1 Juan 2:19 - Bible in Tzeltal Bachajón

¹⁹ Loq'uemic hahchel ta cohliltic, pero ma junuc ayotic soc a, como te junuc ayucotic soc, la sjoquinotic te hichuque; pero loq'uic bahel yu'un tey chicnaj a te ma ba jun ayotic soc ta spisilic.

Nuevo Testamento Tzeltal de Amatenango

¹⁹ Te stukelike lokꞌik tal ta koliltik. Pero yuꞌun nanix ma joytikuk a. Te yuꞌunuk joytikuke, maꞌ lokꞌ bael ta koliltik te jichuke. Pero jicha kꞌot ta pasel yuꞌun te ya xchiknaj ta jamal a te ma joy jbajtikuke.

Bible in Tzeltal de Oxchuc y Tenejapa

¹⁹ Ja' nix te mach'a loq'uic bael ta coliltique. Ja'uc me to, yu'un nanix ma junuc ayotic soc a. Te yu'unuc junuc ayucotic soque, jc'axel jun ayotic soc te jichuque. Ja'uc me to, te bit'il loq'uic baele, yu'un tey me ya xchicnaj ta jamal a te ma jpisilticuc te jun ayotique.

1 Juan 2:19 ပူးပေါင်းရင်းမြစ်များ

Job 17:9

Pero te mach'a toj yo'tan ya to st'un te be yu'un, soc te mach'a mayuc smul te sc'ab ya me sta xan yip.

Salmos 37:28

como te Jehová c'ux ta yo'tan te bin stojil ta pasel, soc ma ba ya spihtes te mach'atic jun yo'tanic ta stojol. Spisil ora ya yich'ic canantayel, yan te sts'umbal te mach'atic chopol yo'tanic ya yich'ic lajinel.

Salmos 41:9

Ha nix hich te mach'a c'ux ya ca'iy jba soc, te ha smuc'ul co'tan sc'oblal, te mach'a jun ya xwe'on soc, hahch scontrahinonix.

San Mateo 24:24

Como ya xchicnaj hahchel lotil cristohetic soc lotil jalwanejetic soc ya spasic muc' señahiletic soc jchahp a'teliletic yu'un ya slo'loyic te mach'a tsahbilic, te yacuc xhu' yu'unique.

San Marcos 13:22

Como ya me xchicnaj lotil cristohetic soc lotil jalwanejetic te ya yaq'uic ta ilel señahiletic soc jchahp a'teliletic yu'un ha ya slo'loyic a te mach'atic tsahbilic, te yacuc xhu' yu'unique.

San Lucas 8:13

Te c'oht ta ba tontiquil, ha sc'oblal te mach'atic tse'el yo'tan ya ya'iyic, pero mayuc slohp'; cheb oxeb nax c'ahc'al ya sch'uhunic, pero ta yorahil te ya xtal tsajel, ya xloq'uic bahel.

San Juan 15:2

Spisil sc'ab te ay ta jtojol te ma ba ya yac' sit, ya set' loq'uel; spisil te ya yac'ticlan sit, ya spasticlan ta lec scuenta yu'un c'ax to xan hich ya sitin a.

San Juan 4:14

Yan te mach'a ya yuch' te ha' te ho'on ya ca'be, mayuc bin ora ya xtaquij xan yo'tan. Te ha' te ho'on ya ca'be, hich ya xc'oht te bin ut'il sloq'uib ha' te ya x'oquin scuenta cuxlejal sbahtel q'uinal, xchi.

Hechos 15:24

La jca'iycotic te ay loq'uem ta cohlilcotic cha'oxtuhl te mayuc bin jpasojcotic ta mandar, te la ya'beyex amel awo'tanic soc la ya'beyex awocolic yu'un te bin la yalique.

Hechos 20:30

Soc ya me xchicnaj ta awohlilic winiquetic te ya yaq'uic ta nopel lotil c'opetic yu'un ya xt'unotic yu'un te jnopojeletique.

Romanos 9:6

Ma yu'unuc te ma ba c'oht ta pasel te bin la yal te Diose, como ma spisiluc israeletic te mach'a sts'umbal Israel;

1 Corintios 11:19

Hich yac ac'anic te wohc'owohc' yac awac' abahic scuenta yu'un ya xchicnaj ta awohlilic mach'atic a te tsahbilic ta ac'opic.

Deuteronomio 13:13

te ay chicnaj bohl winiquetic ta awohlilic te la ya'beyic howiyuc yo'tanic te mach'atic nahinemic ta pueblo, te hich ya yalic: Conic, ya jch'uhuntaytic yantic diosetic te ma xana'beyic sba, teme xchihique,

2 Timoteo 2:10

Ha yu'un spisil ya xcuhch cu'un scuenta yutsil slequil te mach'atic tsahbilic, scuenta yu'un ha'ic nix ya xhu' ya stahic te colel te ay ta scuenta Cristo Jesús, soc te ya sta yutsilalic sbahtel q'uinal.

2 Timoteo 2:19

Pero stalel ay te yich'o-ip yu'un Dios soc yich'oj te sellohil ini: Te Cajwaltic ya sna'be sba te mach'atic yu'une, xchi, soc: Ihquitayahic te bin chopol spisil mach'atic ya yich'ic ta muc' sbihil te Cristo, xchi.

2 Timoteo 3:9

Pero mayuc binti bayel ya xhu' yu'unic spasel, como ya xchicnaj ta ilel ta comonsitil te sbohlilic, hich te bin ut'il te cheb winiquetique.

Hebreos 10:39

Pero te ho'otique, ma ho'ucotic te ya suhtotic ta jpatic yu'un ya xch'ayotic, ho'otic ay sch'uhunel co'tantic yu'un hich ya xcol jch'uhleltic.

2 Juan 1:7

Tsobol jlo'loywanejetic hahchemic ta behel ta bahlumilal te ma ba ya yalic te tal soc sbaq'uetal te Jesucristo. Te mach'a hich ya yal, ha me jlo'loywanej soc ha te anticristo.

Judas 1:1

Judas, a'bat yu'un Jesucristo soc yihts'in te Jacobo, ta stojol te mach'atic ic'bilic, te c'uxultaybilic yu'un te Jtatic Dios soc te canantaybilic yu'un te Jesucristo:

Judas 1:19

Ha'ic te ya yaq'uic jatamba, ya spasic te bintic ya smulan sbaq'uetalic soc mayuc ta yo'tanic te Espíritu.