1 Juan 1:2 - Bible in Tzeltal Bachajón

² Chicnaj te cuxlejal soc la jquilcotic, ya calbecotic sc'oblal ta testigo-c'op soc ya calbeyex sc'oblal te cuxlejal te sbahtel q'uinal ay, te sjoquinej te Tatil soc te chicnaj ta jtojolcotic.

Nuevo Testamento Tzeltal de Amatenango

² Kꞌo chiknajuk te Jꞌakꞌkuxlejale, y joꞌotik a kiltik, y joꞌotik a kalbetik skꞌoplal. Jaꞌ ya kalbetikex skꞌoplal te Machꞌa ya yakꞌ te kuxlejal sbajtel kꞌinale, jaꞌ te jun nax ay sok te Tatile, sok te la yakꞌ sba ta ilel ta jtojoltike.

Bible in Tzeltal de Oxchuc y Tenejapa

² Ac'ot ta ilel te cuxinele. Te jo'on soc te jo'taque la quiltic. Ja' testigo c'oemon yu'un soc te jo'taque. Ja' ya calbeyex awaiyic sc'oplal te cuxinel sbajt'el q'uinale, te sjoinej sba soc te Tatil te chicnajix ta jtojoltique.

1 Juan 1:2 ပူးပေါင်းရင်းမြစ်များ

San Juan 1:18

Mayuc mach'a yiloj te Diose, pero te hip jtuhl Snich'an te jun ay soc te Tatil, ha la yac' ta na'beyel sba.

San Juan 1:4

Ay cuxlejal ta stojol, soc te cuxlejal ha nix te sacal q'uinal ta stojol ants-winiquetic.

San Juan 10:28

soc ho'on ya ca'be scuxlejalic sbahtel q'uinal, ma jaymehl ya xch'ayic, soc mayuc mach'a ya xhu' ya spojbonic ta jc'ab.

San Juan 14:6

La yal te Jesús: Ho'on te behon, ho'on te smelelil-c'opon, soc ho'on te cuxlejalon; mayuc mach'a ya xtal ta stojol te Tatil teme ma ha'ucon ta jcuenta.

San Juan 15:27

Ha nix hichex yac awalbonic jc'oblal, como ajoquinejonic c'alal ta shahchibal.

San Juan 16:28

Talemon ta stojol te Tatil soc hulemon ta bahlumilal; yo'tic ya quihquitayix hilel te bahlumilal, ya xbohonix ta stojol te Tatile, xchi.

San Juan 17:3

Hich ay te cuxlejal sbahtel q'uinal: ha te ya sna'bat aba, te ha'at mero Diosat atuquel, soc te ya sna'be sba te Jesucristo te ticombil tal awu'une.

San Juan 17:5

Yo'tic, Jtat, a'bon quich' xan cutsilal ta atojol, ha te utsilal ay cu'untic te c'alal ma to ayuc a te bahlumilale.

San Juan 19:35

Te mach'a la yil yac yalbel ta testigo-c'op, soc mero melel te bin ya yal ta testigo-c'op; sna'oj te melel bin ya yal, scuenta yu'un hich nix yac ach'uhunic a te ha'exe.

San Juan 21:14

Ha yoxebalix buelta a te la yac' sba ta ilel yu'un te jnopojeletic te c'alal cha'cuxajemix tal a.

San Juan 3:13

Mayuc mach'a mohem ta ch'ulchan, ha nax stuquel te mach'a cohem tal ta ch'ulchan, ha te Nich'anil ay ta scuenta winic.

San Juan 7:29

Pero ya jna'be sba te ho'one, como tey talemon a soc ha nix la sticonon tal, xchi.

San Juan 8:38

Te ho'one ya cal te bin quiloj ta stojol te Tatile, soc te ha'exe yac apasic te bin awa'iyejic ta stojol te tatil awu'unique, xchi.

Hechos 1:22

ha te c'alal hahch ta yaq'uel ich'-ha' te Juan ha to c'alal ic'ot mohel ta cohliltic, te pajal testigohotic soc yu'un te cha'cuxaj te Jesús, xchi.

Hechos 10:41

ma ha'uc yu'un spisil te pueblo, ha nax te testigohetic te nahil tsahbilic yu'un Dios, ho'otcotic te la joquincotic ta we'el ta uch'el te c'alal cha'cuxajemix tal ta yohlil mach'atic chamenic.

Hechos 2:32

Ha te Jesús te cha'cuxajtesot yu'un Dios, jpisilcotic testigohotic yu'un.

Hechos 3:15

la amilic te J'ac'-cuxlejal, pero Dios la scha'cuxajtes tal ta yohlil mach'atic chamenic, ho'otcotic testigohotcotic yu'un.

Hechos 5:32

Ho'otcotic testigohotcotic yu'un spisil te bin c'ohtix ta pasel, soc ha nix hich te Ch'ul Espíritu, te ha a'botic yu'un Dios te mach'atic ya sch'uhumbeyic smandar, xchihic.

Romanos 8:3

Como te bin ma ba hu' yu'un te Ley ta scaj te mayuc yip te ch'ich'-baq'uet, Dios la spas te bin ut'il la sticon tal te Snich'an te hich nix sbaq'uetal te bin ut'il te jmulawil baq'uet, soc ta scaj mulil, hich la yac' ta tojel te mulil ta baq'uet,

Gálatas 4:4

Pero te c'alal la sta yorahil, Dios la sticon tal te Snich'an, te alatayot yu'un ants soc cuentahinot yu'un te Ley,

1 Timoteo 3:16

C'ax muc' sc'oblal te bin muquen ay ta ch'uhunel te Diose, hich te bin ut'il ya yal: Ha chicnaj ta ch'ich'-baq'uet, ac'ot ta na'el yu'un te Espíritu te toj yo'tan, ilot yu'un te ch'ul a'batetic, halbot sc'oblal ta yohlil te jyanlumetic, ch'uhunot ta bahlumilal, ic'ot mohel ta utsilal.

2 Timoteo 1:10

pero ta ora ini ac'bilix ta na'el te bin ut'il chicnaj te Jcoltaywanej cu'untic, ha te Jesucristo, te ta scuenta te lec yach'il c'op la slajin te lajel soc la yac' ta sacal q'uinal te cuxlejal te ma xlaje.

Tito 1:2

te ha ya yac' smuc'ul co'tantic ta smahliyel te cuxlejal scuenta sbahtel q'uinal. Te Dios, te ma xya'iy lot, te c'alal ma to ayuc bintic ay a la yal ta jamal te ya me xchicnaj te cuxlejal ini,

1 Pedro 5:1

Ya calbe wocol te ancianohetic ay ta awohlilic, te pajal ayon ta ancianohil soc, te ha testigohon yu'un te c'ax swocol te Cristo, te ha nix hichon ya quich' te utsilal te ya xchicnaj tale:

1 Juan 1:1

Ya calbecotic sc'oblal te C'opil scuenta cuxlejal, ha te ay ta shahchibal, te la jca'iycotic, te quilojcotic ta jsitcotic, te la jna'becotic sba bin yilel, soc te la jtsac ta jc'abcotic.

1 Juan 2:25

Yaloj Dios te ya ya'botic cuxlejal sbahtel q'uinal.

1 Juan 3:5

Ana'ojic te ha xtaluc te Cristo yu'un ya sloq'uesbotic jmultic; ha mayuc smul stuquel.

1 Juan 3:8

Te mach'a ya'telinej spasel mulil, ha me yu'un pucuj stuquel, como te pucuj stalel la sle mulil ta shahchibal to tal. Ha scuentahil te chicnaj te Snich'an Dios, yu'un ya slajimbe ya'tel te pucuje.

1 Juan 4:14

Ho'otcotic quilojcotic soc ya calcotic ta testigo te Tatil la sticon tal te Nich'anil scuenta Jcoltaywanej yu'un te bahlumilale.

1 Juan 4:2

Hich ay ta na'el teme ha yu'un te Espíritu yu'un Dios: Spisil te mach'atic te jamal ya yalic te xtaluc soc sbaq'uetal te Jesucristo, ha me yu'un Dios stuquel.

1 Juan 5:11

Ha te testigo-c'op ini: Dios ya'beyejotic jcuxlejaltic sbahtel q'uinal, soc te cuxlejal ini ay ta scuenta te Snich'ane.

1 Juan 5:13

La jts'ihbabeyex ini, ha'ex te ach'uhunejic te sbihil te Snich'an Dios, scuenta yu'un yac ana'ic te ay acuxlejalic sbahtel q'uinal.

1 Juan 5:20

Jna'ojtic te xtaluquix te Snich'an Dios soc te la yac' jna'tic q'uinal yu'un ya jna'betic sba te mach'a smelelil; soc ayotic ta stojol te mach'a smelelil, ha te Jesucristo. Ha me te mero Dios soc ha me te cuxlejal scuenta sbahtel q'uinal.