tan te Tatil soc te Nich'anile.

3 Juan 1:3

Mero tse'el co'tan te c'alal hul te quermanotic te la yalic te jun awo'tan ta stojol te smelelil c'op soc te ha at'unoje.

Apocalipsis 3:11

Nopol ya xtalon. Ma me xch'ay awu'un te bin ay awu'un, scuenta yu'un mayuc yan mach'a ya yich'bat te acorona.

Apocalipsis 3:3

Na'a me hiche te bin awich'oj soc awa'iyej; pasa soc suhtesa awo'tan. Teme ma ba yac acux awo'tan, ya xtalon ta atojol hich te bin ut'il j'elec', ma na'biluc awu'un bin ora ya xtalon.