ZEFANYA 3:11 - Susula Malalaok Hehelu Palak Ma Hehelu Beuk

¹¹ Nai lelek ndia, hai anang-ngala lemin, emi ta paluu mame'da mamaek so'on, nanahu emi lena-la'ban basa Au so. Neukose, Au usi heni basa hataholi manakoao-ndaeaok-ka ma hataholi fo namatutua-nadedema aon-na, soona neukose, emi ta lena-la'ban seluk Au, nai Au pupuku malalao-malalafung lain so'on.

ZEFANYA 3:11 ပူးပေါင်းရင်းမြစ်များ

MAZMUR 131:1

Dauk nakamee dodonge-dadaman. Manetualain, au ta amatutua-amadedema au aoinang-nga, ma ta koao-ndaeao fa. Au ta usi dede'a matuaina-la fa, do hata fo, tean-na seli ba'eneu au.

MAZMUR 49:5

Neukose au taoafik neu dede'a lasik-ka, fo afa'da mangalele'do sosoa-ndandaan boema akaminak kecapi.

MAZMUR 59:12

Boso taomisas ou Manetualain, fo ela au leoinang-nga boso nafandele henin. Tao tapasasalas ma sengis menik O koasam-ma, ou Manetualain fo ami manamasulu-mahapam.

YESAYA 11:9

Ta hapu hata mangalauk ma nalutuk nai Sion, fo Manetualain Pupuku Malalao-malalafun-na fa. Neukose nusak-ka, henuk no malelak la'eneu Manetualain, sama leo oe henu tasi-a.

YESAYA 2:12

Nai faik ndia, Manetualain Fo Manakoasa, neukose nakadadaek basa hataholi fo namatutua-namadedema aoinan-na, ma Ana huku basa hataholi manakoao-ndaeaok-ka, ma mananamatutua-namadedema aok-ka.

YESAYA 45:17

Tehu Manetualain soi-tefa-na Israel; so'da-molen-nala, neukose nakatatakak. Neukose emi ta nananakamamaek ma nananakadadaek losa dodoon-na fa.’ ”

YESAYA 5:15

Basa hataholi-la, neukose nananakamamaek, ma hataholi manakoao-ndaeaok-ka, nananakadadaek.

YESAYA 54:4

Boso bii, te neukose o ta nananakamumulu-nakamamaek fa; neukose ta nananakadadaek ma o na'dem-ma, ta nanggenggeo fa. Neukose o mafandele heni o manalilinekam-ma, nai lelek o bei muli-solum-ma; o mafandele heni, o nee-nee lino-linom, fo nai lelek o inafalu-a.

YESAYA 56:7

“Neukose Au o emi leo Sion, leo Au pupukung fo, malalao-malalafuk-ka neu, ma Au fe namahoko-seteleek, nai Au uma mamasong-nga Tutunu-hohotuk fo, emi tunu-hotun nai Au mei tunu-hotung lain-na, neukose Au sipok-kana. Neukose loke Au Umang-nga soona lae, uma huhule-haladoik soaneu leoina lala'en-na.”

YESAYA 61:7

Nanahu, emi hapu basa mamaek, diku la'i dua so, ma na'de manggenggeok-ka, boema nananakadadaek-ka, ana da'di emi baba'em so, hu ndia de, emi hapu pusaka didikuk la'i dua, nai emi nusam-ma ma emi manuu namahoko manaketu basa taak-ka.

YEREMIA 13:9

“Neukose au laka-akasete hataholi Yehuda-la ma Yerusalem laun-nala eno-dalan tao leondiak. Neukose au tao akalulutuk sila manakoao-ndaeaon nanseli ndia.

YEREMIA 7:4

Boso mamahele manake'di-ndiuk fo lafa'da lae, ‘Ita nee-nee lino-linok, Manetualain Uman ia. Tete'ek-ka, Manetualain Uman ia!’

YESKIAL 20:40

Nana nai dae Israel-la, fo nai Au lete malalao-malalafung-nga poin-na, emi basa-basam-mala, fo leoina Israel-la, neukose sene-do'ok neu Au. Nai naa, neukose Au amahoko, fo Au sipok emi tutunu-hohotum, emi tunu-hotum malolem-mala, emi fe-fe hehelim-mala.

YESKIAL 24:21

anduku-alosak hala heheluk-ka nde ia neu emi: Emi dalem-ma namatua neu Manetualain Uman-na be'i-balakain. Emi hii meten fo emi meu donge-daman, tehu neukose Manetualain tao nanggenggeo Uman-na. Ma o teidalem fo bei muli-solum fo manaleo manai Yerusalem-ma, neukose nanataonisak nai natee-natatik dale.

DANIAL 9:16

O masala'e ami nai tepo-lelek makahulun-na so, hu ndia de, boso boe mamanasa Yerusalem, fo O kotam-ma, O pupuku malalao-malalafum-ma. Hu kande ami sala-singom, ma ami bei-ba'i kaim tatao-nono'i mangalaun-nala, boema basa hataholi manai ami boboa-kaisum-mala lakadadaek Yerusalem ma O anam-mala.

DANIAL 9:20

Au hule-haladoi akandoo fo manaku au sala-singong ma au leoinang Israel sala-singon-nala, boema au dokodoe neu Manetualain fo au Manetualaing-nga, fo tao matalolole uma malalao-malalafun-na.

MIKHA 3:11

Manakoasa kota-la paleta soaneu ala hapu doi sosolok, imam-mala lanoli Manetualain hoholo-lalanen soaneu hapu ngga'di, ma nabi-la loke natutu'duk neme Manetualain mai fo hapu doik – boema sila basa-basas lae daenga Manetualain nok sila. Lafa'da lae, “Manetualain nai ita tala'da heon; neukose susa-soe ta tuni-ndeni la'e ita fa.”

BILANGAN 16:3

Basa-basas leu leo Musa no Harun leu, de lafa'da lae, “Ndia dai so Musa! Hataholi Israel-la lala'en-na, nanafe hehelik neu Manetualain, ma Manetualain nai ita basa-basa-tala tala'da heon. Tehu tao le'e de, o mafa'da mae, o dema lena Manetualain anan-nala?”

MATEOS 3:9

Boso maedaenga emi ba'im nde Abraham de, emi ta hapu Manetualain huhuku na fa! Mafandendelek te, Manetualain hapu tao Abraham tititi-nonosin neme batu ia la mai boe!

ROMA 2:17

Tehu besak ia, tao leo beek no tolanoo kala bai? Tolanoo kala manaku aom mae, tolanoo kala hataholi Yahudi, de tolanoo kala mamahena ka'da agama Yahudi a hoholo-lalanen, boema tolanoo kala tututi-nanaton no Manetualai na tao na tolanoo kala koao-ndaeao.

ROMA 9:33

La'eneu batu ndia, nai Susula Malalaok dale nanaulak nae leoia, “Taoafik dede'a ka nde ia nae, Au pe'da batu esa nai Sion so fo neukose ana tao na hataholi a nakatunu; fo nde batu matuaina esa fo neukose ana tao na hataholi a tu'da. Tehu hataholi fo namahele neu na, neukose dale nala ta laba'e fa.”

1 PETRUS 2:6

Nanahu nai Susula Malalaok dale nanasulak nae leo ia, “Au hele basa batu kabelik esa so, de Au pe'dan nai Sion, da'dileo batu makasososak; fo see namahelen soona, dale na ta ba'ihana fa.”