ZEFANYA 3:5 - Susula Malalaok Hehelu Palak Ma Hehelu Beuk

⁵ Tehu Manetualain bei nai kota ndia. Ana tao hata ndoos-sa tataas esa, ma Ana beita tao hata masalak fa. Tunga-tunga fafain-na, tao leo bee-o, Ana fe ndoos ma matetuk-ka neu anan-nala. Tehu hataholi fo ta nalelak eno ndoos ma matetuk manai kota ndia fa, ana tao nahele tatao-nono'i mangalauk-ka, no ta nalelak bibii-mamaek fa.

ZEFANYA 3:5 ပူးပေါင်းရင်းမြစ်များ

KEJADIAN 18:25

Boso taomisa hataholi sala taak sila-la, sama-sama loo hataholi masalak-kala. Bosok Manetualain! Nana, metema Manetualain taon soona, tao leo bee-o, neukose hataholi sala taak-kala, nanahukuk sama-sama loo hataholi masalak-kala. Hapu nai bee, manakee-manafula lalai ma daebafak-ka, ho'i nakeketuk fo ta ndoos ma matetuk fa!”

AYUB 34:10

Hai hataholi manatee-tenok-kala lemin, mamanene leona! Te masa bole, Manetualain Fo Manakoasa ana tao salak?

AYUB 7:18

Tunga-tunga fafain-na, O palisak besa-besa moon, ma O folan tunga faik.

AYUB 8:3

Beita la'i esa fo, Manetualain tao peko-pakik, ndoos ma matetuk-ka fa; beita la'i esa fo napadedeik natetetu ndoos-sa, fo ta da'di fa.

MAZMUR 145:17

Manetualain ndoos ma matetuk nai tatao-nono'in-na dalek, ma henuk no susue-lalaik nai tatao-nono'in lala'ena dalek.

MAZMUR 37:6

Neukose, Ana nafa'da o lilinekam sama leo mangale'dok-ka, ma o dale ndoom-ma, sama leo fai lele'don-na.

MAZMUR 92:15

ai fo bei naboa nai tepo lelek namalasi, doon-na momo'dok nahele.

YESAYA 12:6

Hai, laun Sion-nala lemin! Eeki-matadale leona, makamee no namahokok. Israel Manetualain malalao-malalafun-na, tete'ek-ka mandela-masa'ak, Ana leo nai emi tala'daheom.”

YESAYA 28:19

Neukose soe-a, tuni-ndeni emi tataas esa, de emi muse lu'a-lepan tunga faik, fafaik, le'dohanak ma le'odaek. Metema emi malelak Manetualain hala hehelun-na soona, neukose emi bii-namata'u.

YESAYA 33:2

Ou Manetualain, sue-lai ami. O nde, ami mamahenak-ka. Masulu-mahapa ami, neme faik leo faik neu, ma soi-tefa-mala ami, nai lelek, ami nai makase'ek-ka dalek.

YESAYA 45:21

Kalaak o dede'am-ma, ma fe buti, hei, nemen-na fo, lakokolaok sama-sama. See kande, manatui-benga dede'ak ndia ma nafa'dan neme makahulun-na mai? Ade, ta nde Au fo, Manetualain fa do? Ta hapu lamatua daebafak fe'ek fa, ka'da Au mesang-nga Au nde Manetualain, fo ndoos ma matetuk, ma Manasoi-tefa, ta hapu fe'ek fa, ta'da fe'e Au!

YESAYA 50:4

Manetualain Fo Mademaina, nanoli au kokolak, fo ela au hala-kokolang natetea-nahehele hataholi manasota-manguk-ka. Tunga-tunga fafain-na, Ana fafae nafo'a au dale hihiing-nga soaneu au amanene, nanolin ba'eneu au-a.

YEREMIA 3:3

Hu ndia de, oe ta mai neme lalai mai, ma nai fai sele-nggalik-ka, u'dan-na ta mai fa. O hihii mae, sama leo ina mana sosoa-piaok-ka, ma bibii-mamae tak.

YEREMIA 6:15

Tunga ndoon-na, ala mae, nanahu ala tao basa, dede'a nananakamumulu-nakamamaek ndia so. Tehu lakapapalu lou, ma bibii-mamae tak-kala. Hu ndia de, neukose ala tu'da, sama leo hataholi fe'ek-kala boe; metema Au hukus soona, mopo dipon-nala. Au, fo Manetualain nde manakokolak-ka.”

YEREMIA 8:12

Hai Au anang-ngala lemin, tunga ndoon-na, emi muse mae, nanahu emi tao basa hata fo, nananakamumulu-nakamamaek ndia so! Tehu emi makapapalulou, ma bibii-mamae tak-kala. Hu ndia de, neukose emi tu'u meu, sama leo hataholi fe'ek fo, manatu'u basak-kala so; metema Au huku emi soona, mopo emi dipom-ma.

RATAPAN 3:23

beuk tataa esa tunga-tunga fafain-na tete'ek-ka, Manetualain manalilinekak nanseli!

YESKIAL 18:25

Fafa'kama, nggelok lafa'da lae leo ia, ‘Manetualain tatao-nono'in ndia, salan.’ Mamanene leon, hai hataholi Israel-la lemin! Ade, Au tatao-nono'ing ndia, salan do? Emi nde sala dei.

YESKIAL 48:35

Basa papala nanadamak ndia lala'en-na, nanalun-na kilo sio. De mulai hatematak ia, hataholi-la foi kota ndia na'de: “Manetualain NAI NDIA!”

HOSEA 14:9

Hataholi Israel-la neukose tu'u-tapa heni dodoki-dudula sosongon-na, Au akabobois ma Au sipok huhule-haladoin-nala. Sama leo ai fo doon-na makadotok tataas esa, Neukose Au asulu-ahapas. Au nde ai huuk neme sila baba'e-papalan lala'en-na. Au, Manetualain nde manakokolak-ka.”

HOSEA 6:5

Hu ndia de, Au adenu Au nabing-ngala, fo landuku-lalosak Au nakeketung-nga neu emi, nae emi muse nanahukuk, ma nanatao namopo-namatek. Fo Au ahiik neme emi mai-a, mangale'dok so:

MIKHA 3:11

Manakoasa kota-la paleta soaneu ala hapu doi sosolok, imam-mala lanoli Manetualain hoholo-lalanen soaneu hapu ngga'di, ma nabi-la loke natutu'duk neme Manetualain mai fo hapu doik – boema sila basa-basas lae daenga Manetualain nok sila. Lafa'da lae, “Manetualain nai ita tala'da heon; neukose susa-soe ta tuni-ndeni la'e ita fa.”

MIKHA 7:9

Ita tasala-tasingo basa neu Manetualain so, hu ndia de besak ia, ita muse tame'da tita nasa-melun. Tehu ta dook-ka so'on, te neukose nasala'e ita, ma Ana fe ndoos ma matetuk-ka neu ita. Neukose no ita kalua leo mangale'dok-ka teu; neukose ita tame'dan tae, Ana soi-tefa-na ita.

HABAKUK 1:3

Tao le'e de, O po'ilotak au mete tatao-nono'i mangalauk makadotok leondiak-ka? Masa bole, O makatatakak mete la'o lenak, makadotok leondiak-ka? Nai mamanak lala'en-na, hapu nakalulutuk ma naseti-nalakak, nahotek, ma nale'a-napilik.

ZEFANYA 2:1

Hai leoina fo bibii-mamae tak-kala lemin, mame'dak leona,

ZEFANYA 3:13

Hataholi Israel fo bei elak-kala, neukose ala ta tao mangalauk seluk neu su'di see-a so'on; neukose ta lasapepeko-lasandandali so'on, ma ala ta tipu-dai boen. Neukose tetu-temak, ma so'da la'dak, boema ta lame'da bibii-namata'uk neu su'di see fa.”

ZEFANYA 3:15

Nana, Manetualain Ana hahae huku emi. Ana usi heni basa emi musum-mala lala'en-na so, Mane Israel, fo emi Manetualaim-ma, nananasulu-nahapa emi. Besak ia, ta paluu emi mame'da bibii-namata'uk so'on.

ZEFANYA 3:17

Emi Manetualaim-ma fo mabe'i-balakaik-ka, nananasulu-nahapak emi. Emi sengi nanahu koasan-na. Manetualain namahoko ma setelee, nanahu emi, Nai susue-lalain-na dalek, Ana fe emi so'da beuk. Hu ka nde emi, de nakamee no namahokok

ZAKHARIA 2:5

Manetualain naheluk basa nae, neukose Ndia nde da'di papala nanadamak ha'i okofefeo kota ndia, fo nasulu-nahapan, ma neukose Ana leo nai naa, nai koasa ma matua-mademan lala'en-na dalek.”

ZAKHARIA 9:9

Hai laun Sion-nala lemin, mamahoko-setelee leon! Hai laun Yerusalem-mala lemin, eeki-matadale leon! Mete leon! Emi Manem-ma, ana mai no matua-mademan! Ndia manek fo manatao tunga ndoo-matetun-na, fo maneni so'da-molek-ka. Tehu henuk no dale taidaek, ana losa ana sa'e keledei, keledei ana esa.

LUKAS 12:2

Ta hapu hata fo nananafuni ka, neukose ta nananitak, ma ta hapu hata fo nanabibila-babaa ka, neukose ta nanaofek fa.

ROMA 2:5

Tehu emi langa batu ma emi ta nau oebeu dale mala fa. Hu ndia de, emi nde tao mambela seluk emi huhuku ma nai Fai Mate'e ka, metema Manetualain natu'du nasa-melun fo naketu-nala'di tunga matetu na.

ROMA 3:26

Tehu besak ia, Ana ta tao mangana'uk neu sala-singo ka fo natu'du ndo matetu na. No enok ndia, natu'du ndo matetu na; ma hataholi fo namahele neu Yesu sa nananafa'dak da'dileo hataholi fo ana malole falik no Manetualain so.

1 KORINTUS 4:5

Hu ndia de, hu ka nde beita la'e fai na fa, de boso no lai-laik emi maketu mae hataholi esa nasala do ta. Mahani losa Lamatua ka fali ma'in dei. Ndia nde neukose buka basa bibila-babaak fo nananafunik nai makahatu ka dalek. Ndia nde neukose ofeheni basa dale tutu'uk fo manaenek nai hataholi daebafa ka dalen dale. Neu lelek ndia soona, besa ka hataholi a esa-esak ana sipo kokoa-kikiok fo nandaa ana sipon neme Manetualain mai.

ULANGAN 23:14

Emi Manetualaim-ma, sama-sama no emi nai uma ofu dale, fo Ana nasulu-nahapa emi, ma Ana fe emi sengi, emi musum-mala. Hu ndia de, manea emi uma ofum-ma fo ela balisi nahele. Boso hapu hata esa, ta kandaak nai emi dalek boen, fo ela Manetualain boso la'oela emi.”

ULANGAN 32:4

Emi manamasala'em-ma nde, Manetualain fo palani tatibatu, ue-le'din matetu-mandaak, ma basa enon-na ndoos ma matetuk. Emi Manetualaim-ma manalilinekak, ma ta masapepeko-masandandalik fa, Ana tao hata fo malole ma la'en.

1 PETRUS 1:17

Emi maloo Manetualain ndia mae Amak, nai lelek fo emi hule-haladoi neun. Na, Manetualain ndia nde naketu-nala'di hataholi daebafa ka, nandaa no esa-esak tatao-nono'in, nana Manetualain ta metematak fa. Hu ndia de, nai lelek fo emi bei maso'da nai daebafak ia, ela leo bee na, emi mamatutua-mamadedema Manetualain, nai emi maso'da ma dalek.