ZEFANYA 2:11 - Susula Malalaok Hehelu Palak Ma Hehelu Beuk

¹¹ Neukose, Manetualain tao-nalas ala bii-lamata'u lanseli. Neukose Ana tao nakalulutuk, lamatua daebafak manai daebafak-kala. Boema, basa leoina lala'en-na, neukose ala sene-do'ok neu Manetualain, nai esa-esak nusan-na.

ZEFANYA 2:11 ပူးပေါင်းရင်းမြစ်များ

KEJADIAN 10:5

Leoina fo manaleo ndolo-ndolo tasi su'uk-kala, ma nai pulu-pulu-la, bei-ba'i kain-nala nde hataholi sila-la. Fo Yafet tititi-nonosin nde basa hataholi sila-la. Leoina esa no leo anan-nala, ala leo nai esa-esak nusan-na, ma esa-esak dede'an.

MAZMUR 138:4

Ou Manetualain, basa manek manai daebafak-ka, neukose ala koa-kio O, nana, lamanene basa O hehelum-ma so.

MAZMUR 72:17

Ela leo been-na, na'de manen-na nananafandendelek losa dodoon-na, ma ela leo been-na, na'den-na boetai nanakoa-kiok nai lelek le'do bei nai lalai-a. Ela leo been-na, leoina-la loke, fo fes baba'e-papalak sama leo ndia, ma basa hataholi-la loken soona lae, maua-manalek.

MAZMUR 86:9

O makadada'dik basa leoina-la, neukose ala mai, ou Manetualain, fo ala sene-do'ok neu O, ma ala koa-kio O matua-mademam.

YESAYA 2:18

Neukose mopo makandondook sosongo-tatangok-kala.

YESAYA 42:10

Makamee nakamee beuk, ba'eneu Manetualain, hai basa daebafak-ka lala'en-na lemin, koa-kion leona! Hai tasi, mangguu leon ma basa oe-isin, nusak manai dook-kala, ma basa laun-nala!

YESAYA 42:4

dalen-na ta naba'e, do ketu namahehenan-na fa, losa ndoos ma matetuk-ka, napadeik natetu nai daebafak-ka. Nusa dook-kala, lahiik nanolin-na.”

YESAYA 49:1

Mamanene au, hai nusa dook-kala lemin, taoafik neu dede'a-kokolang. Manetualain naloo au, te beita bongi au fa, Ana hele au, neme lelek, au inang nailu au-a.

YEREMIA 10:11

Hei anang-ngala lemin, emi muse mafa'da neus mae, lamatua daebafak-kala fo ta lakadada'dik lalai-a ma daebafak ndia fa, neukose nanatao namopo-namatek. Neukose sila mopok-kasa neme daebafak ia mai.)

YEREMIA 46:25

Manetualain Fo Manakoasa, fo Israel Manetualain-na, nafa'da nae, “Neukose Au huku-doki Amon, lamatua daebafak manai Tebe-a ma basa Masir no lamatua daebafan-nala ma manen-nala. Manek Masir-ra ma basa hataholi ta lamahena neun nana

DANIAL 11:18

Basa ndia boema, neukose neu sapu-na leoina manai tasi su'uk-kala, de ana sengi ba'uk-ka. Tehu mauli-malanga nusa fe'ek esa, neukose ana tao nakamate nakamumulu-nakamamaek fo ana taon ndia, nakalenak neukose ana balas-sana nenik nakamumulu-nakamamaek ndia seluk.

HOSEA 2:17

Neukose, Au ta fen loak seseik Baal-la na'den-na so'on, nalosa neukose hataholi-a nafandele heni na'dek ndia.

YOEL 2:11

Manetualain halan-na nadodolo, fo ana fe nasanene'dak, neu solda'dun-nala. Solda'dun-nala makadotok nanseli! Solda'du fo lakalala'ok paletan-na, balakain-na seli! Manetualain Fain-na matuaina nanseli! Ta hapu hataholi esa boen, hapu nakatatakak fa.

ZEFANYA 1:4

Neukose Au huku Yerusalem ma Yehuda laun-nala lala'en-na. Bei ela hataholi fo ala sene-do'ok neu Baal-la, neukose Au tao amopo-amates leme mamanak sila-la mai. Neukose, lafandele heni imam-imam fo lalalau-laoono Baal-la.

ZEFANYA 3:9

Tehu basa boema, Au tao asafali leoina sila-la dalen-nala, nalosa ala sene-do'ok ka'da neu Au mesang-nga, te ta neu lamatua daebafa fe'ek-kala fa. Neukose, basa leoina sila-la, ala tunga Au.

ZAKHARIA 13:2

Nai faik ndia, neukose Au lose heni sosongo-tatangok-kala na'den-na, neme dae ia mai, nalosa ta hapu hataholi esa boen, bei nafandelen bai. Neukose, Au usi heni basa hataholi fo ana manaku aoinan-na nabi, sama-sama loo sila fo duladale mangalauk-ka koasan-nalas.

ZAKHARIA 2:11

Nai lelek ndia, neukose leoina makadotok, ala mai leo Au mai, fo ala da'di Au anang. Neukose, Ana leo nai emi tala'daheom, ma neukose emi bubuluk, mae Manetualain haitua basa au leo emi neu so.

ZAKHARIA 8:20

Manetualain Fo Manakoasa, nafa'da nae, “Neukose fain-na losa, kota ba'uk-ka laun-nala, neukose ala mai leo Yerusalem mai.

ZAKHARIA 8:23

Nai faik ndia, neukose hataholi nusa dea 10 mai leo hataholi Yahudi esa mai, fo lafa'da lae, ‘Ami boeo mahiik maua-manale sama leo emi boe, nana ami mamanene, lae Manetualain ba'e-pala emi.’ ” Manetualain Fo Manakoasa nde manakokolak-ka.

MALEAKHI 1:11

Basa leoina manai daebafak-ka lala'en-na, ala fe ha'da-holomata neu Au. Ala tunu boomenik, su'di nai bee-bee boe, fo ala fe ha'da-holomata neu Au na'deng-nga, ma ala tunu-hotu tutunu-hohotuk-ka nandaa, nana basa leoina-la, ala fe ha'da-holomata neu Au!

MALEAKHI 1:14

Soo-supak be'eneu manake'di-ndiuk, fo ana tunu-hotu fe Au bana beli tak, metema bei hapu bana neulauk nai banan-nala dalek, fo ana helu basa, ana fen neu Au so! Nana Au nde Mane Matua-madema, ma nanafe ha'da-holo mata neme basa leoina-la mai.”

ULANGAN 32:38

Sila la'a paa mina fo, emi tunu-hotuk-ka ma linu angol fo, emi tunu-hotuk-ka. Maloos fo, ala mai tulu-fali emi, nemen-na fo, ala da'di emi manasulu-mahapam.

1 TIMOTIUS 2:8

Au nau, fo ela su'di nai mamanak bee ndia boe, basa tou kala hule-haladoi no dale malalaok, boso no nasa-meluk do nale'a-napilik.

NINITAK 11:15

Boema ata nusa so'da kahitu puu pupuu na, boema nai nusa so'da ka hala kala nananamanenek bela na seli nafa'da nae, “Koasa soaneu paleta daebafa ka besak ia nai ita Manetualain ma Mane Mana Fe So'dak fo nanahelu ka, liman dale. Neukose Ana paleta losa dodoo na!”