1 Juan 2:1 - Bible in Tzeltal Bachajón

¹ Cal-jnich'nab, hich ya jts'ihbabeyex scuenta yu'un ma ba yac alehix amulic a. Pero teme ay mach'a ya sta smul, ay mach'a ya xc'opoj cu'untic ta stojol te Tatil, ha te Jesucristo te toj yo'tan stuquel.

Nuevo Testamento Tzeltal de Amatenango

¹ Kuntikil, ya jtsꞌibabeyex te tutik to yuꞌun jich me makꞌ ya xmulawex a. Aunke teme ay machꞌa ya sle smul, ay jtul Machꞌa ya xkꞌopoj kuꞌuntik ta sit te Tatile, jaꞌ te Jesucristoe, te toj ay stukele.

Bible in Tzeltal de Oxchuc y Tenejapa

¹ Cal-jnich'nab, la jts'ibubeyex spisil in to swenta yu'un jich ma ba ya ale xan amulic. Ja'uc me to, teme ay mach'a ya sta smule, ay mach'a ya scoltayotic te ya xc'opoj cu'untic ta stojol te Tatile, ja' bi, ja' te Jesucristo te toj yo'tan stuquele.

1 Juan 2:1 ပူးပေါင်းရင်းမြစ်များ

Salmos 4:4

¡Nihcanic me soc ma xata amulic! Na'a me awa'iyic ta awo'tanic te c'alal ayex ta awayibic, soc ch'abanic. Selah

Ezequiel 3:21

Pero teme yac atsits te mach'a toj yo'tan scuenta yu'un ma ba ya sle smul, teme ma ba ya sle smule, ya me xcuxaj, como la yich' tsitsel, soc te ha'ate ya xcolat la libre, xchi.

Zacarías 9:9

¡Tse'eluc me awo'tan, yantsil-nich'anat Sión! ¡awonanic soc yutsil q'uinal, yantsil-nich'anat Jerusalén! Ilawil, ya xtal ta atojol te ajwalil awu'un, toj yo'tan soc ya xcoltaywan, peq'uel yo'tan, cajal ta burro, ta tut burro te ha yal me' burra.

San Lucas 10:22

Spisil te bintic ay, a'bibilon ta jc'ab yu'un te Jtate; soc mayuc mach'a ya sna'be sba te Nich'anil, ha nax te Tatile; soc mayuc mach'a ya sna'be sba te Tatil, ha nax te Nich'anil soc te mach'atic ya sc'an ya x'a'bot sna'beyic sba yu'un te Nich'anile, xchi.

San Juan 10:15

hich te bin ut'il ya sna'bon jba te Tatil soc te ya jna'be sba te Tatile; soc ya cac' jcuxlejal ta scuenta te tuminchijetique.

San Juan 13:33

Cal-jnich'nab, jts'ihn xanix te joquexe. Yac alehonic, pero hich te bin ut'il la jcalbe te judíohetic, ha nix hich ya calbeyex yo'tic: Te banti ya xbohon, ma xhu' ya xbahex tey a te ha'exe.

San Juan 14:16

Ho'on ya jc'ambe te Tatil, hich ya ya'beyex yan Joquinwanej awu'unic te sbahtel q'uinal ya sjoquinex,

San Juan 14:6

La yal te Jesús: Ho'on te behon, ho'on te smelelil-c'opon, soc ho'on te cuxlejalon; mayuc mach'a ya xtal ta stojol te Tatil teme ma ha'ucon ta jcuenta.

San Juan 21:5

Joc'obotic yu'un te Jesús: Jnich'nab, ¿ay bal jtebuc we'elil awu'unic? xchi. Mayuc, xchihic.

San Juan 5:14

Ta patil, te Jesús la sta ta Templo te winique, hich la yalbe: Ilawil, lecubatix ta chamel; ma me xalehix xan amul scuenta yu'un ma ba c'ax hich ya xc'ax xan awocol a, xchi sc'oblal.

San Juan 5:36

Pero ay bin ya yalbon jc'oblal te c'ax hich ay sc'oblal a te bin la yal te Juan: ha te a'teliletic a'bibilon yu'un te Tatil yu'un ya hu'tes, ha nix te a'teliletic te yacon ta spasel, ha ya yalbonic jc'oblal te sticonejon tal te Tatile.

San Juan 6:27

Ma me x'a'tejex yu'un te we'elil te ya xlaj, a'tejanic me yu'un te we'elil te ya yac' cuxlejal sbahtel q'uinal, ha te ya ya'beyex te Nich'anil ay ta scuenta winic, como la yac' ta ilel te Dios Tatil te ha lec yo'tan yu'un, xchi.

San Juan 8:11

La sjac' te ants: Mayuc, Cajwal, xchi. Ni ho'ucon ya cac'at ta castigo. Bahan, ma me xalehix yan amul, xchi te Jesús.]

Hechos 7:52

¿Ay bal jtuhluc jalwanej te ma ba la yich' uts'inel yu'un ame'atatic? La smilic te mach'atic nahil la yalbeyic sc'oblal te Mach'a toj yo'tan, te ha nix la awaq'uiquix ta c'abal soc la amiliquix,

Romanos 5:10

como te c'alal jcontrahinej jbahtic soc a te Diose, la yac' te cha'lecub xan yo'tan ta jtojoltic ta scuenta te laj te Snich'ane, c'ax to xan hich ya xcolotic ta scuenta te scuxlejal, te bin ut'il junix co'tan jbahtic soque.

Romanos 6:15

¿Bin ut'il ay a? ¿Ya bal jle xan jmultic te bin ut'il ma ba ayotiquix ta scuenta te Ley, te bin ut'il ayotiquix ta scuenta te yutsil-o'tanil? ¡Ban c'an hichuc!

Romanos 8:34

¿Mach'a c'an ya'be stoj smul? ha nix te Cristo te laj, soc xan ha cha'cuxaj, soc ayix ta swa'el-c'ab te Dios, te ha nix ya xc'opoj cu'untic.

1 Corintios 15:34

Cuxuluc me awo'tanic soc ma me xalehulan amulic, yu'un ay mach'atic ma ba ya sna'beyic sba te Diose. Scuenta aq'uexlalic te hich ya cal.

2 Corintios 5:21

Te mach'a mayuc smul, a'bot te ha mulil c'oht ta jcuentatic, scuenta yu'un toj ya yilotic Dios ta scuenta.

Gálatas 4:19

Cal-jnich'nabex, te yac ta c'axel xan jwocol yu'un yac calataybelex ha to c'alal ya xchicnaj te stalel Cristo ta awo'tanic,

Efesios 2:18

como ha ta scuenta te pajal ya xhu' ya x'ochotic ta stojol te Tatil ta scuenta junax Espíritu.

Efesios 4:26

Teme ya x'ilinex, ma me xata amulic yu'un; ma me yaleluc stibiltayel yaquex ta ilimba,

1 Timoteo 2:5

yu'un jtuhl nax Dios ay soc jtuhl nax te mach'a ya xc'opoj yu'un ants-winiquetic ta stojol te Diose, ha te winic Jesucristo,

1 Timoteo 3:14

Aunque sc'oblal ya xtal quilat ta ora, pero la jts'ihbabat ini

Hebreos 9:24

Como te Cristo ma ba och bahel ta ch'ul awilal pasbil ta c'abal, te ha seña te smelelil ch'ul awilal, tey nix och bahel ta ch'ulchan, yu'un ya stehc'an sba ta stojol Dios ta jcuentatic.

Santiago 1:27

Te sch'uhunel Dios te lec soc te mayuc bin chopol tey a ya yil te Jtatic Dios, ha te yula'tayel te me'ba' alaletic soc me'ba' antsetic te ay swocolic, soc te ya scanantay sba te ma xbohlobtesot yu'un te bahlumilale.

Santiago 3:9

Ha ya calbetic yutsil sc'oblal a te Jtatic Dios soc ha nix ya jbohlobtesbe sc'oblal a te ants-winiquetic te slop'tayej sba a te Diose.

1 Pedro 2:22

Mayuc la sle smul soc mayuc lotil c'op loc' ta ye.

1 Pedro 3:18

Como ha nix hich te Cristo jmehl nax laj ta scuenta mulil, ha laj te mach'a toj ta scuenta te mach'atic ma tojuquic, yu'un ya yiq'uex bahel ta stojol Dios. Ac'ot ta lajel ta sbaq'uetal, pero cuxaj ta scuenta espíritu,

1 Juan 3:18

Cal-jnich'nab, ma me ta c'opuc nax o ta sbahuc nax quetic ya caltic te c'ux ya ca'iy jbahtic, smeleliluc me te c'ux ya ca'iy jbahtic soc ac'a me chicnajuc ta ca'teltic.

1 Juan 3:5

Ana'ojic te ha xtaluc te Cristo yu'un ya sloq'uesbotic jmultic; ha mayuc smul stuquel.

1 Juan 3:7

Cal-jnich'nab, ma me ayuc mach'a ya slo'loyex; te mach'a ya spas te bin toj, ha toj yo'tan ta winiquil, hich te bin ut'il toj yo'tan stuquel te Jesucristo.

1 Juan 4:4

Cal-jnich'nab, yu'unex Dios te ha'exe soc atsalojiquix te lotil jalwanejetic, como te Mach'a ay ta awo'tanic c'ax hich yu'el a te bin ut'il te mach'a ay ta bahlumilal.

1 Juan 5:17

Ha mulil spisil te bintic ma tojuc ta pasel, pero ay mulil te ma ba scuenta lajel.

1 Juan 5:21

Cal-jnich'nab, tsahtaya me abahic yu'un te loc'ombahetique. Hichuc.

3 Juan 1:4

Mayuc yan te c'ax hich stse'elil co'tan yu'un a te ya ca'iy te st'unojic te smelelil c'op te cal-jnich'nabe.