1 Juan 2:15 - Bible in Tzeltal Bachajón

¹⁵ Ma me c'uxuc xawa'iy ta awo'tanic te bahlumilal o te bintic ayic ta bahlumilal. Te mach'a c'ux ya ya'iy ta yo'tan te bahlumilal, ma ba yich'oj te sc'uxul yo'tan te Jtatic Dios,

Nuevo Testamento Tzeltal de Amatenango

¹⁵ Ma me jaꞌuk kꞌux ya awaꞌiy ta awoꞌtanik te balmilale ni te tutik ay ta balmilale. Teme ay machꞌa kꞌux ya yaꞌiy ta yoꞌtan te balmilale, ma jaꞌuk kꞌux ta yoꞌtan te Jtatik Diose.

Bible in Tzeltal de Oxchuc y Tenejapa

¹⁵ Ma me ja'uc c'ux ya awaiy ta awo'tanic te balumilale, ni te bitic swenta nax te balumilale. Teme ay mach'a c'ux ya yaiy ta yo'tan te balumilale, jich ma ba c'ux ya yaiy ta yo'tan te Jtatic Diose.

1 Juan 2:15 ပူးပေါင်းရင်းမြစ်များ

San Mateo 4:8

Yan buelta cha'ic'ot xan bahel yu'un te pucuj ta toyol wits, la ya'be yil spisil ta chahp nacionetic ayic ta bahlumilal soc te yutsilalic,

San Mateo 6:24

Mayuc mach'a ya xhu' ya yac' sba ta a'batinel yu'un cheb ajwaliletic; como ya me yihlay te jtuhle soc c'ux ta yo'tan te yane, o jun yo'tan ta stojol te jtuhle, soc ya sp'aj te yane. Ha nix hich, ma xhu' yac awac' abahic ta a'batinel yu'un Dios soc yu'un te c'uhlejalile.

San Lucas 16:13

Mayuc a'bat te ya xhu' te cheb yajwal ya yac' sba ta a'batinel yu'un, como ya sp'aj te jtuhle soc c'ux ta yo'tan te yane; o ay sc'oblal ta yo'tan te jtuhle soc mayuc sc'oblal ta yo'tan te yane. Ma xhu' yac awac' abahic ta a'batinel yu'un Dios soc yu'un te c'uhlejalil, xchi.

San Juan 15:19

Te ha'uc yu'unex te bahlumilal, c'ux ya ya'iyex ta yo'tan te hichuque; pero te bin ut'il ma yu'unuquex te bahlumilal, como ho'on la jtsahex loq'uel tal ta yohlil te bahlumilal, ha scuentahil te ya sp'ajex te bahlumilale.

Romanos 12:2

Ma me xapajbeyic stalel te bahlumilal, yanuc awilelic ta scuenta yach'ubtesel te snopojibal awu'unic, scuenta yu'un hich yac ana'ic a te bin ya sc'an yo'tan te Dios, te ha ay yutsil soc te c'ax leque.

Gálatas 1:10

¿Yu'un bal ya jle te lec jc'oblal yu'un winiquetic, o ha te lec jc'oblal yu'un te Diose? ¿Yu'un bal ha ya jc'an te ayuc yutsil yo'tan winiquetic cu'un? Te ha'uc ya jc'an te ay yutsil yo'tan winiquetic cu'un, yu'un nix ma ya'batucon Cristo abi.

Efesios 2:2

te la apasic te c'alal la at'umbeyic stalel te bahlumilal soc la apasic te bin la sc'an te ajaw te scuentahinej te ic', ha te espíritu te yac ta a'tel ta stojol te al-nich'anetic yu'un c'axun-c'op.

1 Timoteo 6:10

Como te slohp' spisil te bintic chopole ha te sbic'sitayel taq'uin. Ay mach'atic la sbic'sitayic taq'uin, hich la yihquitayic sch'uhunel Dios soc ha'ic nix la ya'be sba bayel swocolic yu'un.

Santiago 1:27

Te sch'uhunel Dios te lec soc te mayuc bin chopol tey a ya yil te Jtatic Dios, ha te yula'tayel te me'ba' alaletic soc me'ba' antsetic te ay swocolic, soc te ya scanantay sba te ma xbohlobtesot yu'un te bahlumilale.

Santiago 4:4

¡J'antsinelex soc j'antsiwejex! ¿Ma bal ana'ojic te ha scontrahinel Dios teme jun awo'tan abahic soc te bahlumilale? Te mach'a ya sc'an te jun yo'tan sba soc te bahlumilal, ha scontrahinej te Diose.

1 Juan 3:17

Te mach'a ay bintic ay yu'un ta bahlumilal, teme ya yil te mayuc bin ay yu'un te yermano, pero teme ma sc'an ya sc'uxultay, ¿bin ut'il ay sc'uxul yo'tan Dios ta yo'tan?

1 Juan 4:5

Te lotil jalwanejetic ayic ta scuenta te bahlumilal, ha scuentahil te ya yalic te bin scuenta bahlumilal, soc ya x'a'iybot sc'opic yu'un te bahlumilale.

1 Juan 5:10

Te mach'a ya sch'uhun te Snich'an Diose ay ta yo'tan te testigo-c'op ini; yan te mach'a ma ba ya sch'uhun Dios, ha yac ta lot te Dios ta sc'op, como ma ba sch'uhunej te testigo-c'op yu'un Dios te yalbeyej sc'oblal te Snich'ane.