ZEFANYA 3:4 - Susula Malalaok Hehelu Palak Ma Hehelu Beuk

⁴ Nabin-nala, ta taoafik neu bela-ba'un-nala no malole, ma ta lamahele fas; basa imam-mala, tao langgenggeo hata fo nanafe hehelik neu Manetualain ma ala puputa-papaik Manetualain hoholo-lalanen-nala, fo ala hapu nanalak.

ZEFANYA 3:4 ပူးပေါင်းရင်းမြစ်များ

YESAYA 9:15

Nusak ndia mauli-malangan-nala, ala tao latofa-latalak ma tao tasi'bu laun-na.

YEREMIA 23:32

Au, Manetualain, neukose la'ban nabi sila-la fo nde landuku-lalosak sila me'i-afen-nala fo uk no masapepeko-masandandalik. Ala lakatutu'dak Au anang-ngala nenik masapepeko-masandandalik ma nenik sila bafa loun-nala. Au ta adenu nabi sila-la fa. Sila sosoa-ndandaan tak makandondook soaneu Au anang-ngala. Au, Manetualain, fo manakokolak-ka.”

YEREMIA 5:31

nabi-la, lasapepeko-lasandandali, imam-mala, lalalau-laoono tunga sila dale hihii mesan-na, ma emi, fo Au anang-ngala, hii dede'ak ndia. Tehu metema, fai mate'ek-ka ana losa soona, neukose emi tao hata?”

YEREMIA 8:10

Hu ndia de, neukose Au fe sila tinan-nala leo dae lamatua fe'ek neu, ma Au fe sila saoinan nala, leo hataholi fe'ek neu. Sila basa-basas, ana-matua, sanga nanalak nenik eno peko-pakik. Lena-lenak nabi-la ma imam-imam-mala boeo, ke'di-ndiu hataholi.

RATAPAN 2:14

Hata fo nabi-la landuku-lalosak-kana neu o, ka'da ke'di-ndiuk ma pepekok mesa-mesan. Beita la'iesa fo ala buka o sala-singom fa, nalosa hu kande ndia de, o ta tukatei-saledale fa. Nasafalin-na, ka'da ala tui-benga fe emi dede'a-kokola pepekok mamina-makeek.

YESKIAL 22:26

Basa imam Israel-la, ala la'olena Au hoholo-lalaneng, ma ala tao langgenggeo bua-lo'as fo nanafe hehelik soaneu Au. Ala ta mete kofe'ek, hata beek-kande nanakena-ka'ik ma hata beek-kande ta nanakena-ka'ik fa. Boeo, ala ta lanoli laun-na, fo ala mete kofe'ek, beek kande balisi, ma beek kande manggenggeok, tunga agama nakaneneten-nala. Ala ta taoafik neu fai Sabat-ta fa. No enok ndia de, leoina Israel-la, nakamumulu-nakamamaek Au.

YESKIAL 22:6

Basa mauli-malangan Israel-la, lamahena be'i-balakain-nala, de ala tao tatao-nono'ikanisak.

YESKIAL 44:23

Basa imam-mala, muse lanoli Au anang-ngala, soaneu ala bisa mete lalelak, beek-kande nanafe hehelik neu Au, ma beek-kande ta, beek-kande balisi, tunga agama, ma beek-kande manggenggeok.

HOSEA 9:7

Fai huhukuk ka losa so, faik soaneu sipo babalak neu basa tatao-nono'ik lala'en-na. Neukose Israel name'dan. Emi mafa'da mae, “Nabi ia nggoak! Namulu so!” Emi mafa'da mae leondia, nanahu emi ta mahiik au nanseli fa, ma emi sala-singom ba'un-na seli.

MIKHA 2:11

Emi mahiik nabi fo ana nau nasapepeko-nasandandali ma tipu-dai, boema ana bubuluk hata fo neukose ana da'di nae, neukose emi manuu angol ma ala-lalu sasi kao-kao.”

MIKHA 3:11

Manakoasa kota-la paleta soaneu ala hapu doi sosolok, imam-mala lanoli Manetualain hoholo-lalanen soaneu hapu ngga'di, ma nabi-la loke natutu'duk neme Manetualain mai fo hapu doik – boema sila basa-basas lae daenga Manetualain nok sila. Lafa'da lae, “Manetualain nai ita tala'da heon; neukose susa-soe ta tuni-ndeni la'e ita fa.”

MALEAKHI 1:6

Manetualain Fo Manakoasa, nafa'da basa imam-mala nae, “Ni'iana esa, ana fe ha'da-holomata neu aman, ma malalau-maoono esa, ana fe ha'da-holomata neu ndia tuan-na. Au ia, emi Amam; tao le'e de, emi ta fe ha'da-holomata neu Au fa? Au ia, emi malangam-ma; tao le'e de, emi ta bii-mamata'u neu Au fa? Emi makamumulu-makamamaek Au, tehu emi matane mae, ‘No enok leo bee ka, ami makamumulu-makamamaek O?’

MALEAKHI 2:7

Memak basa imam mala bela-ba'un nde, soaneu lanoli hata ndoos-sa la'eneu Au, Manetualain fo Mademaina. Laun-na muse latane sila, Au hihii-nanaung leobeek, nanahu Au hataholi nadedenung-ngala nde sila.

MALEAKHI 2:8

Tehu besak ia, emi fo imam-imam mala lemin, emi la'ok sala neme eno ndoos-sa mai so. Emi nanolim-mala, lele'a-loloso neni hataholi makadotok, fo ala tao salak. Emi tao malutu hehelu-balataak fo Au taon no emi-a so.

MATEOS 7:15

“Masanene'dak neu nabi pepeko kala, te lasale mai soona sama leo bi'ilopo a, te see ko na dale nala sama leo busa fui makaa mangalau ka.

2 KORINTUS 11:13

Hataholi leo sila kala nde bee na, hataholi nadedenu pepekok. Sila manaso'u belak manatipu-dai hataholi mata memete na ninik ala tao aoina nala nalupa leo Kristus hataholi nadedenu nala.

1 YOHANIS 4:1

Tolano susue-lalai ngala lemin! Boso mamahele basa hataholi fo ala manaku lae, sila lanuu Manetualain Dula Dale na so, tehu so'ba su'dik, ade sila dula dalen ndia, tete'e ka Manetualain Dula Dalen ndia do ta. Nana besak ia, nabi pepekok makadotok lafeomeok lai basa mamanak lala'ena so.

NINITAK 19:20

Boema ala ho'u la bana ndia no nabi pepekok fo manatao mada'di beuk manai bana ndia mata na. (No manda'di beuk sila la, de bana ndia ke'dindiu na hataholi manamanuu bana ndia ta'du tana na, ma hataholi fo manasene-do'ok neu bana ndia lupa ao nana doki-dula na.) Boema ala tapa bana ndia ma nabi pepekok sila la no maso'dak leo tasi ha'ik fo manapila lo'a-lo'a ka dalek neu.

HAKIM-HAKIM 9:4

Basa boema, ala ho'i-la doi fulak hituhulu, neme uma sosongok Baal-Berit-ta mai, de ala fen leo Abimelekh neu. Boema, Abimelekh se'ba hataholi malela ha'da tak bubuak esa, nenik doik sila, fo daenga lakabubua lon,

SEMUEL SUSULAK-KA ESAN-NA 2:22

Eli namalasi nanseli so. Namanene hataholi-la kalaak do'e-do'e, la'eneu anan-nala ha'da-paliin neu hataholi Israel-la. Eli boeo bubuluk, anan sila-la sungu loo inak malalau-maoono nai Manetualain Lalaa Teman-na lelesu bafan-na.