ZEFANYA 3:14 - Susula Malalaok Hehelu Palak Ma Hehelu Beuk

¹⁴ Hai Israel, eeki-matadale, ma makamee leona! Hai Yerusalem, mamahoko no dalek-katematuak leona!

ZEFANYA 3:14 ပူးပေါင်းရင်းမြစ်များ

NEHEMIA 12:43

Nai faik ndia, tutunu-hohotuk makadotok nanatunu-hotuk soaneu Manetualain. Laun-na lamahoko-setelee nanahu Manetualain fes laua-lanale. Basa inak-kala ma ni'iana-la boeo tunga feta, de sila hala hika-natadalen-nala, lamanenen losa dook-ka.

MAZMUR 14:7

Ela leo been-na, Israel so'da-molen, ana mai neme Sion mai! Boema, Yakob tititi-nonosin, neukose namaoko metema Manetualain natetea-nahehele anan-nala so'dan-nala.

MAZMUR 149:2

Mamahoko leon, hai Israel, nanahu o Manamakadada'dim-ma; mamahoko-setelee leon, hai laun Sion-nala lemin, nanahu emi Manem-ma!

MAZMUR 97:8

Laun Sion-na, ma kota-kota Yehuda-la lamahoko, nai lelek lamanene Manetualain nakeketun-na.

YESAYA 12:6

Hai, laun Sion-nala lemin! Eeki-matadale leona, makamee no namahokok. Israel Manetualain malalao-malalafun-na, tete'ek-ka mandela-masa'ak, Ana leo nai emi tala'daheom.”

YESAYA 29:19

Hataholi nuu taa-hata taak-kala, ma matasi'da-matasaek-kala, neukose ala hapu falik tetu-temak fo, Israel Manetualain malalao-malalafun-na, fek-ka.

YESAYA 35:2

Moo solokaek-ka, nakapela de bunan-na lakaseti, ma nakamee lelengoaon nenik nakamee namahoko-seteleek. Lole-napun, sama leo letek Libanon-na, be'i-balakain sama leo Bafak Karmel ma Saron. Boema basa hataholi-la neukose lita Manetualain koasan-na, ma ita Manetualain-na, matua-mademan.

YESAYA 37:22

de Manetualain nafa'da nae, “Kota Yerusalem-ma hika, ma hakinonoli o, Sanherib!

YESAYA 40:1

O Manetualaim-ma, nafa'da nae leo ia, “Kokoe-nanasi, kokoe-nanasi, au leoinang-nga leona!

YESAYA 40:9

Kae leo lete madema lain meu, fo po'a-benga hala malole-a neu Yerusalem! Maloo bou-bou mapane'e, fo po'a-benga hala malole-a neu Sion! Mafa'da kota-kota manai Yehuda-la, mae sila Manetualain-na, neukose Ana mai!

YESAYA 51:11

Boema hataholi fo, Manetualain soi-po'ik-kala, neukose ala fali, ala masok Yerusalem, no ala eeki kao-kao, mata-panan-nala, lapena, nanahu lamahoko manaketu-basa taak-ka. Ala lamahoko-setelee, nanahu toto'a-tataak ma hoo-nggu'uk-ka, mopok-kana so.

YESAYA 52:9

Eeki-matadale leon, hai Yerusalem ai-batu manatapasasak-kala lemin, nana Manetualain kokoe-nanasi anan-nala, ma ana soi-po'i Yerusalem.

YESAYA 54:1

Yerusalem, makahulun-na, o sama leo ina ta manabongik, fo ta bisa bongi fa. Tehu besak ia, hika-matadale leona, ma makamee no namahoko-seteleek! Nana o anam-mala, makadotok nanseli, lena heni, ina maela saok-ka, anan-nala.

YEREMIA 30:19

Ndia laun-nala neukose ala koa-kio Au nenik nakamek, ma ala eeki-latadale nenik namahokok. Au taon nana fe ha'da-holomata, te ta nananakadaek so'on, ma sila dede'un-nala boe tai lamaba'uk-ka.

YEREMIA 31:13

Neu faik ndia te anafe'o anak-kala neukose ala lolonge-dadape no dale namahokok. Hataholi lasik-kala ma hataholi mulik-kala neukose laua-lanale beno'u, nana neukose Au tao amahokos. Sila dale he'din-nala Au tao asafalin da'di namahokok, ma pinu i'duk-ka Au tao asafalin da'di maua-manalek.

YEREMIA 33:11

Tehu nai mamanak ndia hapu lamanene halak namahokok-kala ma setelek-kala ma halak feta ka'bing-ngala seluk. Hapu lamanene hataholi-la leni nakamek tutunu-hohotu makasi lo Au umang-nga neu boe. Neukose lafa'da lae, ‘Toke makasi neu Manetualain Fo Manakoasa, nanahu Ndia malole-a, ma susue-lalain manaketu basa tak, ma matetuk.’ Neukose nusak ia Au taon da'di manahapu-manadaik sama leo makasososan-na. Au, Manetualain, nde manakokolak-ka.”

YOEL 2:23

Hai laun Sion-nala lemin, mamahoko-setelee leona! Mamahoko ma eeki-matadale! nanahu basa malole lala'en-na ala mai leme Manetualain, fo emi Manetualaim mai. Ana fe emi u'dan, nai fai hanas mate'ek-ka. Ana fe u'dan-na mai, nai fai makasufun-na, boeo nai fai sele-ngalik-ka, sama leo fai makahulun-na.

MIKHA 4:8

Ma o Yerusalem, mamanak fo Manetualain nanea anan-nala, sama leo manafoo nanea bi'ilopon-nala, neukose o da'di falik o nusam-ma polon-na, sama leo makasososan-na.

MATEOS 21:9

Hataholi makadotok fo mana la'ok nai Yesus uluk ma manai dea na lalo bebou lae, “So'dak neu Dauk Ana na! Baba'e-papalak neu Ndia fo ana mai no Manetualain na'de na! Koa-kio Manetualain, fo Matua Madema ndia!”