ZEFANYA 1:7 - Susula Malalaok Hehelu Palak Ma Hehelu Beuk

⁷ Manetualain fain-na deka so. Neukose Manetualain ho'i nakeketuk nai faik ndia. Hu ndia de, pe'daom nai matan-na. Manetualain naheheleaon soaneu Ana ho'i-na anan-nala ani hahaen-na, sama leo do'do bana tutunu-hohotuk-ka, de ana ka'i basa Yehuda musun-nala so.

ZEFANYA 1:7 ပူးပေါင်းရင်းမြစ်များ

AYUB 24:1

Tao le'e de, Manetualain ta naketu fai naketu-nala'dik-ka fa, fo ela hataholi manamalelak-kana, ala hapu ndoos ma matetuk-ka fa?

MAZMUR 46:10

Ana tao nate'e natee-natatik-ka nai daebafak-ka lala'ena, Ana tao nakalulutuk kokouk-kala ma tee-dongi, Ana hotu heni babaa fana bobongok-kala.

YESAYA 13:3

Manetualain naloo basa Ana hele palani ta'ti batu la so. Hataholi sila aon-nala makadelek, palani, ma Ana bisa namaheles. Manetualain fes bela-ba'uk fo ala huku hataholi fo nasa-melun la'es.

YESAYA 13:6

Kii-makaleleu leona, nana Manetualain fain-na deka so, fo nde Manetualain fe fai momopo-mamatek-ka.

YESAYA 2:12

Nai faik ndia, Manetualain Fo Manakoasa, neukose nakadadaek basa hataholi fo namatutua-namadedema aoinan-na, ma Ana huku basa hataholi manakoao-ndaeaok-ka, ma mananamatutua-namadedema aok-ka.

YESAYA 29:2

Tehu neukose, Manetualain fe soe-a mai, neu kota ndia, nalosa hataholi-a nakadii-nakau ma nahoo. Basa kota lala'en-na, nalupa leo mei tunu-hotuk fo, nadiu daak.

YESAYA 34:5

Manetualain sadia basa tafainan-na, nai nusa so'dak-ka so, de besak ia, neukose tafaina ndia na'a leoina Edom fo, huhukun-na nananaketu basak so, de neukose nanatao namate-namopok.

YESAYA 34:6

Neukose Manetualain tafainan-na, nadiu daak, ma pete-pete no sila minan-na, sama leo pete-pete no bana tutunu-hohotuk-ka daan-na, ma minan-na. Nana Manetualain sadia tutunu-hohotuk nai Bozra, ma Ana taok-kanisa matuaina-la nai dae Edom-ma.

YESAYA 6:5

Boema, au kokolak ae, “Soe! Ketu au namahehenang-nga, nana au kokolak dede'a manggenggeok nanahu sala-singok-ka, ma au leo nai leoina-la boeo leondiak boe. Leomae leondiak boe, au ita matang Manek fo nde Manetualain Fo Manakoasa!”

YEREMIA 46:10

Tehu au, Yeremia afa'da ae, ia soona Manetualain Fo Mademaina ma Manakoasa fain ia; neu faik nde te, ana tao babalak neu basa musunom-mala lala'en-na. Neukose tafan-na na'as losa lakabete, ma ninu daan-nala losa ana doak. Faik ia Manetualain Fo Manakoasa do'do tutunu-hohotun-nala nai ki, nai lee Efrat ndia su'un-na.

YESKIAL 7:10

Fai susa-soe ba'eneu leoina Israel-la, ana losa so. Naseti-nalakak-ka, nai basa mamanak lala'en-na. Koao-ndaeaok-ka, popo-tama nakandoo.

YESKIAL 7:7

Basa hata lala'en-na, nate'e ba'eneu o, hai leoina fo, manaleo nai dae ia dalek-ka. Besak ia, ta hapu seluk feta nai mei tunu-hotu letelepak-kala, te hapu ka'da tasi'bu mesak-kana.

YOEL 1:15

Manetualain fain-na deka so, faik fo neni bibii-namata'uk; faik Fo Manakoasa fe nakalulutuk-ka mai.

YOEL 2:11

Manetualain halan-na nadodolo, fo ana fe nasanene'dak, neu solda'dun-nala. Solda'dun-nala makadotok nanseli! Solda'du fo lakalala'ok paletan-na, balakain-na seli! Manetualain Fain-na matuaina nanseli! Ta hapu hataholi esa boen, hapu nakatatakak fa.

YOEL 2:31

Neukose le'do makahatuk ma bulak-ka da'di pilas sama leo daak-ka. Basa sila-la, neukose ala da'di te Manetualain fain fo neni bibii-namata'u matuaina ndia, beita losa fa!

AMOS 6:10

Teidalek fo manaito-ato natoi-natonon-na, neukose ana mai fo ana ko'o no tolanoon ndia popolan-na leo deak neu. Soona naloo bou-bou neu hataholi manai uma ndia buin-na nae, “Ade bei hapu nggelok bei laso'da do ta?” Soona, neukose namanene hala natataak-ka nae, “Ta!” Teidalek fo natoi-natono popolak ndia, neukose nafa'da nae, “Boso kokolak seluk bai! Ita ta bole seseik Manetualain na'den-na fa.”

AMOS 8:3

Nai faik ndia nakameek manai uma manek-kala, neukose lasafali da'di kikii-makaleleuk. Nai mamanak lala'en-na, mamates nanatapa henik no denge-dengek-ka, lalefule'ak.”

HABAKUK 2:20

Manetualain nai Uma malalao-malalafun dale. Ela leo been-na basa hataholi manai daebafak-ka, ta hala nai matan-na.

ZEFANYA 1:14

Manetualain fai naketu-nala'din deka so, hei, ana deka nanseli so, nakalenak, ana losa no lai-laik. Faik ndia, henuk no dale he'dik-ka, nalosa solda'du palani ta'tibatu-la boeo ala nggasi beau nanahu ketu namahehenan-nala!

ZAKHARIA 14:1

Manetualain fai naketu-nala'din, deka so. De neukose manabonga uma-la, ala bonga Yerusalem, de ala baba'e ala kalo leni hata-heto-la, nai lea matan.

ZAKHARIA 2:13

Emi basa-basam-mala, boso mahahala nai Manetualain matan! Nanahu, Ana mai neme mamana leleon manai nusa so'dak-ka mai so.

MALEAKHI 4:1

Manetualain Fo Manakoasa, nafa'da nae, “Neukose fain-na losa, basa hataholi manakoao-ndaeaok ma hataholi mangalauk-ka, nanahotuk sama leo ha'deaik-ka. Nai faik ndia, neukose sila nanahotu basak, de ta ela sila esa boen.

MATEOS 22:4

Basa boema manek ndia nadenu seluk malalau-maoonon nggelok leu seluk. Nafa'das nae: ‘Meu mafa'da hataholi nanaka'ik sila la mae, nana'a-nininu feta kabi nga nanasadia basak so. Au do'do basa au sapi ngala ma bana-manu neulau ngala so. Basa-basan nanasadiak so de mai leona!’

ROMA 3:19

Besak ia ita bubuluk basa, hoholo-lalanek fo nanasula basak nai agama Yahudi a hoholo-lalanen dale ndia, soaneu hataholi fo laso'da lai hoholo-lalanek ndia paleta na dae. No enok ndia, ta hapu hataholi esa boen, hapu fe ne'ek hata-hata so'on, ma Manetualain kalaak basa daebafa ka lala'ena.

ROMA 9:20

Tehu tolano-tolanoo ngala lemin! Tolanoo kala hataholi daebafak mesan. De tolanoo kala ta bole male'a mo Manetualain fa! Ade pot bunga bole natane hataholi manatao pot bunga ndia nae, “Tao le'e de, o tao ma au da'di tao leoiak?”

FILIPI 4:5

Ela leo bee na, basa hataholi la hapu lita emi heheo-hihilu malole ma. Nanahu ta doo ka so'on te, neukose Lamatua ka, ana mai so.

KOLOSE 1:12

boema moke makasi neu Ama ka. Nana hu ka nde, Amak ndia sue-lai emi de, emi mandaa sipo hata fo Ana sadia basan, ba'e neu salani nala nai nusa so'da ka dalek.

SEMUEL SUSULAK-KA ESAN-NA 16:5

Semuel nataa nae, “Hei, tete'ek-ka. Au mai soaneu tunu-hotu fe Manetualain tutunu-hohotuk. Hu ndia de, tao malalao-malalafu o aoinam-ma, fo ela o hapu tunga feta tutunu-hohotuk ndia.” Nadenu Isai no anan-nala boe, fo esa-esak tao nalalao-nalalafu aoinan-na, ma ana ka'is fo leu leo feta ndia leu.

SEMUEL SUSULAK-KA ESAN-NA 20:26

Tehu Saul ta kokolak manada'dik ndia, nai faik ndia fa, ana dodoo nae, “Fafa'kama Dauk la'ola'di manada'dik esa, nalosa ana ta balisi tunga agama nakaneneten-na.”