ZEFANYA 2:3 - Susula Malalaok Hehelu Palak Ma Hehelu Beuk

³ Fali ma'im-ma leo Manetualain mai leona, hai basa hataholi dale taidaek manai nusak ia, ma basa hataholi manatunga paletan-nala lemin! Tao tunga Manetualain dale hihiin-na, ma makaloe-makadae aom-ma nai matan-na. Fafa'kama, neukose emi mala huhukuk-ka deak, nai Manetualain fain fo natu'du nasa-melun-na.

ZEFANYA 2:3 ပူးပေါင်းရင်းမြစ်များ

2 SEMUEL 12:22

Boema, Dauk nataa nae, “Hei, memak nai lelek ni'iana ndia bei naso'da, au oka aong, ma au kii-makaleleun, nana au dodoo ae: Fafa'kama, Manetualain Manakoasa, neukose dalen-na tu'da kasian neu au, fo Ana fe ni'iana ndia naso'da.

MAZMUR 105:4

Moke be'i-balakaik neme Ndia mai, sene-do'ok neun tataas esa.

MAZMUR 149:4

Manetualain dalen-na nahiik anan-nala; Ana fe hataholi dale taidaek-ka, ana sengi.

MAZMUR 22:26

Nai O anam-mala nakabubuan-na tala'da, au koa-kio O, nana basa hata lala'en fo O tao-no'in so. Nai hataholi kamahehelek-kala matan, au tunu-hotu tutunu-hohotuk fo au heluk-ka.

MAZMUR 31:20

O dale malolem-ma, ba'uk-ka nanseli, de O sadian ba'eneu hataholi kamahehelek-ka! Basa hataholi-la lita tatao-nono'i malole, fo O taon ba'eneu sila fo manamasulu-mahapa neu O-a.

MAZMUR 45:4

Pa'a o tafainam-ma neu o kale'bom-ma, hai manek fo ao makadelek-ka nei, o matua-madema nanseli, ma manahika-humek!

MAZMUR 57:1

Soaneu mauli-malanga nakameek. Tunga nakameek: Boso tao mamopo-mamaten. Dauk kokoa-kikion-na, nai lelek ana nalai leo leak dale neu, nanahu ana bii Saul.

MAZMUR 76:9

O mafa'da O naketu-nala'dim neme lalai mai; daebafak-ka bii-namata'u, de denge-denge.

MAZMUR 91:1

Hataholi fo, nasulu-nahapa neu Manetualain Fo Mademaina, ma ana leo nai Manakoasa li'da susuen-na dalek soona,

KELUARAN 12:27

Soona emi muse mataa mae, ‘Ia tutunu-hohotu Paskah, soaneu fe ha'da-holomata neu Manetualain, nana Ana la'ok seli hataholi Israel-la uman-na nai Masir, nai lelek Ana taonisa hataholi Masir-ra anatou ulun-nala, de Ana fe ita taso'da!’ ” Boema hataholi Israel-la senek, ma lakaluku-lakatele.

AMSAL 18:10

Manetualain ndia, sama leo uma puni madema mateaina; hataholi dale ndoos-sa, neu leo naa neu, de ana hapu mamanak fo, nee-nee lino-linok.

YESAYA 1:17

fo manoli tao tatao-nono'i malole leona. Mapadedeik matetu ndoos ma matetuk-ka, ma tu'u-tapa heni tuni-ndenik-ka; fe anamaak-kala haak, ma masala'e inafalu-la dede'an-na.”

YESAYA 11:4

Naketu-nala'di hataholi nuu-taa hata-taak-ka, tunga ndoos ma matetuk, nasala'e hataholi tapandoes-sa no dale ndoos; hataholi masalak-ka, nanahukuk tunga paletan-na, Ana tao namopo-namate hataholi mangalauk-ka.

YESAYA 61:1

Manetualain Fo Mademaina, koasan-na nai au dalek; Ana hele au, de nadenu au soaneu au uni hala malole-a, neu hataholi nuu taa-hata taak-ka, ma tao alea-ahai hataholi fo, dalen-na nakalulutuk; soaneu po'a-benga neu hataholi nanahukuk-kala ae sila nanasoi-po'ik no lai-laik, ma neu hataholi manai bui dale-la ae neukose sila nanasoi-po'ik.

YEREMIA 39:18

Neukose o nanatao nisa tak, nana neukose Au soi-tefa ala o. Neukose o samanem-ma naso'da nanahu o masalai deam-ma neu Au. Au, Manetualain, nde manakokolak-ka.”

YEREMIA 45:5

Tao le'e de o hii ka'da lole-napu neulauk? Boso tao leondiak Barukh! Basa hataholi daebafak-ka Au hukus nenik mamate-momopok, tehu la'eneu o soona, fafa'kama neukose o maso'da. O leo-la'ok lo bee mu boeo neukose o so'da-molek mahele. Au, Manetualain nde manakokolak-ka.”

YESKIAL 13:5

Ala ta lanea mamanak fo, nai bee sila papala nanadaman-nala lakalulutuk, ma ala ta tao lahii papala nanadamak sila-la boen. Da'di, Israel ta bisa napadeik nahele fa, metema natee-natatik-ka, ana da'di nai Au fo, Manetualain fai mamaing-nga.

HOSEA 10:12

Au afa'da ae, ‘Hai, Israel! Ta'ti tina beuk soaneu o, fo sele-nggali bini-ngge ndoos ma matetuk, fo ketu-kolu baba'e-papalak, fo buna-boak neme o susue-lalaim te'e-te'e neu Au-a. Nana fain-na losa, o sanga Au, fo o Manetualaim-ma. Neukose Au mai, fo Au akona fe o, Au u'da baba'e-papalang.’

HOSEA 7:10

Hataholi Israel-la, koao-ndaeaon nananitak no mangale'dok, de ana da'di buti neu sila salan-nala. Leomae basa sila-la ala da'di so, te ala ta sanga Au boen, do ala fali leo Au, fo Manetualain, fo sila Aman Manetualain fa.

YUNUS 3:9

Fafa'kama Manetualain dodoo nasafali dale tutu'un-na, fo ta namanasa so'on, nalosa Ana ta tao nakalulutuk ita fa!”

ZAKHARIA 8:19

“Ala tao okaaok manai hataholi Yahudi-la bulak ka 4, ka 5, ka 7, ma ka 10-na dalek, neukose ana da'di feta fo henuk no namahokok-ka, ma hika-setelek ba'eneu laun Yehuda-la. Sue-lai ndoos ma mole-dame-a!”

MATEOS 5:5

Maua-manalek neu hataholi fo mana makaloe-makadae ao ka; nanahu neukose Manetualain tao natetu hala hehelu na, neu hataholi sila la!

1 TESALONIKA 4:1

Tolano-tolanoo ngala lemin! Mate'e na, ami fe basa emi natutu'duk la'eneu emi muse maso'da tao leo beek fo, nandaa no Manetualain dale na. Memak emi maso'da leondiak so. Tehu besak ia, no Lamatuak Yesus koasa na, ami moke manseli, ma ami makaseti emi, fo ela emi boetai sanga enok seluk, nai basa dede'ak sila la dalek.

1 TESALONIKA 4:10

Nana emi matu'du basa susue-lalaik ndia neu emi tolanoom manai Makedonia la so. Tehu tolano-tolanoo ngala lemin, ami moke manseli, fo ela emi so'da ma, ana da'di malole seluk bai.

1 PETRUS 1:22

Hu ka nde emi tao tunga Manetualain nanoli nala, de emi tao balisi emi ao ina mala, ma emi sue-lai hataholi fo emi namahehelek esa, no dale ndoos. Hu ndia de, ela leo bee na emi masue-malai ao no dale katema tuak.

1 PETRUS 3:4

Tehu ela leo bee na emi malole-manapu nai emi dalem dale, fo nde ha'da-palii malole-mangana'u ka, ma nenee-lino lino ka; ndia nde lole-napu matea-mahelek ma kabelik tunga Manetualain mata memete na.

2 PETRUS 3:18

Ela leo bee na, Lamatuak Yesus Kristus, ma ita Mane Mana Soi-Tefa na, Ana fe baba'e-babatin neu emi, fo ela emi boetai malela kana. Koa-kion, neme besak ia, losa dodoo na! Amin. Ha'da-holomata neme ami, Petrus