ZEFANYA 1:3 - Susula Malalaok Hehelu Palak Ma Hehelu Beuk

³ basa hataholi daebafak-kala, ma bana-manu, ma manupui-la ma i'ak-kala boe. Neukose Au taoisa hataholi mangalauk-ka. Neukose Au tao amopo-amate basa hataholi daebafak-ka lala'en-na, neukose Au ta po'ilotak maso'dak esa boen, Au fo Manetualain dede'a-kokolang leondiak.

ZEFANYA 1:3 ပူးပေါင်းရင်းမြစ်များ

KEJADIAN 6:7

nalosa nafa'da nae, “Neukose, Au tao amopo-amate hataholi daebafak fo Au akadada'dik sila-la, ma basa manupui-la ma bana fe'ek-kala lala'en-na boe, nana Au asasale dale, akadada'dik basa hataholi sila-la so.”

YESAYA 27:9

Tehu, Israel sala-singon-nala, ka'da hapu do'o do ampon neun, mete ala loli lakalulutuk lamatua daebafak-kala, sama leo ha'o-a. Basa boomenik, ma lamatua daebafa Inak Asyera dulan-na, muse nanatao nakalulutuk boe.

YESAYA 6:11

Boema au atane ae, “Manada'dik ia, ana da'di losa faihi'da Manetualain?” Boema nataa nae, “Losa kota-la da'di batu nananaunuk, fo ala da'di kota louk, hataholi ta leo uma-la so'on, ma dae-a da'di louk ma tokotik,

YESAYA 6:12

Neukose, Au usi heni kota sila laun-nala leo mamana dook neu, nalosa basa dae lala'en-na, ala da'di dae nee-nee lino-linok.

YEREMIA 12:4

Nusak ia tuk losa fai hi'da, ma na'un-nala male nai basa tina-la lala'en-na? Manupui-la ma bana-manu fe'ek-ka mates nanahu ami leoinam-mala tatao-nono'i mangalaun-nala. Sila lafa'da lae, neukose Au ta ita sila ua-nalen-na so'on.”

YEREMIA 50:3

Leoinak esa neme kii mai fo ana tao musu neu Babel ma ana tao nusak ndia da'di nusa ma'dak. Hataholi no bana-manu-la neukose lalai ma esa ta nau leo nai na.”

YEREMIA 7:20

Au, Manetualain Fo Mademaina, neukose Au po'a Au nasa-melu matuainang-nga neu uma makaluku-makatele ia, neu hataholi daebafak-ka ma bana-manu, boeo neu ai-la, ma daebafak-ka buna-boan. Neukose Au nasa-melung, ana pila lo'a-lo'a, sama leo ha'i fo, ta hapu taonisa fan.”

YEREMIA 9:10

Au, fo Yeremia afa'da ae, “Au sanga kii ma teisusa dale he'dik, nanahu moo mana'uk manai moo solokaek-ka, ma manai letek-kala, lamatuu-tongo so, de hataholi ta tunga ndia fa Ta tamanene bana-manu halan-nala so'on, manupui ma bana-manu fe'e-fe'ek-kala lalai, de mopok-kasa so.”

YESKIAL 44:12

Tehu, hu kande ala tao feta fo, sene-do'ok neu sosongo-tatangok, soaneu leoina Israel-la, de no enok ndia, ala loso leoina Israel-la, leo sala-singok dale leu, de Au, Manetualain Fo Mademaina soo, ae sila muse nanahukuk.

YESKIAL 7:19

Neukose, ala tapaheni lilopila-lilofulan-nala leo enok lain neu, sama leo kadafuk-ka, nana nai faik fo, Manetualain kalua nasa-melun te, lilopilas-lilofulak, ta hapu soi-nala sila fa, te ka'da nenis leo sala-singok-ka dalek neu. Ala ta mete lilopilas lilofulak sila-la, fo lakabete, do ala ko'dos leo tein-nala dalek leu fa.

HOSEA 14:3

Fali me'um-ma leo Manetualain meu leona, fo manduku-malosak hule-haladoik ia, da'di leo emi tutunu-hohotum neu Manetualain nae, “Manetualain, fe do'o do ampon neu ami sala singom lala'en-na, ma sipo-ma ami hule-haladoim ia, soona neukose ami koa-kio O, sama leo ami hala hehelum-ma.

HOSEA 14:8

Neukose, ala fali ma'is leo Au mai, fo ala leo nai Au nasulu-nahapang dale. Neukose so'dan-nala, boetai da'di tetu-temak, sama leo gandum-ma moli nai tina maoe-maisik-ka, ma sama leo osi angol-la. Na'den-nala nanakoa-nanakiok, sama leo oe angol Libanon-na.

HOSEA 4:3

Hu ndia de, nusak ia neukose ana da'di dae ma'dak, ma neukose, mate la'iesak basa hata fo laso'da lai ndia. Neukose mopo-mate la'iesak bana-manu mata-matak manai lalai, dae ma'dak-ka, ma manai tasi dale-la.”

ZAKHARIA 13:2

Nai faik ndia, neukose Au lose heni sosongo-tatangok-kala na'den-na, neme dae ia mai, nalosa ta hapu hataholi esa boen, bei nafandelen bai. Neukose, Au usi heni basa hataholi fo ana manaku aoinan-na nabi, sama-sama loo sila fo duladale mangalauk-ka koasan-nalas.

MATEOS 13:41

Ana Hataholi ka neukose nadenu ata nusa so'da nala, fo laloo lakabubua basa Manetualain hataholi kamahehelen, fo manini sala-singok fe hataholi fe'e kala ma basa hataholi mana tao tatao-nono'i mangalau kala,

MATEOS 23:39

Bubuluk leon te, mulai besak ia, neukose emi ta mita Au so'on losa emi mafa'da mae, ‘Nanaba'e-palak ba'eneu Ndia fo Ana mai no Manetualain na'de na.’ ”

NINITAK 2:14

Leomae leondiak boe, fo Au ta hiin nai emi dalek fa nde: Hapu hataholi nggelok nai emi dalek, ala tunga hata fo Bileam nanoli ka. Bileam nanoli Balak eno na tao leo beek fo tu'u hataholi Israe la leo sala-singo ka dalek leu, fo nde ninik ana fufu'di-oo'dos fo la'a nana'ak fo ala fe basan neu sosongo-tatango ka ma ala tao tatao-nono'i manasosoa-piao kala.