ZEFANYA 2:8 - Susula Malalaok Hehelu Palak Ma Hehelu Beuk

⁸ Manetualain Fo Manakoasa nafa'da nae, “Au amanene basa leoina Moab, ma leoina Amon-nala nakamumulu-nakamamaen, ma hakinonolin neu Au anang-ngala so. Ala tui dede'a me'i-afek lae neukose ala ho'i-la Au anang-ngala daen-na.

ZEFANYA 2:8 ပူးပေါင်းရင်းမြစ်များ

KEJADIAN 19:37

Ana uluk-ka bongi anatouk esa, de ana foin na'de Moab. Ndia nde da'di, hataholi Moab besak ia-la, bei-ba'i kain.

KEJADIAN 19:38

Ana ka dua, ana bongi anatouk boe, de ana foin na'de Ben-Ami. Ndia nde da'di leoina Amon besak ia-la, bei-ba'i kain.

YESAYA 15:1

Manetualain hala hehelun ia, la'eneu Moab. Kota Ar ma kota Kir-ra, nanatao namate-namopok, nai le'odaek esa dalen-na, de nusa Moab-pa, da'di nee-nee lino-linok.

YESAYA 16:6

Leoina Yehuda nafa'da nae, “Ami mamanene basa, leoina Moab-pa, koao-ndaeaon so. Ami bubuluk lae sila lamatutua-lamadedema aoinan-nala ma koao-ndaeaok. Sila hala-kokolan-na ka'da bafa louk, fo isin ta.”

YEREMIA 12:14

Manetualain nafa'da nae, “Au hehelu-balatang leoiak la'eneu Israel nusa-nusak titia-tatain-nala, fo manatao nakalulutuk nusak fo Au fen neu Au anang Israel-la. Leondiak boe neukose, Au kalua heni hataholi-hataholi mangalauk sila-la neme sila nusa namon-nala mai, sama leo bubu'u-palusa fo nanafe'a henik neme dae-a mai.

YEREMIA 48:1

Manetualain Fo Manakoasa, Fo Israel Manetualain-na nafa'da nae leo ia la'eneu Moab, “Soe ba'eneu laun Nebo, kotan-na bala neu so! Latona-la Kiryataim, ma kota musun-na fo matea-mahelek-ka nanatao nakalulutuk, de nalosa laun-nala da'di manamaek.

YEREMIA 49:1

Manetualain nafa'da nae leo ia neu Amon, “Tao le'e de dae leo Gad ala loso lan ma hataholi manamamahele lamatua daebafak Milkom ala leo loon? Do ta hapu hataholi Israel fo nasala'e nggolok ndia?

RATAPAN 3:61

O, Manetualain, mamanene au nananakadadaek; O bubuluk la'iesak sila dale tutu'un-na.

YESKIAL 21:28

“Hai hataholi daebafak fo, manasapu-manalalok-konei, kokolak dede'a nananafa'da elak leona! Mafa'da hataholi Amon fo, lakamumulu-lakamamaek basa Israel so, mae Au, Manetualain Fo Mademaina nafa'da nae, ‘Tafaina esa, nanasadia basak soaneu nado'do-napau so; tafaina ndia, nanafofola basak so, de isin-na nangale'do, sama leo ndelas-sa, fo ela naheheaon soaneu nanisa.

YESKIAL 25:1

Manetualain nafa'da au nae,

YESKIAL 35:12

Soona besak-ka emi bubuluk mae Au, fo Manetualain, amanene basa emi hakinonolim-ma, nai lelek emi mafa'da mae, Israel leten-nala louk so, ma nanafek leo ita mai, fo da'di ita nana'an.

YESKIAL 36:2

‘Lelek leoina titia-tataik-kala, sapu-la emi, ma lamanako emi hata-hetom-mala, ala lakamumulu-lakamamaek basa Israel lala'en-na so. Ala kokolak no namahokok, lae pupukuk makahuluk sila-la, besak ia, da'di sila nuun so. Hu ndia de, hai letek-kala ma pupukuk-kala, lee anak-kala ma bafak-kala, hai kota-kota fo manada'di ai batu manatapasasalak-kala, ma kota fo hataholin-nala la'oelan so, boema leoina titia-tatain-nala, lamanako ma ala hakinonolin-na, mamanene hata fo, Manetualain Fo Mademaina nafa'dan neu emi nae: Nai Au nasa-melung fo manalua ponu-ponung-nga dalek, neukose Au fe nasanene'da mahelek neu leoina fo, manai emi titia-tataim-mala, lena-lenak neu Edom, nanahu no namahokok, sila lakamumulu-lakamamaek, ala loso-la Au daeng-nga, ma ala loso-la moo mana'un-nala. Besak ia, Au amanasa anseli, nanahu leoina sila-la, lakamumulu-lakamamaek, boema lakadadaek emi.

AMOS 1:13

Manetualain nafa'da nae, “Leoina Amon-nala lasala-lasingo tataas esa so, hu ndia de, tao leo bee-o, neukose Au hukus. Lelek latee-lata'ti fo ala tao lamaloa sila nusan-na, ala saika'di inak-kailus manai Gilead-tala tein-nala.

AMOS 2:1

Manetualain nafa'da nae, “Laun Moab-pala lasala-lasingo tataas esa so, hu ndia de, tao leo bee-o, neukose Au hukus. Lakadadaek Mane Edom fo manamatek basak ndia, nenik ala kali laten-na, boema ala ho'i-la duin-na, de ala hotun da'di afu.

ZEFANYA 2:10

Neukose, Moab ma Amon laun-nala huhukun-na leondiak, nanahu koao-ndaeaok, ma namatutua-namadedema aok-ka, boeo nanahu lakamumulu-lakamamaek Manetualain Fo Manakoasa anan-nala.

YOSUA 5:9

Manetualain nafa'da Yosua nae, “Faik ia, lakadadaek emi da'di leo ata nai Masir-ra, Au lose henin so.” Hu ndia de, mamanak ndia nanafoik na'de Gilgal losa hatematak ia.