ZEFANYA 1:18 - Susula Malalaok Hehelu Palak Ma Hehelu Beuk

¹⁸ Nai fai bibii-namata'u matuaina ndia, neukose Manetualain natu'du nasa-melun, soona ala ta hapu ho'i-la la'iesak lilopila-lilofulan-nala fa. Neukose Manetualain ha'i nasa-melun hotu naputu la'iesak daebafak-ka lala'en-na. No kaiboboianak, neukose Ana ho'i-na basa mahahaek manai daebafak ia lala'en-na.

ZEFANYA 1:18 ပူးပေါင်းရင်းမြစ်များ

KEJADIAN 6:7

nalosa nafa'da nae, “Neukose, Au tao amopo-amate hataholi daebafak fo Au akadada'dik sila-la, ma basa manupui-la ma bana fe'ek-kala lala'en-na boe, nana Au asasale dale, akadada'dik basa hataholi sila-la so.”

1RAJA-RAJA 14:22

Leoina Yehuda tao tatao-nono'i mangalauk nai Manetualain mata memeten-na. Sila tatao-nono'in tao nafo'a seluk Manetualain nasa-melun lena heni basa sila bei-ba'i kain tatao-nono'in lala'en-na mai.

AYUB 21:30

Lafa'da lae, “Nai faik fo Manetualain fe huhukuk-ka, basa hataholi manatao tatao-nono'i mangalauk-kala, neukose nanasoi-tefak.”

AYUB 3:15

Au sungu, sama leo manek-ka anamanen-na, fo ana tao nahenu uman-na, nenik lilofula lilopilas.

MAZMUR 78:58

Ala tao lakahehe'dik Manetualain dalen-na, nenik mamana sosongo-tatangok, ma ala tao-la dalen-na susa nenik sila dodoki-dudulan.

MAZMUR 79:5

Ou Manetualain, O mamanasa, ma O nape'da dalem-ma pila lo'a-lo'a sama leo ha'i-a losa dodoon-na do?

AMSAL 11:4

Metema nasasale matak no mamates-sa soona, hata-heton sosoa-ndandaan ta; o so'dam-ma neukose nanasoi-tefak, metema o dalem-ma ta peko-pakik fa.

AMSAL 18:11

Tehu hataholi kamasu'i-makabetek-ka, naedaenga hata-heton nde lasulu-lahapan-nana sama leo papala nanadamak madema, ma mateaina, okofefeon-na kota.

YESAYA 1:24

Hu ndia de Manetualain Fo Manakoasa, fo Israel Manetualain-na, nafa'da nae, “Hai, Au musung-ngala lemin, neukose Au balas emi nenik nape'da dalek, fo emi ta tao susa Au so'on.

YESAYA 10:17

Manetualain fo Malalao-malalafuk, fo Israel Masa'an-na, neukose Ana da'di sama leo ha'i pilak-ka, fo na'a heni basa hata lala'en-na ka'da nai faik esa dalen-na, nakalenak basa la'iesak makatema dila-nggauk-kala.

YESAYA 10:3

Neukose emi tao beek nai faik fo, Manetualain huku emi? Ade emi sanga enok tao leo beek, nai lelek fo Ana fe soe-a mai neme nusa dook mai? Neukose emi moke tutulu-fafalik neu see? Neukose emi mafuni emi su'i-betem sila-la nai bee?

YEREMIA 7:20

Au, Manetualain Fo Mademaina, neukose Au po'a Au nasa-melu matuainang-nga neu uma makaluku-makatele ia, neu hataholi daebafak-ka ma bana-manu, boeo neu ai-la, ma daebafak-ka buna-boan. Neukose Au nasa-melung, ana pila lo'a-lo'a, sama leo ha'i fo, ta hapu taonisa fan.”

YEREMIA 7:34

Neukose nusak ia, ana da'di moo tokotiik. Neukose Au tao amopo hala namahoko-seteleek, ma halak manai feta ka'bing-nga, nai kota-kota Yehuda, ma nai eno-enok manai Yerusalem-mala.

YEREMIA 9:11

Manetualain nafa'da nae, “Neukose Au tao Yerusalem da'di ai-batu madodouk, fo ana da'di, busa fuik-kala mamana keke'ken. Kota-kota Yehuda-la, neukose ala da'di nee-nee lino-linok, mamanak fo, hataholi ta leon so'on.”

YESKIAL 16:38

Neukose Au huku o, nanahu hohonge-a, ma o tao kanisak sila-la. Neukose Au hukuisa o, nai Au nasa-melung-nga dalek.

YESKIAL 23:25

Hu kande Au amanasa o, de Au po'ilotak-kasa, ala tao o no ta pake dale susue-lalaik fa. Neukose, ala kee heni o panam-ma, ma o di'idoom-ma, boema ala ho'u-la o anam-mala fo ala tu'us leo ha'i lai neu, fo ha'i-a hotu nisas.

YESKIAL 7:11

Tatao-nono'ik fo ta nalelak susue-lalaik-ka, neni tatao-nono'i mangalauk makadotok. Basa sila su'i-beten, namatutua-namadedeman ma sila tetu-teman lala'en-na, neukose mopok-kasa.

YESKIAL 7:19

Neukose, ala tapaheni lilopila-lilofulan-nala leo enok lain neu, sama leo kadafuk-ka, nana nai faik fo, Manetualain kalua nasa-melun te, lilopilas-lilofulak, ta hapu soi-nala sila fa, te ka'da nenis leo sala-singok-ka dalek neu. Ala ta mete lilopilas lilofulak sila-la, fo lakabete, do ala ko'dos leo tein-nala dalek leu fa.

YESKIAL 7:5

Manetualain Fo Mademaina, nafa'da leoina Israel-la, dede'ak-ka nde ia, “Neukose soe esa basa soona, soe esa mai, fo ana tuni-ndeni-na emi.

ZEFANYA 1:11

Kii-makaleleuk nai faik fo emi mamanene dede'ak ndia, hai laun fo manaleo manai kota boboan dae. Nana, basa manadangan-nala, ma hataholi makatotonak doik-kala, nanataonisak so!

ZEFANYA 1:15

Faik ndia, fai nasa-meluk, to'a-sotak ma to'a-taak, fai manandefak, ma nakalulutuk, fai makahatuk, ma mata-pana makamamasuk, fai masakoko'ak ma makamamasuk.

ZEFANYA 2:2

beidai emi beita male-tale ma mamatuu-tongo sama leo bunga! Mameme'dak leona, beidai Manetualain, fai nasa-melun beita losa fa, fo Manetualain nasa-melun mana pila lo'a-lo'an ndia, la'e emi.

ZEFANYA 3:8

Tehu manea besa-besa! Mahani ka'da fain-na losa, Au fo'a apadeik da'di leo manakalaak. Nana, Au aketu basa, soaneu aloo akabubua leoina-la, ma nusa-nusak-kala, fo Au po'a Au nasa melung neus. Neukose, Au ha'i nasa melung-nga, na'a heni basa daebafak-ka lala'en-na.

MATEOS 16:26

Ade hataholi esa hapu nanalak hata, metema ana hapu daebafa ka lala'ena, tehu namopo so'da samane na? Ade so'dak ndia hapu tukan ninik hata esa do?

1 KORINTUS 10:22

Do fafa'kama ita nau tao ta Lamatua ka nape'da dalek do? Ade ita balakai na ba'u lenaheni Lamatua ka do?

ULANGAN 31:17

Metema, ana da'di leondiak soona, neukose Au nasa-melung, lua ponu-ponu neu emi. Neukose, Au la'oelas, ma Au tao amopo-amates. Neukose, susa-soe matuaina makadotok, ala tuni-ndeni lalas, boema neukose, ala lame'da lae basa sila-la ala da'di, hu kande Au, sila Manetualain fo ta nok sila so'on.