1 Juan 1:1 - Bible in Tzeltal Bachajón

¹ Ya calbecotic sc'oblal te C'opil scuenta cuxlejal, ha te ay ta shahchibal, te la jca'iycotic, te quilojcotic ta jsitcotic, te la jna'becotic sba bin yilel, soc te la jtsac ta jc'abcotic.

Nuevo Testamento Tzeltal de Amatenango

¹ Te tut ya jtsꞌibabetikex a, jaꞌ skꞌoplal te Machꞌa ayix a desde slijkibale, te kaꞌiyejtik te skꞌope y te kilojtik ta sitike. Porke la kiltik y la jpiktik ta jkꞌabtik. Ja xyal te Machꞌa Kꞌop yuꞌun te Kuxlejale.

Bible in Tzeltal de Oxchuc y Tenejapa

¹ Ya calbeyex sc'oplal te mach'a stalel ay ta xjajch'ibale. La caiybeytic stojol te sc'ope soc la quiltic ta jsitique, melel la jna'beytic sba te bi yilele soc la jpictic ta jc'abtic te C'opil te ay cuxinel ta swentae.

1 Juan 1:1 ပူးပေါင်းရင်းမြစ်များ

Isaías 41:4

¿Mach'a la spas ini, mach'a la sc'ohtes ta pasel? ¿Mach'a ya yic'ticlan tal jujucaj ts'umbalil c'alal ta shahchibal? Ho'on Jehovahon, shahchibalon, soc ho'on nix ya joquin te mach'atic slajibal ayic.

Miqueas 5:2

Pero ha'at, Belén Efrata, aunque tut ayat ta yohlil te mach'atic yu'un Judá, ya xloc' tal ta atojol te mach'a ajwalil ya xc'oht yu'un Israel; nameyix te shahchibal, c'ax bayel ha'bil.

San Lucas 1:2

hich te bin ut'il la ya'botic jnoptic te mach'atic ta shahchibal to la yil ta sitic te bintic c'oht ta pasel soc te a'tejic ta yalel te c'ope.

San Lucas 24:39

Ilbon awilic jc'ab soc coc, te ho'on nix. Picawon awa'iyic, ilawonic; como te yesomba mayuc sbaq'uetal soc mayuc sbaquel, yan te ho'one ay cu'un hich te bin ut'il yac awilonic, xchi.

San Juan 19:35

Te mach'a la yil yac yalbel ta testigo-c'op, soc mero melel te bin ya yal ta testigo-c'op; sna'oj te melel bin ya yal, scuenta yu'un hich nix yac ach'uhunic a te ha'exe.

San Juan 20:27

Soc la yalbe te Tomás: Ac'a tal yal ac'ab, ilbon awil te jc'abe. Ac'a tal ac'ab, otsesa ta jmochbaquel; ma me yu'unuc ma xach'uhun, ch'uhuna me, xchi sc'oblal.

San Juan 5:26

Como hich te bin ut'il ay scuxlejal ta stuquel te Tatil, ha nix hich ya'beyej te ay scuxlejal ta stuquel te Nich'anil.

San Juan 8:58

Halbotic yu'un te Jesús: Tulan sc'oblal ya calbeyex, te c'alal ma to ayuc a te Abraham, jtalel ayon te ho'one, xchi.

Hechos 1:3

C'alal c'axemix swocol a, ta scuxlejal la yac' sba ta ilel ta stojolic soc bayel pruebahetic te jamal la yac' ta ilel te cuxule. Cha'winic (40) c'ahc'al la yac' sba ta ilel yu'unic soc la yalbe ya'iyic sc'oblal te cuentahinel yu'un Dios.

Hechos 4:20

como ma xhu' ya quihquitaycotic yalel te bintic quilojcotic soc te bintic ca'iyejcotic, xchihic.

Hebreos 2:3

¿bin ut'il c'an ahnucotic loq'uel teme ma ba ya quich'tic ta cuenta te muc'ul colele? Te colel ini, te nahil halbot sc'oblal yu'un te Cajwaltic, la yalbotic te melel te mach'atic la ya'iyic,

1 Juan 4:14

Ho'otcotic quilojcotic soc ya calcotic ta testigo te Tatil la sticon tal te Nich'anil scuenta Jcoltaywanej yu'un te bahlumilale.

1 Juan 5:7

Como ay oxeb te ya yalic ta testigo:

Apocalipsis 1:11

te hich la yal: Ho'on te Alfa soc te Omega, te shahchibalon soc te slajibalon. Ts'ihbaya ta hun te bin yac awil soc ticona bahel ta stojol te huqueb iglesiahetic: ha te Éfeso, Esmirna, Pérgamo, Tiatira, Sardis, Filadelfia, soc te Laodicea, xchi la jca'iy.

Apocalipsis 1:8

Ho'on te Alfa soc te Omega, te shahchibal soc te slajibal, xchi te Cajwaltic Dios, te mach'a ay ta ora ini, ta namey soc te ya xtale, ha te Dios te spisil ya xhu' yu'une.

Apocalipsis 19:13

Slapoj smuc'ul-c'u' te mulbil ta ch'ich'; ha Sc'op Dios te sbihile.

Apocalipsis 2:8

Ts'ihbabeya te ch'ul a'bat yu'un te iglesia ta Esmirna: Hich ya yal te Mach'a ha shahchibal soc slajibal, te laj soc te cha'cuxaj tal: