ZEFANYA 3:2 - Susula Malalaok Hehelu Palak Ma Hehelu Beuk

² Soe ba'eneu kota, fo ana ta nau sipo Manetualain hala nasanene'dan-na fa, ma boeo ana ta taoafik neu Manetualain hala nabengan-na, ma ana ta nau fe so'dan-na neu Manetualain, ma ta noke tutulu-fafalik neu fan!

ZEFANYA 3:2 ပူးပေါင်းရင်းမြစ်များ

NEHEMIA 9:26

Tehu O anam-mala lalenalanga-lasa'basoo, ma ala ta tunga O fa, ala ta taoafik neu O hoholo-lalanem ma O nakanenetem-ma fa, ala taolisa nabi-nabi fo manafes nasanene'dak-ka, ma manamadenu fo ala fali ma'is leo O mai, fo sila Manetualain-na. Ou Manetualain, nai lelek lakamumulu-lakamamaek O,

MAZMUR 10:4

Hataholi masala-masingok-ka, ta taoafik neu Manetualain fa, nanahu koao-ndaeaon, de ana dudu'a-dodoo nae, Manetualain ta.

MAZMUR 50:17

Nana o ta nau sipok Au hala kekena-kaka'ing-nga fa, ma o tipa Au paletang-ngala.

MAZMUR 73:28

Tehu ba'eneu au soona, malole-na seli, au nai Manetualain boboan-na, Au tao Manetualain, da'di au mamana nasulu-nahapang, fo ela au hapu tui-benga tatao-nono'in lala'ena.

MAZMUR 78:22

nana, ala ta lamahele neu Manetualain, ma neu koasan fo manasoi-tefan-nala fas.

AMSAL 1:7

Soaneu hapu malelak-ka huun-na, makasososan-na hataholi-a muse nanuu dudu'a-aafi ha'da-holomata ma bibii-namata'uk neu Manetualain. Hataholi nggoak-ka, ana ta taoafik neu manatee-tenok-ka, ma ana tanau nanoli fan.

AMSAL 5:12

Boema, neukose o mafa'da mae, “Ah, tao le'e de, au ta hii nanoli-nafa'dak fa? Tao le'e de, au tan au hataholi nasanggai au fa?

YESAYA 1:5

Tao le'e de, emi ka'da mase'i makandoo? Ade emi nau huku emi belak-ka seluk bai do? Emi langam-ma bisu-bisu mesan so, emi dalem-ma, ma emi dudu'a-aafim he'dis.

YESAYA 29:13

Manetualain nafa'da nae, “Hataholi sila-la, sene-do'ok neu Au, ka'da nenik hala-kokolak, tehu dalen-nala dook-ka neme Au mai. Sila agaman-na, ka'da nakanenetek hataholi daebafak, fo nanalees ta pake mete susulak fa.

YESAYA 31:1

Soe ba'eneu hataholi fo, neu noke tutulu-fafalik neme Masir mai. Dalen-nala lamatua neu Masir solda'dun-nala be'i-balakain, no solda'du manasa'e ndalan-nala, ma ndalan-nala balakaik mesa-mesan, boema kaleta makadoton-nala. Tehu ala ta lamahele Amak, fo Israel Manetualain malalao-malalafun-na fa, de ta loke tutulu-fafalin fa.

YESAYA 43:22

Manetualain nafa'da nae, “Tehu o, fo Israel, o ta sene-do'ok neu Au fa, ma ta makatele neu Au so'on.

YESAYA 9:12

Leoina Israel-la beita sale-dale boen, leomae Manetualain Fo Manakoasa, Ana hukus so; ala beita tukatei-saledale neun boen.

YEREMIA 13:25

Au aketu basa emi ua-nalem-mala leondiak so, nanahu emi mamahele neu lamatua daebafak masapepekok-kala.

YEREMIA 2:30

Palsuma la'iesak-kana, Au huku emi, nana emi ta nau sipo nanoli-nafa'dak fa. Emi sama leo singa kamulus-sa, de emi taomisa basa emi nabim-mala.

YEREMIA 22:21

Au kokolak basa neu emi nai lelek emi so'da molen-na malole, tehu emi ta nau mamanene. Memak emi ha'da tataom neme makahulun eli mai losa besak ia leondiak; beita la'i esa fo emi tunga Au paletang-nga fa.

YEREMIA 32:33

Leomae Au anoli-aheles, tehu ala ta nau lamanene fa, ma ala ta nau tuka-tei sale-dale fa, ma la'o ela Au.

YEREMIA 35:17

Hundia, de Au, Manetualain Fo Manakoasa, fo Israel Manetualain-na, neukose uni fe emi hataholi Yehuda-la ma Yerusalem-mala – basa totoa-tataak fo Au aketu basan soaneu emi, sama leo hata fo Au afa'dak-ka. Au afa'da dede'ak ndia nanahu emi ta nau mamanene, metema Au kokolak o emi, ma emi ta nau mataa fa metema Au alo emi.”

YEREMIA 5:3

Te'e-te'e, Manetualain nokek-ka nde, lilinekak-ka. Manetualain fepa emi, tehu emi ta mafaduli fa. Ana tao nakalulutuk emi, tehu emi ta nau nanoli emi fa. Emi langa batu, ma ta nau tuka tei-sale dale meme emi sala-singom mai fa.

YESKIAL 22:24

“Hai hataholi daebafak fo, manasapu-manalalok-konei, mafa'da hataholi Israel-la, mae sila daen-na nanggenggeo, hu ndia de, Au amanasa de Au hukun.

YESKIAL 24:13

Hai Yerusalem, o tatao-nono'i ha'da hataholi taa-ma, tao nanggenggeo o aoinam-ma. Au so'ba, tao balisi o, tehu sosoa-ndandaan ta, nana o manggenggeok mahele. Neukose, o ta balisi seluk so'on, losa Au kalua Au nasa-melung neu o.

ZEFANYA 1:6

Neukose, Au tao amopo-amate sila, fo ala ta mai leo Au mai fa, do loke Au hehela-nonoleng, ma sila fo manala'o ela Au, ma ala ta nau tunga Au so'on.”

2 TIMOTIUS 3:16

Basa hata fo nanasulak nai Susula Malalao ka dalek ndia, Manetualain fen neu nabi la tunga Dula Dale ka nafafa'da na, ma masosoa-ndandaak soaneu nanoli hataholi a, hata bee ka nde ndo sa, soaneu kena-ka'i, ma tao matalolole masala ka, ma soaneu nanoli hataholi a fo ela naso'da tunga Manetualain hihii-nanaun.

IBRANI 10:22

Hu ndia de mai fo ata deka to Manetualain no dale ndoos, ma namahehelek fo matea-mahelek; no dalek fo nanatao nalalao-nalalafu basak neme dale nameme'da masalak, ma no ao paak fo nanabalisik ninik oe fo neu isi ka.