ZEFANYA 3:1 - Susula Malalaok Hehelu Palak Ma Hehelu Beuk

¹ Soo-supak neu Yerusalem, kota manggenggeok ma kota fo anan nau ka'da lena-la'ban Manetualain ma ana tuni-ndeni laun-nala!

ZEFANYA 3:1 ပူးပေါင်းရင်းမြစ်များ

YESAYA 30:12

Hu ndia de, Israel Manetualain malalao-malafun-na, nafa'da nae leo ia, “Emi ta sipok Au dede'a-kokolang fa, de emi masalai emi deam-ma neu tuni-ndenik-ka, ma tipu-daik-ka.

YESAYA 5:7

Nana Manetualain Fo Manakoasa osi angol-la nde been-na, nde hataholi Israel-la, ma hataholi Yehuda-la nde been-na, osi angol fo Ana selen. Namahena ndoos ma matetuk-ka neme sila mai, tehu hapu ka'da tatao-nono'i ha'da hataholi tak-ka Namahena, sila lapadedeik latetu ndoos-sa, tehu hapu ka'da hoongguk-ka, fo loke ndoos ma matetuk-ka.

YESAYA 59:13

Ami malelesi, ma lena-la'ban Manetualain, ma ta nau tunga, ami Manetualaim-ma fa. Ami tuni-ndeni basa hataholi fe'ek, ma la'ok sala so; ami dudu'a-aafim natofa-natalak, ma ami hala-kokolam, masapepeko-masandandalik.

YEREMIA 22:17

Tehu o, Yoyakim, fe'ek. K'da o sanga nanalak neu o aopam-ma. O tao misa hataholi fo ta nasala-nasingo fa, ma o tuni-ndeni laun-na nenik nasa meluk.

YEREMIA 5:23

Tehu emi malanga batu manseli, ma hii ka'da lena-la'bak; emi singo heni enok-ka, de la'oela Au.

YEREMIA 6:6

Manetualain Fo Manakoasa, Ana paleta basa manakoasa sila-la, fo ela ala lo'oheni ai-la, ma po'a tadodou dae, fo da'di mamana nanabik, fo ata sapu-ta, Yerusalem. Manetualain nafa'da nae, “Neukose Au huku kota ia, nanahu tuni-ndenik makadotok nanseli, da'di nai dalek so.

YEREMIA 6:7

Sama leo oemata faa nahele oe neuk, leondiak boe, kota ndia nabuna-naboa nahele mangalauk-ka. Au amanene ka'da hala naseti-nalakak, ma nakodaa mesan, neme kota ndia mai; Au ita bisu ma he'di-laus-sa, nai mamanak lala'en-na.

YESKIAL 22:29

Hataholi kamasu'i-makabetek-kala, ala ke'di-ndiu ma lamanako. Ala tuni-ndeni hataholi nuu taa-hata taak-ka, ma ala ho'i nanalak neme hataholi nusa dea-la mai.

YESKIAL 22:7

Nai o laum-ma dalek, ta hapu hataholi esa boen fo, ana fe ha'da-holomata neu ina-aman fa. O ke'di-ndiu hataholi nusa dea-la, ma o ho'i nanalak, nai faluina anamaak-kala fai susan-na dalek.

YESKIAL 23:30

neni fe o ua-nale mangalauk ia. O da'di ina manasosoa-piaok ba'eneu leoina-kala, ma o tao manggenggeo o aoinam-ma nenik leoina sila-la sosongo-tatangon-nala.

IMAMAT 1:16

Muse kee heni nutun-na, no isin-na lala'en-na, fo tu'us leo mei tunu-hotuk-ka boboan dulu neu, fo nai mamana afu-a.

AMOS 3:9

Po'a-benga dede'ak ia neu hataholi manaleo nai uma manek Masir-ra, ma Asdod-tala mae leo ia, “Makabubua meu lete-letek manai Samaria boboa-kaisun-nala, fo taoafik neu tasi'bu matuaina ma lumu-esek-ka nai naa.”

AMOS 4:1

Mamanene leon, hai ina Samaria fo boetai laao sama leo sapi maao manai Basan-nala lemin! Emi tuni-ndeni hataholi tapandoes-sala, ese-lumu hataholi nuu-taa hata-taak-kala, ma emi makaseti emi saotoum-mala, fo ala sadia fe emi ala-lalu tataas esa!

MIKHA 2:2

Metema lahiik tina esa soona, ala loso-lan. Metema lahiik uma esa soona, ala leo-lan tutik. Nau hata-heto do uma isi la, ta hapu nee-nee lino-linok fa.

ZAKHARIA 7:10

Boso tuni-ndeni inafalu-la, anamaak-kala, hataholi nusa dea manaleo nai emi nusam dale, do su'di see fo nai susa dalek. Ma boso tutu'u eno mangalauk soaneu emi nonoo hataholim-ma.’

MALEAKHI 3:5

Manetualain Fo Manakoasa, nafa'da nae, “Neukose Au mai neu emi, fo aketu-ala'di. Neukose no lai-laik, Au da'di sakasii neu hataholi manasuangik-kala, manahohongek-kala, manasakasii pepekok-kala, hataholi fo ana ta bae natetu hataholi mana'a ngga'di-la, ngga'din-na fa, manatuni-ndeni faluina-anamaak-kala, hataholi nusa dea, ma neu basa hataholi fo ana ta fe ha'da-holomata neu Au fa.”