ZEFANYA 3:17 - Susula Malalaok Hehelu Palak Ma Hehelu Beuk

¹⁷ Emi Manetualaim-ma fo mabe'i-balakaik-ka, nananasulu-nahapak emi. Emi sengi nanahu koasan-na. Manetualain namahoko ma setelee, nanahu emi, Nai susue-lalain-na dalek, Ana fe emi so'da beuk. Hu ka nde emi, de nakamee no namahokok

ZEFANYA 3:17 ပူးပေါင်းရင်းမြစ်များ

KEJADIAN 1:31

Manetualain nita, Ana taon-na basa hata lala'en-na ndia boema, namahoko nanseli. Le'odaek-ka seli, boema fafaik-ka da'di. Fo ndia nde fai ka 6-na.

KEJADIAN 17:1

Lelek Abram teun siohulu sio boema, Manetualain natu'du aoinan-na neun, de nae, “Au nde Manetualain, Fo Manakoasa. Tunga Au, ma tao-no'i Au hihii-nanaung tataas esa.

KEJADIAN 18:14

Ade, hapu hata mateaina ba'eneu Manetualain do? Sama leo na'kasa, Au afa'da basan ae, bei bulak sio seluk bai te, neukose Au fali ma'ing-nga leo ia mai. Te nai lelek ndia, neukose Sara bongi ni'iana touanak esa so.”

KEJADIAN 2:2

Neu fai ka hitun-na, boema Manetualain tao nakababasak tatao-nono'in ndia, boema Ana hahaeaon-na.

MAZMUR 147:11

Manetualain namahoko neu hataholi kamahehelek-ka, neu hataholi fo, namahena nalele neu susue-lalain.

MAZMUR 149:4

Manetualain dalen-na nahiik anan-nala; Ana fe hataholi dale taidaek-ka, ana sengi.

MAZMUR 78:65

Boema Manetualain fo'a, sama leo hataholi fo ana fo'a neme susungun-na mai, sama leo hataholi balakaik-ka, besak-ka ninu basa angol.

YESAYA 12:2

Tete'ek-ka, Manetualain ndia, au manasoi-manatefang, au amahele neun. Au ta bii-amata'u fa, nana natetea-nahehele au. Au manasoi-tefang-nga nde Manetualain, au akamee ba'eneun.

YESAYA 12:6

Hai, laun Sion-nala lemin! Eeki-matadale leona, makamee no namahokok. Israel Manetualain malalao-malalafun-na, tete'ek-ka mandela-masa'ak, Ana leo nai emi tala'daheom.”

YESAYA 18:4

Manetualain nafa'da au nae, “Neme Au mamana leleong manai poin-na, neukose Au mete leo dae neu no nee-nee lino-linok ma neuanak, fo neuanan-na sama leo dinis fo ana da'di nai le'odae mato'bik-ka nai fai ketu-kolun-na, ma neun-na sama leo le'do-a haan-na nai fai lele'don-na.

YESAYA 63:1

“See hataholi ndia, fo manamaik neme Bozra nai Edom-ma? ba'dun-na pilas, bua papaken-na nahaa; ana la'ok no be'i-balakaik matuaina.” “Au nde Manetualain fo, nanuu be'i-balakaik, soaneu soi-tefa, ma Au mai, uni hala sesengik.”

YESAYA 63:12

Manetualain fo, manasama-sama no Musa, fo no lima mabe'i-balakain-na, de Ana fa'a ba'e oe-a nai sila matan, fo ela na'den-na nanakoa-nanakiok losa dodoon-na, nai bee?

YESAYA 65:19

Neukose Au mesang-nga amahoko-setelee, nanahu Yerusalem, ma Au amahoko, nanahu laun-na. Ta hapu seluk kikiik nai kota ndia so'on, ma ta hapu mananggasik, fo noke tutulu-fafalik fa.

YESAYA 9:6

Ana paleta da'di leo manek fo Dauk tititi-nonosin, koasan-na matuaina nanseli Nusan-na mole-dame, tetu-temak tataas esa; paletan-na nangatuuk nai hoholo-lalanek, ndoos ma matetuk lain, neme besak ia, ma losa dodoon-na. Tao leo bee-o, Manetualain Fo Manakoasa nakalala'ok-kana.

YEREMIA 32:41

Neukose Au hii ka'da tao malole ba'eneu sila, ma Au tao-as leo lahele nai nusak ia soaneu losa dodoon-na.

HOSEA 14:4

Neukose, Asyur ta soi-tefa-nala ami fa, ma ndala natee-natatik-kala, ta hapu tulu-fali ami fa. Neukose ami ta kokolak seluk moo dodoki-dudulak-kala mae, ami Manetualaim-ma nde sila. Ou Manetualain, O sue-lai hataholi fo, ta namahena neu hataholi esa boen.”

YOEL 2:21

Boso bii, hai tina-osi-la lemin, maloloa emi dalem-mala, mafandele dede'a matuaina fo Manetualain tao-no'in ba'eneu emi!

ZEFANYA 3:15

Nana, Manetualain Ana hahae huku emi. Ana usi heni basa emi musum-mala lala'en-na so, Mane Israel, fo emi Manetualaim-ma, nananasulu-nahapa emi. Besak ia, ta paluu emi mame'da bibii-namata'uk so'on.

ZEFANYA 3:5

Tehu Manetualain bei nai kota ndia. Ana tao hata ndoos-sa tataas esa, ma Ana beita tao hata masalak fa. Tunga-tunga fafain-na, tao leo bee-o, Ana fe ndoos ma matetuk-ka neu anan-nala. Tehu hataholi fo ta nalelak eno ndoos ma matetuk manai kota ndia fa, ana tao nahele tatao-nono'i mangalauk-ka, no ta nalelak bibii-mamaek fa.

BILANGAN 14:8

Metema Manetualain sue ita soona, neukose no ita leo naa teu, fo Ana fe dae kamasu'ik ma maoe-maisik ndia leo ita mai.

LUKAS 15:32

Tehu ita muse tao feta ma tamahoko-setelee, nana o fa'di ma makahulu na maten so, tehu besak ia naso'da falik. Makahulu na mopon, tehu besak ia hapu fali kana so.’ ”

YOHANIS 13:1

Bei ela ka'da faik esa bai soona, besa ka Fai Matua Paskah losa, tehu Yesus bubuluk basa, fai na losa soaneu Ana la'oela daebafak ia, fo Ana fali ne'un leo Aman neu. Ana sue-lai Ndia hataholin manai daebafa ka. Ana sue-lai naheles, losa mate'e na.

YOHANIS 15:11

Au afa'da basa dede'ak ia la neu emi, fo ela Au namahoko nga hapun nai emi dalem dale, boema emi namahoko ma da'di matetu-mandaak.

ULANGAN 23:15

“Metema, ata esa nalai la'oela tuan-na, boema ana mai leo emi mai, fo noke nasulu aon-na soona, boso madenu falik-kana.

ULANGAN 30:9

Neukose emi Manetualaim-ma, fe emi tutunga-sasangam lala'en-na, neni buna-boak fe emi; neukose emi anam makadotok, ma emi bana-manum makadotok; ma emi tinam-mala, buna-boan sasi kao-kao. Manetualain namahoko, de Ana fe emi maso'da no tetu-temak, sama leo Ana namahoko, de Ana fe tetu-temak neu emi bei-ba'i kaim-mala boe.

IBRANI 7:25

Hu ka nde ndia de, soaneu losa dodoo na, Yesus hapu soi-tefa na hataholi-hataholi fo ana mai neu Manetualai na, tunga Ndia, nana naso'da losa dodoo na, soaneu Ana dokodoe neu Manetualain, ba'eneu hataholi sila la.