ZAKHARIA 9:17 - Susula Malalaok Hehelu Palak Ma Hehelu Beuk

¹⁷ Mahani te, Manetualain, daen-na malole nanseli, malole ma mana'ahiik nanseli! Angol ma gandum-mala moli no malole nai ndia, fo ana tao-na ta'eanak anafe'oanak boetai balakaik.

ZAKHARIA 9:17 ပူးပေါင်းရင်းမြစ်များ

MAZMUR 144:12

Ela leo bee-na, ita anatoun-nala, nai lelek muli-solun-nala, sama leo bubu'u-palusa fo namatua. Ela leo bee-na, ita anainan-nala, sama leo dii bu'uk-kala, fo ala painote uma manek-ka dii bu'un-nala.

MAZMUR 145:7

Neukose, hataholi tui O malolem lala'ena, ma lakamee la'eneu O ndoos ma matetum-ma.

MAZMUR 27:4

Au oke dede'ak ka'da esa neme Manetualain mai, ka'da ia nde au ahiik-kana: au leo nai Manetualain Uman nai au fai maso'dan-nga dalek, soaneu au hapu ame'da ita Manetualain dale malolen-na, ma au dokodoe hehela-nonolen.

MAZMUR 31:19

Sule ketu basa masapepeko-masandandalik-kala bafan-na, nana noo koao-ndaeaok ala hakinonoli hataholi manatao tunga ndoon-na.

MAZMUR 36:7

O dale malolem-ma, namadema dema letek-ka ma O ndoo-matetum-ma dema tasi maloaina; Ou Manetualain, O makaboboi hataholi daebafak-ka, ma bana-manu.

MAZMUR 45:2

Dede'a-kokola mana'ahiik-kala, lua ponu-ponu neme au daleng dale mai, au akamee fe manek-ka, au nakameeng-nga. Sama leo hataholi bini esa engen-na, au maang-nga naheheleaon kokolak bini.

MAZMUR 50:2

Neme Sion, kota fo mana'ahiik nanseli, Manetualain to'da mai no nandela-nasa'a.

MAZMUR 86:15

Tehu O, ou Amak, Manetualain fo manasue-manalai, ta haelai namanasa, henuk no susue-lalaik, ma manalilinekak.

MAZMUR 86:5

Ou Manetualain, O malole ma O nau fe do'o do ampon, hataholi manahule-haladoi neu O-a, O sue-lai mahelen nenik susue-lalaik fo, ana sasi kao-kao.

MAZMUR 90:17

Ou ami Amam Manetualain, ba'e-pala ami, fo ela basa ami ue-le'dim lala'ena, neni buna-boak.

KELUARAN 15:11

Lamatua daebafak beek-ka nde hapu nakasusu'dik no O, ou Manetualain Fo Mandela-masa'ak ma malalao-malalafuk? See kande hapu tao manada'dibeuk-kala ma tatao-nono'i matuaina sama leo Manetualain?

KIDUNG AGUNG 5:10

O touana susuem-ma makadelek ma mana'ahiik, nai hataholi lifun sanahulu dalek, ndia nai uluk.

KIDUNG AGUNG 7:9

o bafam-ma makeek leo oe angol-la. nemen-na fo angol ndia oen-na faa leo au touana susueng-nga neu no ta ketu basa fan; ma nafofo'a susue tou-ta'ek, nakalenak soaneu hataholi bei manasunguk-kala.

YESAYA 33:17

Neukose fain-na losa, emi mita manek fo, ana paleta nusan fo, natabaa leo basa mamanak lala'en-na, no namahokok.

YESAYA 63:15

Ou Manetualain, mete neme nusa so'dak-ka mai, neme O mamana leleom fo, malalao-malalafuk ma mandela-masa'ak-ka mai. O susue-lalaim, ma O be'i-balakaim, nai bee? O dale manasue-laim-ma, ma O dalek-kasiam-ma, nai bee? Boso makataka mahele basa sila-la, neme ami mai.

YESAYA 63:7

Au sanga tui-benga, Manetualain susue-lalain ma koa-kion, nanahu basa tatao-nono'in lala'en-na. Ana fe anan-nala, baba'e-papala manasasi kao-kaok-ka, nanahu nanuu dale susue-lalaik, ma dalek-kasian-na ta basa fan.

YEREMIA 31:12

Neukose ala mai neme pupukuk Sion-na mai no mata-pana malengak, nanahu Au fefeng neu sila-la, nde gandum, mina, angol, sapi ma bi'ilopo. Sila neukose sama leo osi bubu'u-palusa fo oa ai manadaik, ma ala ta to'a-ta hata esa boen.

YEREMIA 31:14

Basa imam-mala neukose Au taos ala doak nenik nana'a-nininuk manasasi-kao-kaok-ka; ma basa Au anang-ngala paluuk-kala neukose Au fes. Au, Manetualain, fo manamafa'dak-ka.”

YOEL 2:26

Neukose emi nana'a-nininum dai fo emi makabete. Neukose emi koa-kio Manetualain fo emi Manetualaim-ma, nana Ana tao manada'di beuk ba'uk-ka ba'eneu emi. Neukose, ta lakadadaek Au anang-ngala so'on!

YOEL 3:18

Nai lelek ndia, neukose lete-letek-kala henuk no osi angol. Neukose bana-manu la'a na'u nai pupukuk manaleloakak-kala. Neukose ta ma'da Lee manai Yehuda-la makandondook fa. Neukose lee esa, ana faa neme Manetualain Uman mai, fo oen-na faa no nee-nee lino-linok leo Bafak Akasia neu.

YOHANIS 1:14

Dede'a-kokola ka, Ana da'di hataholi daebafak, de Ana leo nai ita tala'da, boema ita tita matua-mademan so. Matua-mademan ndia, Ana sipo kana da'dileo Ama ka Ana kisa na. Tunga Anan ndia, de ita tita Manetualain, ma susue-lalain neu ita.

YOHANIS 3:16

Hu ka nde Manetualain sue-lai hataholi daebafa ka, de Ana fe Ana Mane Kisa na mai, fo ba'eneu see fo namahele neun soona, ana ta mate fa, te ana hapu so'da matetu ka, ma manaketu basa ta ka.

ROMA 5:20

Manetualain nde fe agama Yahudi hoholo-lalanen sila la. Tehu nai lelek fo hataholi daebafa ka boetai sanga enok fo tunga hoholo-lalanek sila, ala boetai la'olena hoholo-lalanek sila ma ala boetai lasala-lasingo. Leomae hataholi daebafa ka boetai tao sala-singok, tehu Manetualain boeo, boetai sue-lais.

ROMA 5:8

Tehu Manetualain natu'du susue-lalain neu ita, nai lelek fo ita bei hataholi masala-masingo ka, nai leek ndia, Kristus mate soaneu ita.