1 Juan 2:2 - Bible in Tzeltal Bachajón

² Ha te milbil mahtanil yu'un stojel jmultic; ma ho'ucotic nax jmultic, ha la stojbe smul spisil te ants-winiquetic ayic ta bahlumilal.

Nuevo Testamento Tzeltal de Amatenango

² Te Jesucristoe la yakꞌ sba ta smajtan Dios yuꞌun jich la spasbelotikix perdon yuꞌun te jmultike. Y ma joꞌukotik nax, sino ke ta spisil te machꞌatik ayik ta balmilal.

Bible in Tzeltal de Oxchuc y Tenejapa

² Te Jesucristo la yac' sba ta milbil smajt'an Dios swenta yu'un la spasbotic perdón yu'un te jmultique. Ja'uc me to, ma jtuquelticuc nax, soc spisil uuc te ants-winiquetique.

1 Juan 2:2 ပူးပေါင်းရင်းမြစ်များ

Levítico 16:10

Yan te tentsun te c'oht ta scuenta te seña ta na'el yu'un Azazel, cuxul ya yac' ta stojol Jehová yu'un ya yich' pasel stojel mulil ta scuenta, yu'un ya yich' ticonel bahel ta Azazel ta jochol taquin q'uinal.

San Lucas 14:22

Hul ta halbeyel yu'un te ya'bat: Cajwal, pasbilix te bin la awale, pero ay to jochol, xchi.

San Juan 1:29

Ta schebal c'ahc'al te Juan la yil yac ta talel te Jesús, hich la yal: ¡Ha te Jcolel Tuminchij yu'un Dios te ya sch'aybe smul mach'atic ayic ta bahlumilal!

San Juan 12:32

Soc ho'on, c'alal ya quich' toyel hahchel ta lum, ya me quic' ta jtojol spisil ants-winiquetic, xchi.

San Juan 4:42

Hich la yalbeyic te antse: Ma ha'uc xanix la jch'uhuncotic yu'un te bin la awal, como ho'otcotic nix la jca'iycotic soc la jna'cotiquix te melel ha te Cristo, te Jcoltaywanej yu'un spisil mach'atic ayic ta bahlumilal, xchihic.

Hebreos 2:17

Ha scuentahil te la sc'an te spisil pajal ay soc te yermanotac, scuenta yu'un muc'ul sacerdote ya xc'oht te ya xc'uxultaywan soc te jun yo'tan ta spasel te ya'tel Dios, yu'un ya stojbe smul te pueblo.

1 Pedro 2:24

Ha nix la scuchbotic jmultic ta sbaq'uetal ta te', scuenta yu'un ya xchamotic ta stojol te mulil soc ya xcuxajotic ta spasel te bin stojil ta pasele. ¡Ha ta scuenta te yehchen te lecubex!

1 Pedro 3:18

Como ha nix hich te Cristo jmehl nax laj ta scuenta mulil, ha laj te mach'a toj ta scuenta te mach'atic ma tojuquic, yu'un ya yiq'uex bahel ta stojol Dios. Ac'ot ta lajel ta sbaq'uetal, pero cuxaj ta scuenta espíritu,

1 Juan 1:7

Yan teme yacotic ta behel ta sacal q'uinal, hich te bin ut'il ay ta sacal q'uinal stuquel te Diose, talel c'axel jun co'tan jbahtic, soc ha ya spocbotic loq'uel spisil jmultic te sch'ich'el Jesús, te Snich'ane.

1 Juan 3:5

Ana'ojic te ha xtaluc te Cristo yu'un ya sloq'uesbotic jmultic; ha mayuc smul stuquel.

1 Juan 4:10

Hich ay te sc'uxul-o'tanile: Ma ha'uc te c'ux la jca'iy ta co'tantic te Diose, ha te c'ux la ya'iyotic ta yo'tan stuquel soc te la sticon tal te Snich'an yu'un ya stojbotic jmultic.

1 Juan 4:14

Ho'otcotic quilojcotic soc ya calcotic ta testigo te Tatil la sticon tal te Nich'anil scuenta Jcoltaywanej yu'un te bahlumilale.

1 Juan 5:19

Jna'ojtic te ho'otic yu'unotic Dios, soc te ay ta sc'ab pucuj swohlol te bahlumilale.

Apocalipsis 12:9

La yich' ch'ojel cohel te muc'ul dragón, ha te antiguo chan, te Pucuj soc Satanás sbihil, ha te ya slo'loy spisil te bahlumilale. Ch'ojot cohel ta bahlumilal soc te a'batetic yu'une.