1 Juan 2:16 - Bible in Tzeltal Bachajón

¹⁶ como spisil bintic ay ta bahlumilal, ha te bin ya smulan te baq'uet scuenta mulil, te bin ya smulan yilel te jsitic, soc te toybahil, ma ba talem ta stojol te Tatil, ha talem ta stojol te bahlumilale.

Nuevo Testamento Tzeltal de Amatenango

¹⁶ Porke te tut ya yakꞌ te balmilale, ma jaꞌuk ya xtal ta stojol te Jtatik Diose. Jaꞌ ya yakꞌ te balmilale te tutik ma lekuk ya skꞌan te stiꞌbalul gentee, sok te sbikꞌtal yoꞌtan te sitike, y sok te toybajel yuꞌun te kꞌulejalile.

Bible in Tzeltal de Oxchuc y Tenejapa

¹⁶ Melel ta spisil te bitic ay ta balumilale, ja' te bitic ya sc'an te jbaq'uetaltique, soc te bila ya smulan yilel te jsitique, soc te toybail ta cuxinele, ma ja'uc yac'oj te Tatile. Spisil in to, ja' yac'oj te balumilale.

1 Juan 2:16 ပူးပေါင်းရင်းမြစ်များ

Génesis 3:6

C'alal la yil te ants te lec ta lo'beyel sit te te' soc t'ujbil ta ilel, soc te bic'tal-o'tantic sba te ya yac' p'ijil-o'tanil, hich la stulbe sit, la slo', soc la ya'be te smamalal te ha nix hich la slo'.

Génesis 6:2

te yal-snich'nab Dios la yilic te buen t'ujbilic te yantsil-nich'nab ants-winiquetic, hich la yic' yihnaminic te banti la smulanique.

Job 31:1

La jchap jc'op soc te jsit, ¿bin ut'il c'an cac' jsit ta stojol jtuhl ach'ix?

Salmos 73:6

Ha yu'un ha yuhanejic te toybahil; ha sc'u'inejic te uts'inwanej.

Salmos 78:18

La stsajic te Diose, ha te la sc'an swe'ic te bin la smulan yo'tanic.

Salmos 78:30

Pero ma ba c'ax yo'tanic a te bin la sc'anic, ay to ta yehic a te swe'elic,

Proverbios 27:20

Te yawil mach'atic chamenic soc te yawil jinel mayuc bin ora te tic' ya ya'iy a, ha nix hich te sit te winic, mayuc bin ora ya xlaj yo'tan ta ilaw.

Proverbios 6:25

Ma me xbic'taj awo'tan yu'un te st'ujbilal, ma me xawac' yu'untayat te site,

Daniel 4:30

hich la yal: ¿Ma bal ha'uc ini te muc'ul Babilonia te la jpas ta scuenta bayel quip banti ya xnahin ajwalil, soc scuenta yich'el ta muc' te cutsilale? xchi.

Números 11:34

Ha yu'un la ya'beyic sbihil Kibrot-hataava te lugar, yu'un tey la yich' muquel a te mach'atic ay sbic'tal yo'tanique.

Números 11:4

Te jyanlumetic te scapoj sbahic soc, bayel bic'taj yo'tanic yu'un yan we'elil, soc ha nix hich te snich'nab Israel hahchic ta oq'uel yan buelta, hich la yalic: ¡Te ayuc ti'bal ya jti'tic!

San Mateo 4:8

Yan buelta cha'ic'ot xan bahel yu'un te pucuj ta toyol wits, la ya'be yil spisil ta chahp nacionetic ayic ta bahlumilal soc te yutsilalic,

San Mateo 5:28

Pero ho'on ya calbeyex, mach'ayuc a te ya yil ants te ya xbic'taj yo'tan yu'un, la yantsinix ta yo'tan abi.

San Lucas 4:5

Patil ic'ot bahel yu'un te pucuj ta toyol wits, ta jts'ihn nax la ya'be yil spisil ta chahp nacionetic ta bahlumilal.

Romanos 13:14

Ha me xawac' yu'untayex te Cajwaltic Jesucristo, ma me xanopic spasel mulil te ya smulan spasel te abaq'uetalique.

1 Corintios 10:6

Scuenta quich'o-q'uehltic te hich c'oht ta pasel, scuenta yu'un ma ba ya xbic'taj co'tantic yu'un bintic chopol, hich te bin ut'il bic'taj yo'tanic stuquel.

Gálatas 5:17

como te bin ya sc'an te jpoco'-taleltic ha scontrahinej te Espíritu, soc te bin ya sc'an te Espíritu ha scontrahinej te jpoco'-taleltique. Scontrahinej sbahic ta schebalic, hich ma xhu' awu'unic spasel te bin yac ac'an yac apasique.

Gálatas 5:24

Como te mach'atic yu'unic Cristo, yac'ojiquix ta lajel ta cruz te spoco'-talelic te ya smulan spasel te bintic ya sc'an te sbaq'uetalique.

Efesios 2:3

Ta jpisiltic hich nix tey cuxajotic ta nahil to a, ha baht ta co'tantic spasulanel te bintic la smulan spasel te jpoco'-taleltic yu'un mulil, la jpasbetic te bintic la sc'an yo'tan soc te bintic la snop. Ta scuenta te jtaleltic ini ayotic ta scuenta yich'beyel te yilimba Dios, hich te bin ut'il te yantique.

Tito 2:12

soc ya snohptesotic te yacuc xhil cu'untic spisil bintic chopol soc bintic mulantic sba ta pasel ta bahlumilal, te tsahtaybiluc co'tantic ya x'ayinotic ta ora ini, te tojuc ya x'ayinotic soc te ayuc ta co'tantic spisil ora te Diose,

Tito 3:3

Ta nahil to ha nix hichotic, ma ba la jna'tic q'uinal, jc'axun-c'opotic, howiyemotic, mosohimbilotic yu'un chijil-o'tanil soc spisil ta chahp bintic mulambil cu'untic spasel, ca'telinejtic lablab-o'tantaywanej soc ti'ti'o'tantaywanej, ihlaybilotic soc talel c'axel la jquihlay jbahtic.

Santiago 3:15

Te p'ijil-o'tanil ini ma ha'uc te talem te toyol, scuenta nax bahlumilal, scuenta nax ch'ich'-baq'uet, ha yu'un pucuj.

Santiago 4:16

Yan te ha'exe yac atoy abahic ta scuenta awulwul-c'opic. Spisil toybahil hich te bin ut'il ini ma lecuc.

Josué 7:21

Ta yohlil te biluquetic la jquil t'ujbil nahtil-c'u'ul talem ta Babilonia, soc lajunwinic (200) ta sehp plata soc jpehch oro te lajuneb yoxwinic (50) siclo yalal, bic'taj co'tan yu'un, hich la jtsac. Nac'bilix ta lum ta ye'tal te jnahilpac', soc ay ta ye'tal xan te taq'uine, xchi.

1 Pedro 1:14

Te bin ut'il al-nich'anex te yac ach'uhunic mandar, ma me pajaluc awo'tanic soc te bin la amulanic spasel ta nahil to te c'alal ma to ana'ojic q'uinal a.

1 Pedro 2:11

Quermanotac te c'uxex ta co'tan, ya calbeyex wocol, te bin ut'il jyanlumex soc jbehyomex ta bahlumilal ini, te yacuc xhil awu'unic te bin mulambil ta pasel yu'un te abaq'uetalic te ya scontrahin te ach'uhlelique.

2 Pedro 2:10

soc c'ax hich a te mach'atic ya st'unic te bintic chopol ya sc'an te sbaq'uetal soc ya sp'ajic te ya xcuentahinotique. Tulan yo'tanic soc biluc ya slomic ta pasel, ma xiwic te ya yixta'c'optayic te mach'atic tulan ya'telic ta ch'ulchan.

2 Pedro 2:18

Ya xc'opojic ta toyba c'op soc tojol c'op, soc ta scuenta te bin chopol ya smulan ch'ich'-baq'uet ya smonic a te mach'atic ma to haluc ahnic loq'uel ta stojol te mach'atic howiyemic.