1 Juan 1:3 - Bible in Tzeltal Bachajón

³ Te bin quilojcotic soc te ca'iyejcotic, ha ya calbeyexcotic sc'oblal, scuenta yu'un junuc co'tan jbahtic; soc junuc co'tan jbahtic soc te Tatil soc te Snich'an, ha te Jesucristo.

Nuevo Testamento Tzeltal de Amatenango

³ Ya kalbetikex te tut kilojtik y kaꞌiyejtike, yuꞌun te jaꞌexe junuk nax me ya xkꞌootik, jachik tutꞌil jun nax ayotik sok te Dios Tatile y sok te Xnichꞌane, jaꞌ te Jesucristoe.

Bible in Tzeltal de Oxchuc y Tenejapa

³ Ja' ya calbeyex awaiyic te bila quilojtic soc te bila caiyojtic stojole, swenta yu'un jich me jun nax ya xc'ootic ta jpisiltic, jich nix te bit'il jun nax ayotic soc te Dios Tatile soc uuc te Snich'ane, ja' te Jesucristoe.

1 Juan 1:3 ပူးပေါင်းရင်းမြစ်များ

Job 13:1

Spisil ini, ho'on nix quiloj ta jsit, soc la jca'iy ta jchiquin soc la jna'be scuentahil.

Salmos 2:7

Ya jpuc ta halel te bin yaloj ta mandar te Jehová: hich la yalbon: Ha'at jnich'anat; nax to nax ayinat cu'un.

Salmos 22:22

Ya me calbat abihil ta stojol te quermanotac, ya calbat yutsil ac'oblal ta yohlilic.

Isaías 66:19

Ya cac' jun seña ta yohlilic, soc te mach'atic cuxul hilic ya jticon bahel ta stojol te nacionetic: ha ta Tarsis, ta Put soc te Lud (te ya sna'ic yaq'uel t'ihmalte'), ta Tubal, ta Javán, soc ta ti'ti'mar te namal ayic te ma ba ya'iybeyejonic jc'oblal soc ma ba yilojic te cutsilale. Ya me spuquic ta halel te cutsilal ta stojol te nacionetique.

Números 10:32

Teme yac ajoquinotcotic bahele, te c'alal ayix ta jcuentacotic te bintic lec ya ya'botcotic te Jehová, ha nix ya ca'batcotic, xchi.

San Juan 17:11

Ma ba ya x'ayinonix ta bahlumilal, yan stuquelic ya to x'ayinic ta bahlumilal, yan te ho'on ya xbohon tey ta banti ayat. Jch'ul Tat, canantaya ta scuenta abihil, scuenta yu'un junax ya xc'ohtic a, hich te bin ut'il jun ayotic te ho'otique.

San Juan 17:21

scuenta yu'un junax ya xc'ohtic spisilic a; hich te bin ut'il jun ayotic, Jtat, ha'uc nix hich jun ya x'ayinic ta jtojoltic, scuenta yu'un hich me ya sch'uhunic te mach'atic ayic ta bahlumilal te ha'at la aticonon tale.

San Juan 17:25

Jtat te toj awo'tan, ma ba sna'beyejat aba te mach'atic ayic ta bahlumilal, pero ho'on ya jna'bat aba, soc te mach'atic li' ayic sna'ojiquix te ha'at la aticonon tale.

San Juan 17:3

Hich ay te cuxlejal sbahtel q'uinal: ha te ya sna'bat aba, te ha'at mero Diosat atuquel, soc te ya sna'be sba te Jesucristo te ticombil tal awu'une.

San Juan 19:35

Te mach'a la yil yac yalbel ta testigo-c'op, soc mero melel te bin ya yal ta testigo-c'op; sna'oj te melel bin ya yal, scuenta yu'un hich nix yac ach'uhunic a te ha'exe.

Hechos 13:32

Ha nix hichotcotic ya calbeyexcotic awa'iyic te lec yach'il c'op, ha te bin halbil ta jamal ta stojol te jme'jtatic,

Hechos 13:41

Ilawilic, ha'ex jlabanwanejex, xiwanic soc ch'ayanic ta q'uinal, yu'un ay bin ya jpas ta yorahil awu'unic te ma ba yac ach'uhunic, aunque ya xhalbotex awa'iyic, te xchihe, xchi te Pablo.

Hechos 2:42

La yo'tantayic snopel te p'ijubtesel yu'un te jpuc-c'opetic, soc la yo'tantayic te la sjoquin sbahic, soc ta xet'el te pan soc ta sc'oponel Dios.

Hechos 20:27

como ma ba la jmuc ta co'tan te la jcalbeyex spisil bintic schapoj te Diose.

Hechos 4:20

como ma xhu' ya quihquitaycotic yalel te bintic quilojcotic soc te bintic ca'iyejcotic, xchihic.

Romanos 15:27

Lec la ya'iyic te hich ya spasic, soc ay sbetic yu'unic, como teme pajal yich'ojic te jyanlumetic te bintic ay yu'un te judíohetic te bintic scuenta sch'uhlelic, ya sc'an te ya scoltayic a te bintic scuenta sbaq'uetalic.

1 Corintios 1:30

Ha nix ta scuenta Dios te jun ayex soc Cristo Jesús, te ha sp'ijil co'tantic c'oht yu'un Dios soc te ha ta scuenta te halbotic te toj ayotic, te ch'ultesbilotic soc te colemotic ta libre yu'une,

1 Corintios 1:9

Stalel jun yo'tan stuquel te Diose, te ha la yiq'uex scuenta yu'un jun awo'tanic ya xc'ohex soc te Snich'an, ha te Cajwaltic Jesucristo.

1 Corintios 15:1

Yo'tic, quermanotac, ya calbeyex xan te lec yach'il c'op te calbeyejexix awa'iyique, te awich'ojiquix soc te jun awo'tan ach'uhunejique.

2 Corintios 13:14

Ac'a sjoquinex ta apisilic te yutsil yo'tan te Cajwaltic Jesucristo, te sc'uxul yo'tan Dios, soc junuc awo'tanic soc te Ch'ul Espíritu. Hichuc.

Efesios 3:6

Te bin muquen ay, ha te bin ut'il ta scuenta te lec yach'il c'op te jyanlumetic pajal sjelol stat soc Israel, junax sbaq'uetal schebalic, soc pajal ya yich'ic te bin yaloj Dios ya yac' ta scuenta Cristo Jesús.

Filipenses 1:7

Ha lec te hich ya ca'iyex ta co'tan ta apisilic, yu'un ayex ta co'tan; yu'un teme ayon ta cárcel o teme ya xc'opojon yu'un te lec yach'il c'op soc te ya cac' ta na'el te ha melel, pajal quich'beyejtic yutsil yo'tan te Diose.

Filipenses 2:1

Ha yu'un teme ay yip awo'tanic ta scuenta Cristo, teme ay smuc'ul awo'tanic yu'un te sc'uxul yo'tan, teme jun pajal awo'tanic soc te Espíritu, teme ay yutsil sc'uxul awo'tanique,

Filipenses 3:10

Ha ya jc'an te ya jna'be xan sba te Cristo soc te ya ca'iybe yu'el te cha'cuxajel yu'un, soc te pajal ya xc'ax jwocol soc, te pajal quilel ya xlajon soc,

Colosenses 1:13

Ha la scoltayotiquix loq'uel ta yip te yihc'al q'uinal, la yic'otiquix ochel ta banti ay te cuentahinel yu'un te Snich'an te c'ux ta yo'tan,

1 Tesalonicenses 1:10

soc yac amahliyic te ya xtal ta ch'ulchan te Snich'an, te cha'cuxaj tal ta yohlil mach'atic chamenic, ha te Jesús, te mach'a ya yac'otic ta libre yu'un te ilimba talel yaque.

1 Timoteo 6:2

Te mach'atic ay yajwal te sch'uhunejic Dios, ma me peq'ueluc sc'oblal ya xc'oht yu'unic te bin ut'il yermano sbahic; lecuc xan ac'a yac' sbahic ta a'batinel yu'unic, como te mach'atic ay bin ya stahic yu'un te slequil ya'telic ha te mach'atic sch'uhunejic Dios soc te c'ux ta yo'tanique. Hich me xawac' ta nopel soc yac awa'iy tsitsaw.

Hebreos 2:12

hich la yal: Ya calbe abihil te quermanotac; ya jc'ayojtaybat awutsilal ta yohlil mach'atic stsoboj sbahic, xchi.

Hebreos 3:1

Ha yu'un, quermanotac te ch'ultesbilex, te pajal ic'bilotic yu'un Dios, na'a me te Jesús, te jpuc-c'op soc muc'ul sacerdote, te ya caltic ta jamal te ha jch'uhunejtic,

Hebreos 3:14

como jun c'ohemotic soc Cristo teme quich'ojtic c'alal ta slajibal c'ahc'al te smuc'ul co'tantic te ay cu'untic ta shahchibal.

1 Pedro 5:1

Ya calbe wocol te ancianohetic ay ta awohlilic, te pajal ayon ta ancianohil soc, te ha testigohon yu'un te c'ax swocol te Cristo, te ha nix hichon ya quich' te utsilal te ya xchicnaj tale:

2 Pedro 1:16

Te c'alal la jca'beyexcotic ana'ic bin ut'il ay sc'oblal te ya xtal te Cajwaltic Jesucristo soc bin ut'il ay sc'oblal te yu'el, ma ba jt'umbeyejcotic nopbil cuentohetic, ho'otcotic nix la jquilcotic ta jsitcotic te smuc'ul yutsilale.

1 Juan 1:1

Ya calbecotic sc'oblal te C'opil scuenta cuxlejal, ha te ay ta shahchibal, te la jca'iycotic, te quilojcotic ta jsitcotic, te la jna'becotic sba bin yilel, soc te la jtsac ta jc'abcotic.

1 Juan 1:5

Ha ini te bin la yal ca'iycotic te Jesucristo soc te ya calbeyexcotic awa'iyique: Ha sacal q'uinal te Diose, jc'axel mayuc yihc'al q'uinal ta scuenta stuquel.

1 Juan 1:7

Yan teme yacotic ta behel ta sacal q'uinal, hich te bin ut'il ay ta sacal q'uinal stuquel te Diose, talel c'axel jun co'tan jbahtic, soc ha ya spocbotic loq'uel spisil jmultic te sch'ich'el Jesús, te Snich'ane.