ZEFANYA 1:12 - Susula Malalaok Hehelu Palak Ma Hehelu Beuk

¹² Nai faik ndia, neukose Au de'de obor, fo Au palisak lutu-lutuk kota Yerusalem-ma. Neukose, Au huku laun fo ta namahele te'e-te'e ndia fa, boema name'da-nana, dai so, ma hataholi fo ana dodoo nae Au, fo Manetualain ta la'iesa fo Ana ho'i nakeketuk leo iak do leonak boen.

ZEFANYA 1:12 ပူးပေါင်းရင်းမြစ်များ

AYUB 21:15

Ala dodoo lae, “Lalalau-laoono Manetualain soona, sosoa-ndandaan ta, ma hule-haladoi neun soona, ta hapu hata esa boen.

MAZMUR 10:4

Hataholi masala-masingok-ka, ta taoafik neu Manetualain fa, nanahu koao-ndaeaon, de ana dudu'a-dodoo nae, Manetualain ta.

MAZMUR 14:1

Soaneu mauli-malanga nakameek-ka. Dauk kokoa-kikion-na. Hataholi nggoak-ka, kokolak nai dalen dale nae, “Manetualain ta.” Sila tatao-nono'in mangalauk, ma ta kandaak fa, ta hapu manatao malole fa.

MAZMUR 94:7

Lafa'da lae, “Manetualain ta nita fas, Yakob Manetualain-na, ta taoafik neu fas.”

YESAYA 5:19

Emi mafa'da mae, “Nemen-na Manetualain fo Israel Manetualain malalao-malalafun-na, Ana ho'i nakeketuk no lai-laik! Nemen-na fo, nakalala'ok dale tutu'un-na, fo ela ita tita ma bubuluk.”

YEREMIA 10:5

Dodoki-dudulak sosongo-tatangok sila-la sama leo hataholi nai osi aido dale. Sila ta hapu kokolak fa, ta hapu nggani ein-nala fa, ma muse so'us. Boso bii-mamata'u neus, nana ala ta tao mangalauk neu emi fa; Ta lakatatakak tao malole boen fa.”

YEREMIA 48:11

Manetualain nafa'da nae, “Nai makahulun-na Moab naso'da nenee-lino-linok. Beita hapu nanafoo nenik lo mamana ookak-ka neu fa. Ana sama leo angol oek-ka fo nanapo'ilotak sasi henin ma beita hapu nanadi'ak lo angol mamanak fe'ek fa. Angol ndia bei nabomeni ma mala'dahiik.

YESKIAL 8:12

Manetualain nafa'da au nae, “Hai hataholi daebafak fo, manasapu-manalalok-konei, o mita basa mauli-malangan Israel-la, no denge-dengek, ala tao beek ndia? Ala tao makaluku-makatele nai mamanak fo henuk no sosongo-tatangok-ka, boema lafa'da lae Au la'oela nusak ia so, de Au ta ita sila tatao-nono'in ndia fa.”

YESKIAL 9:4

“Muu leo kota bu'un lalaena muu, fo tao ta'du neu hataholi manadale he'dik-kala, ma manasusak-kala dedein-nala, hu kande basa tatao-nono'ik nanamauluak-kala nanatao-no'ik nai kota ia dalek.”

YESKIAL 9:9

Boema, Manetualain nataa nae, “Hataholi Israel-la, ma hataholi Yehuda-la, ala tao basa sala-singok matuaina so. Ala tao kanisak nai basa mamanak lala'en-na, ma ala tao langgenggeo Yerusalem nenik tatao-nono'i managalauk-kala. Ala lafa'da lae Au, fo Manetualain, la'oela nusak ia so, nalosa Au ta hapu ita sila tatao-nono'in fa.

AMOS 6:1

Soe ba'eneu emi fo maso'da nai malole-mala'da dalek nai Sion, ma emi fo mame'da so'dam-ma nee-nee lino-lino nai Samaria, hai emi fo lasi nggolok nananita-nalelak nai leoina Israel mana'a hiik ia, emi fo biasa laun-nala mai fo loke tutulu-fafalik!

OBAJA 1:6

Hei Esau tititi-nonosin-nala lemin, ala kae o umam-ma, fo o ala ho'i leni o mafuni hata-heto-la boe.

MALEAKHI 2:17

Emi taom-ma Manetualain malua emi kokolam-ma. Tehu emi matane mae, “Da'di tao leo beek, de ami taom-ma Manetualain malua?” No emi mafa'da mae, “Basa hataholi manatao mangalauk-kala, Manetualain, nafa'da nae malole, ma nahiik-kasa.” Do no natatanek, “Manetualain manatao tunga ndoos ma matetun-na ndia, nai bee?”

2 PETRUS 3:4

fo ala kokolak lae leo ia, “Lafa'da lae, Lamatua ka helu nae, neukose Ana mai! Na, besak ia Ana mai de, nai bee? Ita ama kai nala, mate basas so, tehu basa hata lala'ena, bei sama leo makahulu na, fo nai lelek Manetualain nakadada'dik lalai a no daebafa ka boe!”

NINITAK 2:23

Neukose Au taoisa la'iesak hataholi manatunga nala boe, fo ela basa salani kala lame'da lae, Au nde Ndia fo manabubuluk hataholi daebafa ka dudu'a-aafin ma dale nala. Neukose Au balas emi tunga emi esa-esak tatao-nono'in.