ZEFANYA 1:1 - Susula Malalaok Hehelu Palak Ma Hehelu Beuk

¹ Zefanya nde been-na Kusyi anan. Bei-ba'in tutuin-na, nanatuik neme dae leo lain neu, fo nde: Kusyi, Gedalya, Amazia, ma manek Hizkia. Manetualain hala hehelun neu Zefanya nai lelek Mane Yosia fo Amon anan-na paleta Yehuda nde ndia.

ZEFANYA 1:1 ပူးပေါင်းရင်းမြစ်များ

2RAJA-RAJA 21:18

Manasye maten de, latoin nai uma manek-ka osin dale, fo nde osi Uza. De anamanen Amon, nggatin da'di manek.

2RAJA-RAJA 21:26

Latoi Amon nai mamana loo-lates manai osi Uza dalek. De anan Yosia nggatin da'di manek.

2TAWARIKH 33:20

Manasye maten boema latoin nai uma manek-ka. Anamanen Amon nggatin da'di manek.

YEREMIA 1:2

Nai tepo lelek Amon, fo mane Yehuda anan Yosia paleta neu teuk-ka telun-na boema, Manetualain kokolak no Yeremia.

YEREMIA 22:11

Manetualain nafa'da nae, “La'eneu Yoahas fo Yosia ana manen-na fo ana dadi manek nai Yehuda nggati aman, nde bee soona, ana la'o neme ia mai, de ana ta fali fa.

YEREMIA 25:3

“Teuk duahulu telu dodoon-na, lelek teuk kasanahulu telun-na boema, mon anamanen Yosia paleta nai Yehuda, de losa faik ia Manetualain kokolak no au, boema au beita hahae tui-bengan neu emi lala'en-na hata fo Ana nafa'dak-ka. Tehu emi ta mafaduli fa.

HOSEA 1:1

Ia nde hala heheluk, fo Manetualain fen neu Hosea, fo Beeri anan-na, nai lelek manek Uzia, Yotam, Ahas boema Hizkia, paleta beiko loo nusa Yehuda, ma Yerobeam, fo Yoas anan-na paleta nusa Israel-la.

2 TIMOTIUS 3:16

Basa hata fo nanasulak nai Susula Malalao ka dalek ndia, Manetualain fen neu nabi la tunga Dula Dale ka nafafa'da na, ma masosoa-ndandaak soaneu nanoli hataholi a, hata bee ka nde ndo sa, soaneu kena-ka'i, ma tao matalolole masala ka, ma soaneu nanoli hataholi a fo ela naso'da tunga Manetualain hihii-nanaun.

2 PETRUS 1:19

Hu ndia de, ami boetai mamahele Manetualain hala hehelun fo, basa nabi la tui-benga kala. Malole lenak, emi taoafik neu hala heheluk ndia, nana hala heheluk ndia, sama leo banu manapilak esa, nasalaa nai mamana makahatu ka, fo ana pila nahele losa dulu fula, boema sama leo nduu timu a, fo nasalaa nai emi dalem dale.