ZEFANYA 3:7 - Susula Malalaok Hehelu Palak Ma Hehelu Beuk

⁷ Au dodoo ae, ‘Tao leo bee-o, besak ia, Au anang-ngala fe ha'da-holomata neu Au, ma ala taoafik neu Au hala nabengang lala'en-na. Tao leo bee-o, lafandele, Au fes nanolik-kala.’ Te se'kona ala boetai tao tatao-nono'i mangalauk seluk, lena heni makahulun-na.

ZEFANYA 3:7 ပူးပေါင်းရင်းမြစ်များ

KEJADIAN 6:12

Manetualain mete daebafak ndia, de nita ka'da tatao-nono'i mangalauk-ka mesak-kana, nana basa hataholi daebafak-ka maso'dan-nala mangalauk-ka.

2TAWARIKH 33:11

Hu ndia de Manetualain nadenu basa Asyur malanga solda'du matuaina-nala fo leu sapu-la Yehuda. Ala ho'u-la Manasye nenik ai kakaik, boema ala langen, de ala foo lenin leo Babel neu.

AYUB 36:10

Manetualain nadenus, fo lamanene Ndia hala nasanene'dan-na, ma ala tu'u-tapa heni, sila tatao-nono'i mangalaun-na.

MAZMUR 32:8

Manetualain nae, “Neukose Au atu'du o enok fo, o muse la'ok tungan, neukose Au hela-nole o, ma Au anoli-afa'da o.

AMSAL 19:20

Metema, o nau manoli ma mamanene nanoli-nafa'dak soona, neu fai makabuin te, o da'di hataholi manatee-tenok.

YESAYA 5:4

Au muse tao seluk beek bai, tehu Au beita taon soaneu Au osi angol ndia fa. Tao le'e de, naboa boa makeis, te ta boa malole, sama leo Au amahenak-ka fa?

YESAYA 63:8

Manetualain nafa'da nae, “Te'e-te'e, sila nde been-na, Au anang, anak fo, ala ta tao-la Au daleng-nga ba'ihana fa.” Boema, Ana da'di sila Manasoi-manatefan,

YEREMIA 17:23

Tehu emi bei ba'i-kaim ta nau lamanene do tao afik neu hata fo Au afa'dak fa. Sila lalanga batu, ma ta nau tunga paleta do nafa'da fas.

YEREMIA 25:5

Ala ladenu emi la'o ela emi ha'da-tataom fo mangalauk-ka, ma emi tatao-nono'im fo masala-masingok-ka, fo ela emi hapu leo mahele nai nusak fo nanafek neme Manetualain neu emi bei-ba'i kai manamatem-mala ma neu emi da'di leo hata pusaka.

YEREMIA 36:3

Fafa'kama hataholi Yehuda-la neukose ala tao hahae mangalauk, metema ala lamanene la'eneu basa susa-soe fo neukose Au tuni-ndeni neu sila. Soona neukose Au fe do'o do ampong neu sila salan-nala, ma mangalaun-nala.”

YEREMIA 38:17

Boema au afa'da neu Zedekia ae Manetualain Fo Manakoasa, Manetualain fo nanasene-do'ok neme hataholi Israel-lala nafa'da nae leo ia, “Metema o sene-do'ok neu manek Babel-la mauli-malangan-nala soona, neukose o nanatao nisa tak, ma neukose kota ia boeo nanahotu-heni tak. O mo o uma isim-mala boeo neukose maso'da.

YEREMIA 6:8

Hei laun Yerusalem-mala lemin, tunga ndoon-na, basa toto'a-tataak sila-la, ala da'di nasanene'dak esa neu o! Boso nalosak Au la'oela emi, ma Au tao asafali emi kotam-ma, da'di moo solokaek, fo hataholi ta leo fan.”

YEREMIA 7:7

Metema emi tuka emi so'dam-ma eno-dalan, ma emi ha'da-tataom, boema hahae tao basa sila-la soona, neukose Au fe emi loak, leo mahele nai nusak ia, nusak fo Au fen neu emi bei-ba'i kaim-mala, da'di leo dae pusaka.

YEREMIA 8:6

Au amanene matalolole so, tehu emi ta nau kokolak tunga ndoo-na fa. Ta hapu hataholi esa boen, nai emi dalek, nasasale dale neu tatao-nono'i mangalaun-na fa. Ta hapu esa boen, fo nafa'da nae, ‘Au sala beek?’ Emi basa-basam-mala, tunga emi eno mesam-ma, sama leo ndala, ana sapu leo natee-natatik dale neu.

HOSEA 9:9

Emi tatao-nono'im, mangalaun-na seli, sama leo hataholi manai Gibea-la tao hain so. Neukose Manetualain nafandele emi sala-singom, ma neukose Ana huku emi, nanahu emi sala-singom-mala.

ZEFANYA 3:2

Soe ba'eneu kota, fo ana ta nau sipo Manetualain hala nasanene'dan-na fa, ma boeo ana ta taoafik neu Manetualain hala nabengan-na, ma ana ta nau fe so'dan-na neu Manetualain, ma ta noke tutulu-fafalik neu fan!

ULANGAN 4:16

Da'di, manea leona, fo ela boso nalosak emi masala-masingo, nanahu emi tao dodoki-dudulak fo emi sene-do'ok neun. Dodoki-dudulak ndia lupan-na su'di leo beek boe, sama leo touk do inak,

1 TIMOTIUS 1:5

Au nanoli-nafa'dang ndia, tetee-tutu'dan nde, ela leo bee na, hataholi a dale na balisi ma dale nakababale na malalaok, boema namahele te'e-te'e neu Lamatua ka, fo no enok ndia, ala hapu lasue-lalai ao.

2 PETRUS 3:9

Amak Manetualain ta nakamama'ak fe hata fo Ana helu basa ka fa, leomae hataholi nggelok laedaenga leondiak. Dede'a nasafali na, Ana ta hae lai namanasa emi fa nana, Ana ta nau mate-mopo emi esa boen. Ana nau fo ela basa hataholi lala'ena, ala tuka tei-sale dale bee no'u leme sala-singo nala mai.