ZEFANYA 1:11 - Susula Malalaok Hehelu Palak Ma Hehelu Beuk

¹¹ Kii-makaleleuk nai faik fo emi mamanene dede'ak ndia, hai laun fo manaleo manai kota boboan dae. Nana, basa manadangan-nala, ma hataholi makatotonak doik-kala, nanataonisak so!

ZEFANYA 1:11 ပူးပေါင်းရင်းမြစ်များ

AYUB 27:16

Bole nakaduduluk lilofulak, ma bua papaken-na ladodou,

AYUB 27:17

tehu, basa lilofulak, ma bua papakek sila-la, neukose ala da'di hataholi dale ndoos-sa, nuun.

YEREMIA 25:34

Hai mauli-malangan-nala lemin, hai basa manafo Manetualain anan-nala lemin, ki-namatani mapane'e! Loli fali nai afu dale, nana fain-na losa emi nanado'dok, ma mananaladeak-ka neukose nanatao tapasasalak. Neukose emi sama leo ule dae kabelik-ka fo tu'da henin de ba'en.

YEREMIA 4:8

Hu ndia de, kii ma makaleleu leona, pake lafa lapik, da'di leo ta'du-tana dale he'dik. Nanahu Manetualain nasa-melun manalua pono-ponun-na, ana beita tenak neme Yehuda mai fa.

YESKIAL 21:12

Hai hataholi daebafak fo, manasapu-manalalok-konei, kii-makaleleu, ma maloo bou-bou leona! Nana tafaina ndia, naheheleaon la'ban Au anang-ngala. Basa mauli-malangan Israel-la, sama-sama loo basa leoina lala'en-na, neukose nanapauk nenik tafaina ndia, losa mate-mopos, Soona toko emi fanam-mala, da'di leo ta'du-tana susa,

HOSEA 9:6

Metema, soe-a losa, ma loo emi leo nusa fe'ek meu, soona ela emi see soona, neukose hataholi Masir-ra tao lakabubuas soaneu taolisas, fo latoi-latonos nai Memfis! Neukose na'u ma dila-nggauk moli ketu emi uma mamanam-mala, ma emi bua-lo'a lilofula kabelim-mala.

YOEL 1:13

Hai basa imam fo nalalau-naoono nai mei tunu-hotuk-ka, pake lafa kalong, da'di neu ta'du-tana fafaluk, fo kii leona. Masok leo Manetualain Uman dale meu, fo kii-makaleleu le'odaek esa, nana ta hapu tunu-hotu angol ma gandum ba'eneu o Manetualaim fa.

YOEL 1:5

Hai basa manamafuk-kala lemin, fo'a leona! Hai maninuk-kala lemin, kii leona! Nana angol beuk-ka ala loso-lan neme o bafam-ma mai so.

ZEFANYA 2:5

Emi nanasoo-supak, hai hataholi Filistin fo leoina manaleo ndolo-ndolo tasi su'un-na. Manetualain naketu basa huhukuk ba'eneu emi so. Neukose Ana tao namopo-namate emi, fo ta hapu emi esa boen, naladeak fa.

ZAKHARIA 14:21

Basa kete manai Yerusalem-mala, ma nai basa Yudea lala'en-na, neukose nanafe hehelik, fo da'di Manetualain Fo Manakoasa pusakan. Laun fo manatunu-hotu tutunu-hohotuk-ka, neukose ana paken, fo ana nasu paa tutunu-hohotuk-ka. Metema, tepo-lelek ndia losa soona, neukose ta hapu manadangan nai Manetualain Fo Manakoasa Uman-na so'on.

YOHANIS 2:16

Boema nafa'da hataholi manamase'o kalua sina la nae, “So'uheni basa ia la leme ia mai. Fo boso tao Au Amang Uma na da'di mamana dangan!”

YAKOBIS 5:1

Tolano-tolanoo kamasu'i ngala lemin! Mamanene au nanoli-nafa'dang nde ia nae, Ela leo bee na emi kii-makaleleu, nana neukose emi doidoso ma to'a sota!