ZEFANYA 2:9 - Susula Malalaok Hehelu Palak Ma Hehelu Beuk

⁹ No Au fo maso'dak, ma leoina Israel-la Manetualain-na na'den-na, neukose Au sapu balisi Moab ma Amon, sama leo Sodom ma Gomora. Neukose nusak sila-la henuk no oedolu oe masik-kala, ma henuk no ai-batu manatapasasalak fo manaketu-basa taak-ka, de na'u-aiana moli lai ndia. Bei ela Au anang fo lala huhukuk-ka deak-ka, neukose ala bonga laun-na uman-nala, ma latona-la daen-na.”

ZEFANYA 2:9 ပူးပေါင်းရင်းမြစ်များ

YESAYA 11:14

Neukose lakabubua, fo ala sapu-la hataholi Filistin-nala nai muli, fo ala kalo leoina-la nai dulu. Neukose ala sengi Edom ma Moab, ma leoina Amon-na, neukose nakatele neus.

YESAYA 25:10

Neukose Manetualain nasulu-nahapa Pupuku Sion-na, tehu Moab, neukose nanaheheta-aa'ik, sama leo ha'deaik-ka nai mamana kadafuk-ka.

YESAYA 49:18

Mete ma makanae, leo o boboa-kaisum muu, o laum-mala, lakabubua basa, de ala mai leo o mai so. No Au, Manetualain fo maso'dak-ka, Au afa'da ae, tete'ek-ka, neukose o dalem-ma namatua, nanahu o laum-mala, sama leo ina manaka'bing-nga, dalen-na namatua, nanahu lilo-henun.

YEREMIA 46:18

Au, Manetualain Fo Maso'dak, Au Manek, Manetualain Fo Manakoasa. Sama leo letek Tabor-ra poin-na to'de nai letek-kala tala'da ma sama leo letek Karmel-la poin-na to'de nai tasi-a bafan-na, ndia fo manasapun-na o-a be'i-balakaim leondiak.

YEREMIA 48:1

Manetualain Fo Manakoasa, Fo Israel Manetualain-na nafa'da nae leo ia la'eneu Moab, “Soe ba'eneu laun Nebo, kotan-na bala neu so! Latona-la Kiryataim, ma kota musun-na fo matea-mahelek-ka nanatao nakalulutuk, de nalosa laun-nala da'di manamaek.

YEREMIA 49:1

Manetualain nafa'da nae leo ia neu Amon, “Tao le'e de dae leo Gad ala loso lan ma hataholi manamamahele lamatua daebafak Milkom ala leo loon? Do ta hapu hataholi Israel fo nasala'e nggolok ndia?

YEREMIA 49:18

Sama leo Sodom ma Gamora nana tao nakalulutuk no nusa-nusak titia-tatain-nala. Edom boe leondiak, ta hapu esa boen fo ana leo nai na. Au, Manetualain, nde manakokolak.

YEREMIA 49:33

Neukose Hazor nada'bak losa dodoon-na ma ana da'di mamanak nafuni busa fuik. Ta hapu hataholi esa boe leo nai na. Au, Manetualain nde manakokolak.”

YEREMIA 50:40

Sama leo Au tao akalulutuk Sodom ma Gamora no nggolok manadekak-kala, boema neukose Au tao akalulutuk Babel leondiak boe. Ta hapu hataholim esa boen fo ana leo nai na. Au, Manetualainde manakokolak.

AMOS 1:13

Manetualain nafa'da nae, “Leoina Amon-nala lasala-lasingo tataas esa so, hu ndia de, tao leo bee-o, neukose Au hukus. Lelek latee-lata'ti fo ala tao lamaloa sila nusan-na, ala saika'di inak-kailus manai Gilead-tala tein-nala.

AMOS 2:1

Manetualain nafa'da nae, “Laun Moab-pala lasala-lasingo tataas esa so, hu ndia de, tao leo bee-o, neukose Au hukus. Lakadadaek Mane Edom fo manamatek basak ndia, nenik ala kali laten-na, boema ala ho'i-la duin-na, de ala hotun da'di afu.

ZEFANYA 2:14

Bana bubuak-kala, ma bana mata-matak-kala lai ndia, de neukose ala lu'u ma ala hahaeaon-nala. Neukose ko'donaok-kala, landunu nai ai batu madodouk sila lain, ma ala nggasi leme batu-la lelan-nala mai. Neukose manupui kaa-la, ala nggasi lai lelesu-la bafan-na. Neukose ala bonga heni, kota ndia uman fo nanataok neme ai kaiou-a mai.

ZEFANYA 2:7

Neukose Yehuda laun fo laladeak-ka, langatuu-la o nusam ndia. Neukose, ala foo bana-manun-nala nai mamanak ndia, ma nai fai le'odaen-na, neukose ala sungu lai hataholi Askelon-na uman-nala. Nana, neukose Manetualain, fo sila Manetualain-na, nasulu-nahapa seluk-kasa, ma Ana fes lamasu'i-lakabete seluk.

ZEFANYA 3:13

Hataholi Israel fo bei elak-kala, neukose ala ta tao mangalauk seluk neu su'di see-a so'on; neukose ta lasapepeko-lasandandali so'on, ma ala ta tipu-dai boen. Neukose tetu-temak, ma so'da la'dak, boema ta lame'da bibii-namata'uk neu su'di see fa.”

ZAKHARIA 2:13

Emi basa-basam-mala, boso mahahala nai Manetualain matan! Nanahu, Ana mai neme mamana leleon manai nusa so'dak-ka mai so.

BILANGAN 14:21

Tehu Au aheluk inik Au aoinang-nga, ma nenik Au fo maso'dak, ma manakoasan-nai daebafak ia,

ROMA 14:11

Nai Susula Malalaok dale nanasulak nae, Lamatua ka nae, “Tete'e ka”, “neukose basa hataholi lala'ena, sene-do'ok nai Au mata nga; ma basa hataholi lala'ena, neukose ala manaku lae, Au nde Manetualai na.”

ULANGAN 29:22

Nai fai makabuin te, emi tititi-nonosim, ma hataholi nusa dea-la leme nusa dook mai, neukose ala lita Manetualain fe susa-soe ma doidosok-ka, ana tuni-ndeni-na, emi nusam-ma.

ULANGAN 29:23

Neukose belerang-nga ma masik-ka, ala potiketu emi tina-osim, fo ta bisa sele-nggali bini-ngges neu fa, ma na'u-aiana ta moli nai ndia so'on. Neukose emi nusam-ma, nalupa leo Sodom ma Gomora, Adma ma Zeboim, fo Manetualain tao namopos, nai lelek nasa-melun lua ponu-ponu.