1 Juan 2:12 - Bible in Tzeltal Bachajón

¹² Ha'ex cal-jnich'nabex, ya jts'ihbabeyex como pasbilexix perdón yu'un amulic ta scuenta sbihil te Jesucristo.

Nuevo Testamento Tzeltal de Amatenango

¹² Kuntikil, la jtsibabeyex ta akuentaik to porke te Dios la spasbelexix perdon te amulike ta skuenta te Jesucristoe.

Bible in Tzeltal de Oxchuc y Tenejapa

¹² Cal-jnich'nab, jich la jts'ibubeyex in to, yu'un ch'aybilix amulic yu'un Dios ta swenta sbiil te Jesucristoe.

1 Juan 2:12 ပူးပေါင်းရင်းမြစ်များ

Salmos 106:8

Pero Dios la scoltay ta scuenta yich'el ta muc' te sbihile, scuenta yu'un ya yac' ta na'el te yu'ele.

Salmos 25:11

Ta scuenta yich'el ta muc' te abihil, Jehová, pasbon perdón, yu'un muc' te jmule.

Jeremías 14:7

Aunque ya yalotcotic te jmulcotic, ¡pasa, Jehová, ta scuenta yich'el ta muc' te abihile! Como p'ohlem te toybahil cu'uncotic, jtahoj jmulcotic ta atojol.

San Lucas 24:47

soc ya me yich' puhquel ta halel ta scuenta sbihil ta spisil nacionetic sc'oblal te suhtesel-o'tanil soc te perdón yu'un mulil, ha ya xhahch bahel ta Jerusalén.

San Lucas 5:20

Te Jesús, c'alal la yilbe te sch'uhunel yo'tanic, la yalbe te jchamel: Winic, pasbilatix perdón yu'un amul, xchi.

Hechos 10:43

Ha me te halbil sc'oblal yu'un spisil jalwanejetic te ta scuenta sbihil Jesús ya xpasbot perdón yu'un smul spisil mach'atic ya sch'uhunic, xchi te Pedro.

Hechos 13:38

Na'ahic me, quermanotac, te ta scuenta Jesús halbotex sc'oblal te perdón yu'un mulil,

Hechos 4:12

Mayuc mach'a yan ay colel ta scuenta, como ta bayuc ta swohlol bahlumilal mayuc yan mach'a hich halbil sc'oblal ta stojol ants-winiquetic te ya xhu' ya xcolotic yu'un, xchi.

1 Corintios 6:11

Ay hich ayex ta namey, pero pocbilexix, ch'ultesbilexix soc halotix te toj ayex ta scuenta sbihil te Cajwaltic Jesucristo soc ta scuenta te Espíritu yu'un te Dios cu'untique.

Efesios 1:7

Ha ta scuenta te colotic ta libre ta scuenta sch'ich'el, te ay perdón yu'un mulil, ha chican te sc'uhlejal te yutsil yo'tan

Efesios 4:32

Talel c'axel xawa'be aba awil yutsil awo'tanic soc c'uxultaywanej, talel c'axel xapasbe abahic perdón, hich te bin ut'il Dios la spasbeyex perdón ta scuenta Cristo.

Colosenses 1:14

te ha ta scuenta te mambil jcoleltic ta sch'ich'el, ha te perdón yu'un te jmultique.

1 Juan 1:4

Ha ya jts'ihbabeyex ini scuenta yu'un ts'acal ya xc'oht a te stse'elil awo'tanique.

1 Juan 1:7

Yan teme yacotic ta behel ta sacal q'uinal, hich te bin ut'il ay ta sacal q'uinal stuquel te Diose, talel c'axel jun co'tan jbahtic, soc ha ya spocbotic loq'uel spisil jmultic te sch'ich'el Jesús, te Snich'ane.

1 Juan 1:9

Yan teme ya caltic ta jamal te jmultique, Dios ya spasbotic perdón yu'un jmultic soc ya spocbotic loq'uel spisil bintic chopol, como stalel jun yo'tan soc toj yo'tan stuquel.

1 Juan 2:1

Cal-jnich'nab, hich ya jts'ihbabeyex scuenta yu'un ma ba yac alehix amulic a. Pero teme ay mach'a ya sta smul, ay mach'a ya xc'opoj cu'untic ta stojol te Tatil, ha te Jesucristo te toj yo'tan stuquel.

1 Juan 2:21

Ma ba ya jts'ihbabeyex yu'un te ma ba yac ana'ic te smelelil c'op, yu'un yac ana'ic, soc yu'un ma xloc' talel lot ta smelelil c'op.

1 Juan 2:7

Quermanotac, ma ba ya jts'ihbabeyex yach'il mandaril, ha nix te antiguo mandaril awa'iyejic ta shahchibal to. Te antiguo mandaril ini ha te c'op te ay nix awa'iyejic ta nahil to.