ZEFANYA 1:13 - Susula Malalaok Hehelu Palak Ma Hehelu Beuk

¹³ Neukose, nakodaa-la kalo leni hata-heton-nala, ma ala tao lakalulutuk uman-nala. Neukose lafofo'a seluk uma, tehu ala ta leo fan. Neukose ala tao osi angol, tehu ta linu angol-la oen-na fa.”

ZEFANYA 1:13 ပူးပေါင်းရင်းမြစ်များ

YESAYA 6:11

Boema au atane ae, “Manada'dik ia, ana da'di losa faihi'da Manetualain?” Boema nataa nae, “Losa kota-la da'di batu nananaunuk, fo ala da'di kota louk, hataholi ta leo uma-la so'on, ma dae-a da'di louk ma tokotik,

YEREMIA 15:13

Manetualain nafa'da neu au nae, “Neukose au haitu musu-a soaneu ho'i neni basa au anang-ngala su'i-beten-nala ma hata-heton-nala da'di lo huhukuk neu sala-singok fo sila tao basak nai nusak dale.

YEREMIA 17:3

ma nai letek-kala fo nai kota deak. Nanahu basa mamana nakaluku-nakatele sosongok-tatangok fo emi mapadedeik basan nai basa nusa lala'en-na, nanahu basa sala-singok fo emi tao-no'ik-kala, hu ndia de neukose Au tao emi musum-mala kalo leni basa emi hata-hetom-mala ma emi su'i-betem-mala.

YEREMIA 4:20

Soe-a, ana mai la'inono'ik de ana tao nakalulutuk nusak-ka lala'en-na. No kaiboik, au lalaa temang-nga nanatao nalutuk, teman-nala nanasisii nakalulutuk.

YEREMIA 4:7

Sama leo singa, ana kalua neme mamana keke'ken-na mai, leondiak boe, leoina fo manatao nakalulutuk-ka, ana la'o so ana mai, fo ana sanga tao namopo-namate Yehuda. Kota-kota manai Yehuda-la, neukose ala lakalulutuk da'di batu madodouk mamanak fo, hataholi ta leo fan.

YEREMIA 5:17

Neukose la'a heni emi daem-ma buna-boan, ma emi nana'am-ma, boema ala taolisa emi anam-mala. Neukose ala ta'ti emi sapim-mala, ma ala do'do emi bi'ilopom-mala, ma ala tao lakalulutuk emi osi angom-mala, ma emi ai kaam-mala. Neukose ala tao lakalulutuk kota-kota makota musuk fo, emi masalai emi deam-ma neus-sala.

YEREMIA 9:11

Manetualain nafa'da nae, “Neukose Au tao Yerusalem da'di ai-batu madodouk, fo ana da'di, busa fuik-kala mamana keke'ken. Kota-kota Yehuda-la, neukose ala da'di nee-nee lino-linok, mamanak fo, hataholi ta leon so'on.”

YEREMIA 9:19

Hala kikii-makaleleuk-ka, nananamanenek nai Sion nae, “Ita mate-mopo, ma nananakamamaek nanseli. Ita muse la'oela ita nusan-na, ita uman-nala, nanatao nakalulutuk so.”

RATAPAN 5:2

Ami pusakam-mala tu'da leo hataholi fe'ek liman dale neu, hataholi nusa dea-la leo-la ami umam-mala.

YESKIAL 22:31

Hu ndia de besak ia, Au amanasas, de neukose Au tao amate-amopos nenik ha'i, nanahu sila tatao-nono'in lala'en-na. Au Manetualain Fo Mademaina, nde manakokolak-ka.”

YESKIAL 7:19

Neukose, ala tapaheni lilopila-lilofulan-nala leo enok lain neu, sama leo kadafuk-ka, nana nai faik fo, Manetualain kalua nasa-melun te, lilopilas-lilofulak, ta hapu soi-nala sila fa, te ka'da nenis leo sala-singok-ka dalek neu. Ala ta mete lilopilas lilofulak sila-la, fo lakabete, do ala ko'dos leo tein-nala dalek leu fa.

YESKIAL 7:21

Manetualain nafa'da leoina Israel-la nae, “Neukose, Au po'ilotak hataholi nusa dea-la, ala bonga emi umam-mala. Hataholi mangalauk-kala neukose ala loso-la emi hata-hetom, fo ala tao langgenggeon.

YESKIAL 7:24

Neukose, Au fe leoina nasa-melu mangalauk-kala mai, fo ala ho'i-la emi umam-mala. Emi hataholi palani tatibatum-mala, neukose ala dele bengge'be, metema Au po'ilotak leoina sila-la, ala tao lakalulutuk emi mamana huhule-haladoim-mala.

AMOS 5:11

Emi tuni-ndeni hataholi nuu-taa hata-taak-ka, ma emi loso-ma sila gandum-ma. Hu ndia de, neukose emi ta leo nai emi uma manaahiim fo emi taom-ma ka dalek fa. Neukose emi ta minu angol fo emi sele nai emi osim-mala dalek fa.

MIKHA 3:12

Hu kande emi tatao-nono'i mangalaum ndia, de neukose lakauuk Sion sama leo hadeoe, neukose Yerusalem da'di ai-batu madodouk, ma pupukuk fo Manetualain Uman-na, neukose ana da'di nula na'u-aiana.

MIKHA 6:15

Emi sele-nggali gandum, tehu neukose emi ta ketu-kolu buna-boan fa. Neukose emi tao mina neme ai setun-na boan-na mai, tehu emi ta hapu pake minan-na fa. Neukose emi he'e angol-la oen-na, tehu neukose emi ta minu fan.

ZEFANYA 1:9

Neukose Au huku basa hataholi fo ala sene-do'ok, sama leo hataholi fo ta lalelak Au fa, ma sila fo lamanako, ma lanisa, fo ala tao lahenu sila malangan-na uman-na nenik bua-lo'a nakok-kala.”

ULANGAN 28:30

Metema, emi ta tunga emi Manetualaim-ma fa soona, manada'dik-kala nde ia, neukose ala tuni-ndeni-la emi: Neukose emi meu a'du-matane ina anafe'ok, tehu hataholi fe'ek nde sao ina anafe'ok fo, emi meu a'du-matanek ndia. Neukose, emi mafofo'a uma, tehu hataholi fe'ek nde leo uma ndia. Neukose, emi sele osi angol, tehu hataholi fe'ek nde na'a boan-nala.

ULANGAN 28:39

Neukose emi sele emi osi angol-ma fo emi mete-makanaen, tehu emi ta ketu-seu angol-la boan-na, ma emi minu angol-la oen-na fa, nanahu ulek-kala, la'aheni ai angol sila-la.

ULANGAN 28:51

Neukose la'aheni emi bana-manum, ma emi dae-oem buna-boan, ma ala ho'ileni la'iesak emi gandum, angol, mina setun, do emi sapim ma emi bi'ihii bi'ilopom-mala, losa emi mate mo la'as-sa.