1 Juan 2:17 - Bible in Tzeltal Bachajón

¹⁷ Ya me xc'ax bahel te bahlumilal soc te bintic mulambil yu'un te mach'atic ayic ta scuenta, yan te mach'a ya spas te bin ya sc'an yo'tan te Diose, sbahtel q'uinal ya xcuxaj stuquel.

Nuevo Testamento Tzeltal de Amatenango

¹⁷ Pero te balmilale yipal bael ta lajel, y sok spisil te tut ma lekuk ta kꞌanele. Yan te machꞌa jaꞌ ya spasbe te tut ya skꞌan yoꞌtan te Diose, ya xkuxuyin sbajtel kꞌinal stukel.

Bible in Tzeltal de Oxchuc y Tenejapa

¹⁷ Ja'uc me to, xquechet ta lajel bael te balumilale soc spisil sbic'tal yo'tanic te ants-winiquetique. Yan te sc'anjel yo'tan stuquel te Diose, sbajt'el q'uinal ay stuquel.

1 Juan 2:17 ပူးပေါင်းရင်းမြစ်များ

Salmos 102:26

Ya xlajic stuquelic, yan te ha'ate atalel ayat; ta spisilic ya xpoco'ub hich te bin ut'il c'u'ul; yac ajeltay hich te bin ut'il c'u'ul, hich ya xhil awu'un.

Salmos 143:10

Nohptesawon ta spasel te sc'anojel awo'tan, como ha'at Diosat cu'un. Te lequil espíritu awu'un ac'a stojobteson bahel ta toj be.

Salmos 39:6

Melel te ants-winiquetic hich ayic te bin ut'il axinal te ya xc'ax bahel; tojol ya yac' swocolic ta tulan a'tel, ya stsob sc'ulejalic, pero ma na'biluc mach'a ya yich' hilel.

Salmos 90:9

Spisil sc'ahc'alel te jcuxlejalcotic ya xlajic bahel ta scaj awilimba; ya xlaj te ca'bilalcotic hich te bin ut'il jahc' nax ta o'tanil.

Proverbios 10:25

C'alal ya xc'ax bahel te tulan ic', ma ba chicanix ya xhil te mach'a chopol yo'tan, yan te mach'a toj yo'tan, stalel ya xhil stuquel.

San Mateo 21:31

Ta schebalic, ¿mach'a la spas te bin la sc'an yo'tan te state? xchi. La yalic: Ha te mach'a nahil la yalbe, xchihic. Halbotic yu'un te Jesús: Jamal ya calbeyex, te jc'an-patanetic soc te j'antsineletic ha nahil yacalic ta ochel awu'unic ta banti ay te cuentahinel yu'un te Diose;

San Mateo 24:35

Ya xlaj ch'ulchan soc bahlumilal, pero ma ba ya xlaj stuquel te jc'ope.

San Mateo 7:21

Ma spisiluc te mach'atic ya yalbonic: Cajwal, Cajwal, xchihic, te ya x'ochic te banti ay te cuentahinel yu'un te ch'ulchan, ha nax te mach'atic ya spasbeyic te bin ya sc'an yo'tan te Jtat ay ta ch'ulchan.

San Marcos 3:35

Como spisil mach'a ya spas te bin ya sc'an yo'tan te Diose, ha jnan soc ha quihts'in c'ohem, xchi te Jesuse.

San Juan 4:14

Yan te mach'a ya yuch' te ha' te ho'on ya ca'be, mayuc bin ora ya xtaquij xan yo'tan. Te ha' te ho'on ya ca'be, hich ya xc'oht te bin ut'il sloq'uib ha' te ya x'oquin scuenta cuxlejal sbahtel q'uinal, xchi.

San Juan 6:58

Ha me te pan cohem tal ta ch'ulchan; ma pajaluc soc te maná la swe'ic te ame'atatic soc chamic. Te mach'a ya swe' ha'i pan ini, ya xcuxaj sbahtel q'uinal yu'un, xchi.

San Juan 7:17

Te mach'a ya sc'an ya spas te bin ya sc'an yo'tan te Diose, ya me sna' teme ha nohptesel yu'un Dios o teme jtuquel-o'tan nax ya xc'opojon.

Romanos 12:2

Ma me xapajbeyic stalel te bahlumilal, yanuc awilelic ta scuenta yach'ubtesel te snopojibal awu'unic, scuenta yu'un hich yac ana'ic a te bin ya sc'an yo'tan te Dios, te ha ay yutsil soc te c'ax leque.

1 Corintios 7:31

te mach'atic mulambil yu'unic bintic ay ta bahlumilal, ac'a sp'is sbahic te ma ba ya smulanic, como te bin ay yu'un te bahlumilal ta ora ini, c'axel nax ay.

Colosenses 1:9

Ha scuentahil, te c'alal hich la jca'iybeyex ac'oblalic, ma ba ya xquehchajotcotic ta sc'oponel Dios ta atojolic, ha ya jc'ambecotic te yacuc snojesbeyex ta awo'tanic sna'el bin ya sc'an yo'tan, ta scuenta spisil p'ijil-o'tanil soc snopojibal ta scuenta espíritu.

Colosenses 4:12

Xcoltanuquex laj yu'un te Epafras, te amohloltac nix soc ha a'bat yu'un Cristo. Spisil ora xbic'talti'ij ta sc'oponel Dios ta atojolic, te junuc awo'tanic, te ayuc yip awo'tanic soc te yacuc xc'oht ta pasel awu'unic spisil te bintic ya sc'an yo'tan te Diose.

1 Tesalonicenses 4:3

Ha ya sc'an yo'tan Dios te yac awich'ic ch'ultesel, ha te jc'axel ya xhil awu'unic antsinel soc antsiwej;

1 Tesalonicenses 5:18

Halbeyahic wocol Dios ta spisil bintic ya xc'oht ta pasel ta atojol, yu'un hich ya sc'an yo'tan Dios ta atojolic ta scuenta Cristo Jesús.

Hebreos 10:36

Ya sc'an te ya xcuhch awu'unic, scuenta yu'un te c'alal apasojiquix te bin ya sc'an yo'tan te Dios, ya me awich'ic te bin yaloje.

Santiago 4:14

Ma xana'ic bin ya xc'oht ta pasel pajel. ¿Bin a te acuxlejale? Ha sahb lum te jts'ihn nax ya xchicnaj, patil ya xch'ay bahel.

1 Pedro 1:5

ha'ex te ta scuenta sch'uhunel awo'tanic canantaybilex ta yu'el Dios ha to c'alal ya xtal te colel te chapalix te ya xchicnaj ta slajibal c'ahc'al.

1 Pedro 4:2

hich te jayeb xan c'ahc'al cuxul ta bahlumilal ma ba ya spas te bintic ya smulan spasel te bin scuenta ch'ich'-baq'uet, ha ya spas te bintic ya sc'an yo'tan te Diose.