ZEFANYA 1:15 - Susula Malalaok Hehelu Palak Ma Hehelu Beuk

¹⁵ Faik ndia, fai nasa-meluk, to'a-sotak ma to'a-taak, fai manandefak, ma nakalulutuk, fai makahatuk, ma mata-pana makamamasuk, fai masakoko'ak ma makamamasuk.

ZEFANYA 1:15 ပူးပေါင်းရင်းမြစ်များ

YESAYA 13:9

Neukose, Manetualain fain-na losa, fo nai faik ndia, Manetualain nasa-melun lua ponu-ponu. Neukose, daebafak-ka da'di moo na'u tak, ma basa hataholi masala-masingok-kala, neukose mopo-mate.

YESAYA 22:5

Memak, Manetualain Fo Mademaina, ma Manakoasa, naketu basa faik ia, da'di leo fai sese'do-babalik, fai nakalupuk, ma fai tasi'bu nai Bafak Ninitak-ka. Kota papala nanadaman-nala, nanatao natu'uk so. Ngganggasik fo manoke tutulu-fafalik-ka, nadodolo nai pupukuk-kala lain.

YESAYA 8:22

do leo dae neu, neukose ta lita hata esa boen, te ka'da to'a-taak-ka, makahatuk-ka, boema makahatuk fo neni bibii-namata'u matuaina. Neukose sila nanatu'u-tapak leo mamana makahatuk ndia neu.

YEREMIA 30:7

Faik fo matuaina nanseli ana losa so, faik fo ta hapu nakandandak na fan. Ba'eneu Au anang-ngala soona, faik fo dale manatesa-tama taak; tahu neukose Au soi po'i sila.”

YOEL 2:11

Manetualain halan-na nadodolo, fo ana fe nasanene'dak, neu solda'dun-nala. Solda'dun-nala makadotok nanseli! Solda'du fo lakalala'ok paletan-na, balakain-na seli! Manetualain Fain-na matuaina nanseli! Ta hapu hataholi esa boen, hapu nakatatakak fa.

YOEL 2:2

Faik ndia makiuk ma makahatuk, henuk no makamamasuk ma'u-ma'uk-ka. Lamak bubuaina esa mai osu-osu sama leo ko'as fo natabaa nai letelepak lain. Manada'dik leondiak-ka, beita da'di nita fa, ma neukose ana ta da'di seluk losa dodoon-na.

YOEL 2:31

Neukose le'do makahatuk ma bulak-ka da'di pilas sama leo daak-ka. Basa sila-la, neukose ala da'di te Manetualain fain fo neni bibii-namata'u matuaina ndia, beita losa fa!

ZEFANYA 1:18

Nai fai bibii-namata'u matuaina ndia, neukose Manetualain natu'du nasa-melun, soona ala ta hapu ho'i-la la'iesak lilopila-lilofulan-nala fa. Neukose Manetualain ha'i nasa-melun hotu naputu la'iesak daebafak-ka lala'en-na. No kaiboboianak, neukose Ana ho'i-na basa mahahaek manai daebafak ia lala'en-na.

ZEFANYA 2:2

beidai emi beita male-tale ma mamatuu-tongo sama leo bunga! Mameme'dak leona, beidai Manetualain, fai nasa-melun beita losa fa, fo Manetualain nasa-melun mana pila lo'a-lo'an ndia, la'e emi.

MATEOS 24:29

“Lelek toto'a tataa ka nate'e beita doo ka boen te, le'do a neukose makahatuk, ma bula ka ta nasalaa so'on. Neukose nduu kala, ala tu'da leme lalai mai, ma mana koasa manai lalai maloa, neukose ta latetu-landaa so'on.

ROMA 2:5

Tehu emi langa batu ma emi ta nau oebeu dale mala fa. Hu ndia de, emi nde tao mambela seluk emi huhuku ma nai Fai Mate'e ka, metema Manetualain natu'du nasa-melun fo naketu-nala'di tunga matetu na.

ULANGAN 28:52

Neukose, ala sapu-la basa kota manai nusak fo, emi Manetualaim-ma fen neu emi ndia, nalosa ala tao lakalulutuk papala nanadamak mademaina fo, emi mamahenak sila-la.

2 PETRUS 3:7

Tehu no Manetualain hala-kokolan ndia boe de, lalai no daebafak besak ia nananakaboboik, soaneu fai makabui na, nanahotu henik ninik ha'i nai Fai Naketu-nala'di ka sama-sama no hataholi mangalau kala.

NINITAK 6:17

Fai Huhukuk fo manini bibii-namatau ka ana mai so! Manetualain ma Bi'ilopo Ana po'a nasa-melun mai, de hataholi esa boen ta nakatatakak nabe'i nai hataholi sila matan fa!”