ZEFANYA 1:14 - Susula Malalaok Hehelu Palak Ma Hehelu Beuk

¹⁴ Manetualain fai naketu-nala'din deka so, hei, ana deka nanseli so, nakalenak, ana losa no lai-laik. Faik ndia, henuk no dale he'dik-ka, nalosa solda'du palani ta'tibatu-la boeo ala nggasi beau nanahu ketu namahehenan-nala!

ZEFANYA 1:14 ပူးပေါင်းရင်းမြစ်များ

YESAYA 15:4

Hataholi Hesybon ma Eleale-la, ala nggasi beau, de halan-nala nananamanenek losa nai Yahas. Nakalenak, basa solda'du-la dele bee-too; mopo palanin-nala so.

YESAYA 33:7

Hataholi palani tatibatu-la, ala nggasi loke tutulu-fafalik; basa hataholi nadedenuk fo, manasanga enok mole-dame-a, ala kii no dale he'dik.

YESAYA 66:6

Mamanene! Te hapu hala makalupuk nai kota; hapu halak neme Au Umang mai; ndia nde Au halang fo, balas musu-a!

YESAYA 8:22

do leo dae neu, neukose ta lita hata esa boen, te ka'da to'a-taak-ka, makahatuk-ka, boema makahatuk fo neni bibii-namata'u matuaina. Neukose sila nanatu'u-tapak leo mamana makahatuk ndia neu.

YEREMIA 25:36

Emi tei susa dale he'di ma ki mamatani no dale he'dik, nanahu nai nasan-na dalek Ana tao nakatoto'a-nakatatak emi leoina ma Ana tao nakalulutuk emi nusa namon fo nene-lino-linok ndia.

YEREMIA 30:7

Faik fo matuaina nanseli ana losa so, faik fo ta hapu nakandandak na fan. Ba'eneu Au anang-ngala soona, faik fo dale manatesa-tama taak; tahu neukose Au soi po'i sila.”

YEREMIA 46:5

Tehu Au, Manetualain, Au itas ala bii de lakadedeak. Ala lalai no bibiik-ka de ala ta lipa lo dea neu fa.

YEREMIA 48:41

Kota-kota ma kota musu neukose nanaho'i nak, ma soloda'dun-na ala bii sama leo inak fo ana sanga bongi.

YESKIAL 12:23

Nah, mafa'das mae Au, Manetualain Fo Mademaina, fe natataan-na nde ia: Neukose Au loseheni dede'a lasik ndia, nalosa ala ta kokolak-kana nai Israel so'on. Mafa'das mae, dede'a lasik ndia nggatin-na nae fain-na losa so, de dede'a nafa'da elak lala'en-na, neukose ala da'di.

YESKIAL 7:12

Le'do-fain, ana mai no lai-laik, fain-na ana deka so! Mana asa ma manamase'ok-ka, ala ta hapu nanalak hata esa boen, nanahu neukose Manetualain huhukun-na, la'e basa hataholi lala'en-na.

YESKIAL 7:16

Neukose, nggelok laladeak, fo lalai leo letelepak-kala leu. Nai ndia, neukose sila sama leo manupui kuu fo, nanausihenik neme bafak-kala mai; neukose basa-basas hoo-nggu'u, nanahu sala-singon-nala.

YOEL 1:15

Manetualain fain-na deka so, faik fo neni bibii-namata'uk; faik Fo Manakoasa fe nakalulutuk-ka mai.

YOEL 2:1

Puu pupuuk-ka, ma fepa malii besi ta'du-tana soe-a nai pupuku Sion fo malalao-malalafuk fo Manetualain mamana leleon-na. Dele bengge'be leon, hai laun Yehuda-la lemin! Nana Manetualain, Fain-na deka, de ana losa lai-lai.

YOEL 2:11

Manetualain halan-na nadodolo, fo ana fe nasanene'dak, neu solda'dun-nala. Solda'dun-nala makadotok nanseli! Solda'du fo lakalala'ok paletan-na, balakain-na seli! Manetualain Fain-na matuaina nanseli! Ta hapu hataholi esa boen, hapu nakatatakak fa.

YOEL 2:31

Neukose le'do makahatuk ma bulak-ka da'di pilas sama leo daak-ka. Basa sila-la, neukose ala da'di te Manetualain fain fo neni bibii-namata'u matuaina ndia, beita losa fa!

YOEL 3:14

Hataholi lifu-lifun nai Bafak Naketu-nala'dik-ka. Nana nai naa, Manetualain Fain-na, neukose ta dooanak so'on te ana losa.

YOEL 3:16

Manetualain nangao neme Sion, fo Ndia leten lain mai, halan-na nadodolo neme Yerusalem mai. Hu Manetualain de, lalai-a ma daebafak-ka langgengo. Tehu neukose, Manetualain nasala'e nahele ma nasulu-nahapa Israel, fo anan-nala.

AMOS 8:2

Boema Manetualain natane au nae, “O mita beek, Amos?” Au ataa ae, “Au ita sapai esa, ai boa latuk henun.” Boema Manetualain nafa'da nae, “Leondiak boe, Au anang Israel fain-na losa soaneu nanahukuk so. Neukose Au ta dodoo asafali seluk Au dale tutu'ung-nga so'on, de tao leo bee-o, neukose Au hukus.

ZEFANYA 1:10

Manetualain, nafa'da nae, “Leo ndia, nai faik ndia; neukose kii-kiik-ka nananamanenek nai Lelesuina I'ak-ka. Hala makaleleuk-kala, neukose nananamanenek neme nggolo beuk-kala mai, ma manandefa matuaina-la nggun-na, neukose nanggu neme pupukuk-kala mai.

ZEFANYA 1:7

Manetualain fain-na deka so. Neukose Manetualain ho'i nakeketuk nai faik ndia. Hu ndia de, pe'daom nai matan-na. Manetualain naheheleaon soaneu Ana ho'i-na anan-nala ani hahaen-na, sama leo do'do bana tutunu-hohotuk-ka, de ana ka'i basa Yehuda musun-nala so.

MALEAKHI 4:5

Tehu fai matuaina ma neni bibii-namata'uk fo Au aketuk ndia, beita losa fa, te neukose Au adenu Nabi Elia mai neu emi.

HATAHOLI 2:20

Neukose le'do da'di makahatuk, bula ka da'di pilas sama na leo daa ka, tehu Lamatua ka Fai Matuan ma Fai Malolen ndia, ana beita losa nde ndia fa.

FILIPI 4:5

Ela leo bee na, basa hataholi la hapu lita emi heheo-hihilu malole ma. Nanahu ta doo ka so'on te, neukose Lamatua ka, ana mai so.

1 TESALONIKA 4:16

Mahani te, neukose ata nusa so'da kala malanga na, naloo napane'e ma Manetualain pupuu na, nanapuuk da'di ta'du-tana esa. Soona, Lamatuak Yesus kona neme nusa so'da ka mai, ma hataholi kamahehelek mana mate basa kala, neukose Manetualain tao naso'da fali kasa lakahuluk.

IBRANI 12:26

Nai lelek ndia, hala na tao nanggengek daebafa ka. Tehu besak ia Ana helu nae, “La'iesa seluk soona, neukose Au tao anggenge kana, ta ka'da daebafa ka mesa kana fa, tehu lalai a boe.”

YAKOBIS 5:9

Boso beemumu, ma esa boso fe salak neu esa boen, fo ela Manetualain boso huku emi. Mafandendelak! Te mana maketu-mala'di a, fai na deka de, nahehele aon sanga mai ia so.

2 PETRUS 2:3

Hu ka nde mese masapepekok sila la tenepeta nala de, neukose ala tui emi, sila tutui manapopo'de-papai nala, fo tao ka nde ala hapu nanalak neme emi mai. Tehu sila huhuku nala, nanasadiak doo ka so, boema momopo-mamates fo nananaketu basak soaneu sila boeo, nahani mema kasa so.