ZEFANYA 2:13 - Susula Malalaok Hehelu Palak Ma Hehelu Beuk

¹³ Basa ndia soona, neukose Manetualain Ana pake koasan-na, fo Ana tao nakalulutuk Asyur. Neukose Ana tao kota Niniwe da'di nee-nee lino-linok, ma moo na'u tak.

ZEFANYA 2:13 ပူးပေါင်းရင်းမြစ်များ

YESAYA 10:12

Tehu Manetualain nafa'da nae, “Metema hata fo Au sanga taon nai Pupukuk Sion-na ma nai Yerusalem ndia basan soona, neukose Au huku manek Asyur-ra, nanahu manakoao-ndaeaon-na ma namatutua-namadedema aoinan-na.”

YESAYA 10:16

Hu kande hataholi Asyur-ra, lamatutua-lamadedema aoinan-nala so, de neukose Manetualain Fo Manakoasa, neukose Ana fe he'di-laus-sa mai, soaneu huku malanga solda'du ao makadelek sila-la. Neukose ala hapu he'di sumaik manalope-lopek-ka, sama leo ha'ipilak-ka, nakandondoo henin.

YESAYA 10:5

Manetualain nafa'da nae, “Soe ba'eneu Asyur! Au pake Asyur da'di leo ue, ma ai kalapu'ak soaneu fepa hataholi fo Au nasa-melung tu'da la'es.

YESAYA 11:11

Nai faik ndia, neukose Manetualain pake la'i seluk koasan-na, fo no falik bei ela anan manai Asyur ma Masir-ra, nai nusa Patros, Sudan, ma Elam, nai Babel, Hamat, ma manai nusa dook-kala.

YESAYA 14:26

Au dale tutu'ung-nga nde ia, soaneu daebafak-ka; Au so'uk Au limang-nga, soaneu huku leoinak-kala.”

YESAYA 37:37

Boema, Sanherib, fo manek Asyur-ra, nakadedeak, de ana fali leo Niniwe neu.

YEREMIA 49:33

Neukose Hazor nada'bak losa dodoon-na ma ana da'di mamanak nafuni busa fuik. Ta hapu hataholi esa boe leo nai na. Au, Manetualain nde manakokolak.”

YUNUS 1:2

nae, “Muu leo Niniwe fo kota matua ndia muu, fo fen balataak, nanahu Au bubuluk basa laun-nala mangalauk lanseli.”

YUNUS 3:2

Nae, “Muu leo Niniwe, fo kota matua ndia, fo manduku-malosak neu laun-nala, hala heheluk fo Au fen neu o.”

MIKHA 5:6

Bei ela hataholi Israel-la, neukose ala da'di dinis makasufuk neme Manetualain mai soaneu leoina makadotok, ma sama leo u'dan-na mai soaneu sesele-nganggalik nai fai sele-nggalin-na. Neukose lasalai dean-nala neu Manetualain, te ta neu hataholi daebafak fa.

NAHUM 1:1

Manetualain hala hehelun-na nde ia la'eneu Niniwe. Nafa'da hala heheluk ndia tunga ninitak, de Ana fen neu Nahum, fo nabi esa neme Elkos mai.

NAHUM 3:15

O tao su'di beek boe, neukose palsuma la'iesak-kana, nana tao leo bee-o, neukose ha'i na'a heni o, do o mate nai natee-natatik dale. Neukose mopok o, sama leo lamak-kala la'a heni tina-osi buna-boan. O mamade'u sama leo lamak-ka so!

NAHUM 3:7

Hataholi manita o neukose a nadook aoinan-na, ma nafa'da nae, ‘Niniwe da'di ai batu madodouk so! See kande susa sama-sama noon? Ta hapu hataholi nau kokoe-nanasi fan.’ ”

ZEFANYA 1:4

Neukose Au huku Yerusalem ma Yehuda laun-nala lala'en-na. Bei ela hataholi fo ala sene-do'ok neu Baal-la, neukose Au tao amopo-amates leme mamanak sila-la mai. Neukose, lafandele heni imam-imam fo lalalau-laoono Baal-la.